San Juan 11:51 - Nuevo Testamento Uwotjüja

⁵¹ Ja̧'wa̧nü̧ Caifá pä'amä̧, chutä a̧mü̧nä̧ amükuädümä̧ pä'okü pinü̧; pärokuänä̧ jua̧u̧ año-nä̧ sacerdote ttu̧ru̧wa̧ ja̧'a̧ttü̧, Jesú-mä̧ judío-rü rettü 'korujuoächa pä'ü rekuä rü̧ja̧'a̧ pä'ü pä'inü̧.

TÄ̧DO Ä̧CUÄ̧ I̧HUȨNȨ

⁵¹ Caifás ja̧'hua̧nö̧ päomenä, chutä amöcuädötä pä'ocö pi̧nö̧do. Chutä ja̧u̧nu̧ pä̧nä̧ sacerdotes ttu̧ru̧hua̧ ö̧ja̧'a̧ttö̧, Dios huo̧juȩcuä̧nä̧ pä'inödo: —Jesús 'co̧ru̧pä̧i̧'ä̧cua̧ judíos ttö̧ja̧rö̧ ppäda pä'ö.

San Juan 11:51 ပူးပေါင်းရင်းမြစ်များ

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Juan 10:15

Ttürü'i̧nä̧ Chä'o u̧wo̧juö̧ta̧'a̧nü̧, pärokua'aku Churutä'i̧nä̧ wo̧jua̧sä̧; ja̧'wa̧nü̧ ja̧'a̧ttü̧, cha̧'kua̧rü̧mä̧ chä̧ji̧mü̧ oweja-tü̧rü̧ iyüsä.

San Juan 11:49

Ja̧'wa̧nü̧ pättomȩnä̧, juätüttü ya̧tȩ Caifá pä'ü mi̧kua̧, jua̧u̧ año-nä̧ sacerdote ttu̧ru̧wa̧ päi'ünä̧ wa̧mä̧, päinä̧u̧: —Ukutumä̧, yoriso jerupätüjä̧,

San Juan 18:13

Ja̧'wa̧nü̧ ja̧'a̧, ä̧kuo̧mȩnä̧mä̧ Aná ojusodera̧'a̧ ttȩpi̧nä̧ku̧, sacerdote-tü̧ ttu̧ru̧wa̧ Caifá i̧mi̧ya̧ jo̧mȩttü̧. Jua̧u̧nü̧ pä̧nä̧ Caifámä̧ sacerdote ttu̧ru̧wa̧ ji̧na̧'a̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.