San Juan 10:4 - Nuevo Testamento Uwotjüja

⁴ Ja̧'wa̧nü̧ räepäja'amä̧, o'katoi'ünä̧ ttä'kanä̧ 'chü̧; oweja-tü̧mä̧ i̧wȩnȩ ttu̧wo̧jua̧'a̧ttü̧ chutä o'ka'anä̧ 'chä̧tü̧.

TÄ̧DO Ä̧CUÄ̧ I̧HUȨNȨ

⁴ U̧mi̧ cuettächomenä, chutä ä̧ji̧mö̧ ttä'canä 'chö̧. Ja̧u̧ o'ca'anä cue'ächätö, i̧huȩnȩ ttu̧huo̧jua̧'a̧ttö̧.

San Juan 10:4 ပူးပေါင်းရင်းမြစ်များ

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

San Juan 10:3

Äpate tta̧wä̧rä̧kuä̧wä̧ i̧sa̧mä̧, jua̧u̧ru̧tä̧ ba'epü; bawepäku do'ächi'ü, ya̧ku̧nä̧ tti̧mi̧pi̧yä̧ pünä̧ wo̧ä̧u̧, i̧wȩnȩ ttu̧wo̧jua̧'a̧ttü̧ ttä̧ju̧kua̧'a̧, rä'epü kue'ädü i̧'chä̧u̧.

San Juan 10:5

Ja̧'wa̧nü̧ ja̧'a̧nä̧, ttieruwäku o'ka'anä̧mä̧ 'cho̧ko̧tü̧; pärokua'aku, dü'ekuächütä dü'ekuächätü, tturuwotü pokotü tti̧wȩnȩ ttieruwa'attü̧.

San Juan 10:8

Isopäi'ünä̧ ttü chä'kanä̧ ichinä̧tü̧mä̧, nä̧u̧kuä̧rä̧kuä̧wä̧ isotü ji̧na̧'a̧ ja̧'wa̧nü̧ ja̧'a̧ttü̧ oweja-tü̧mä̧ ttä̧ju̧kuo̧ko̧u̧ pinä̧tü̧.

San Juan 12:26

Ya̧tȩ ttü wedü jȩpü̧mä̧, cho'ka'anä̧ ichi; jua̧u̧mä̧ ttü chi̧'cho̧mȩmä̧ i̧'chä̧kua̧. Ttü wedü jȩpü̧rü̧mä̧, Chä'o'i̧nä̧ esewä̧kua̧.

San Juan 13:15

Isopäi'ünä̧ jȩchä̧ji̧yä̧ujä̧, ttü jȩchä̧ji̧mä̧ ukutu'i̧nä̧ jȩ'kuä̧tu̧kua̧ pä'ü.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

1 Corintios 11:1

Ttü jȩchü̧ jȩpä̧tu̧kui̧, ttü'i̧nä̧ Crito jȩü̧ jȩchü̧ta̧'a̧nü̧.

Efesios 5:1

Dio i̧tti̧mü̧ kuätukua'attü, Dio jȩü̧mä̧ jȩpü̧ kka̧kuä̧tu̧kui̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

1 Pedro 2:21

Pi̧yȩtä̧ pätetü Dio-mä̧ woinä̧u̧jä̧, täkü Crito-mä̧ ukutunä̧ usurä ȩmä̧wi̧nü̧, jȩi̧nü̧'a̧kuä̧ jȩ'kuä̧tu̧kua̧ pä'ü iyipümä̧.

1 Pedro 4:1

Ja̧'wa̧nü̧ ja̧'a̧ttü̧, Crito idepänä̧ usurä ȩmä̧wi̧ta̧'a̧nü̧, ukutu'i̧nä̧ usurä ȩmä̧kuä̧wä̧nä̧ jo̧mȩnü̧ kka̧kuä̧tu̧kui̧. Ja̧'wa̧nü̧ idepänä̧ usurä ȩmä̧wä̧u̧mä̧ surojüttümä̧ 'to'oku ikuä'ijü,

1 Pedro 5:3

Tta̧kuä̧rä̧tu̧kuä̧u̧ tturuwotü jü̧nä̧mä̧ jȩ'kuä̧tu̧kuä̧, ja̧'wa̧nü̧ ja̧jü̧ jueimä̧ juätürü i̧jȩkuä̧ wotü jü̧nä̧tä̧ kka̧kuä̧tu̧kui̧.