San Juan 11:41 - Nuevo Testamento Uwotjüja

⁴¹ Ja̧'wa̧nü̧ ja̧'a̧, wa'are ttütäjäju ä'ka i̧nä̧bi pporädü ikuinä̧tü̧. Ja̧'wa̧nü̧ ja̧'a̧ Jesú-mä̧ mo̧ro̧jä̧ra̧'a̧ku̧ topü pä'inü̧: —Chä'o, ukuru eseusä, ttürü kuä̧ju̧kuä̧ja̧'a̧ttü̧.

TÄ̧DO Ä̧CUÄ̧ I̧HUȨNȨ

⁴¹ Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.

San Juan 11:41 ပူးပေါင်းရင်းမြစ်များ

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 11:26

Iweye ja̧'wa̧nü̧tä̧ ja̧'a̧ Chä'o, ukumä̧ ja̧'wa̧nü̧tä̧ eseujä̧.

San Mateo 27:60

i̧rȩjä̧ttü̧ wa'are rütäwomȩ jareomȩ i̧nä̧wänä̧ satta pä'ü weino̧mȩ rütinü̧. Ja̧'wa̧nü̧ jä̧ji̧ o'ka'amä̧ inä̧yu rü̧ä̧yunä̧ wa'are rütäwa'a doächäkuäwome mü̧'ȩpi̧'ü̧ i̧wi̧nü̧.

San Marcos 15:46

Ja̧'wa̧nü̧ ja̧'a̧, José-mä̧ sa̧wa̧na̧'kua ȩmä̧ji̧'ka̧, ü̧jo̧kä̧nü̧ jäittü mȩyȩdü̧ juä'kuanä̧ juä'opäji'ka̧ wa'are idorä jakuä sawäwäjünä̧ rütinü̧, rütü kä'ädü doächäkuäwomemä̧ i̧nä̧binä̧ mü̧'ȩpi̧nü̧.

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

San Lucas 18:13

Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧.

San Lucas 24:2

Ja̧'wa̧nü̧ ja̧'a̧ tti̧'chi̧'o̧mȩnä̧ wa'are idorä mu̧ȩkuäjäyu, inä̧yumä̧ pporädü ikuäwa'atä topinä̧tü̧.

San Juan 11:22

Ja̧'wa̧nü̧ ja̧'a̧nä̧, wo̧jua̧ju̧sä̧ jitä'i̧nä̧ o'kajuiyünä̧ Dio-rü jäkuepümä̧ iyäkua̧jä̧ pä'ü.

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

San Juan 20:1

Semana-ttü̧ ä̧kuo̧mȩnä̧ mo̧ro̧, María Madarena-mä̧ mo̧ro̧ päia'a, ji̧nä̧ yo̧a̧'a̧nä̧ wa'are idorära̧'a̧ 'chä̧jä̧'kaju tojomȩnä̧; ä'koju mü̧ȩkuäjäyumä̧ pporädü ikuäwa'atä topinä̧ju̧.

Hechos 7:55

Ja̧'wa̧nü̧ ja̧'a̧nä̧, chutämä̧ Epíritu Sa̧tu̧ jäwä jo̧mȩnü̧ wa̧ ja̧'a̧, mo̧ro̧jä̧ra̧'a̧ku̧ toomȩnä̧ Dio ukuo jäwä topinü̧, Jesú-mä̧ Dio u̧wo̧jua̧'a̧ku̧nä̧ ü̧'ja̧'a̧.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.