San Juan 10:36 - Nuevo Testamento Uwotjüja

³⁶ Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

TÄ̧DO Ä̧CUÄ̧ I̧HUȨNȨ

³⁶ Ja̧'hua̧nö̧ ja̧'a̧ttö̧ iso päi'önä Dios ttörö 'quȩ'ȩpö̧, pi̧jä̧ra̧'a̧ hueinöttömä, “Dios I̧tti̧sä̧” pädomenä, ¿tta̧'a̧nö̧ päcuhuätucua'ajä̧ttö̧ Diosrö suronä pä'öjä pä'ö?

San Juan 10:36 ပူးပေါင်းရင်းမြစ်များ

San Mateo 27:43

Dio I̧tti̧sä̧ pä'ä'ijü, wä̧i̧nä̧ Dio-tä ppädäku: ¡isopäi'ünä̧ Dio repeäku jü̧ttü̧mä̧, Dio wa'arettü ü̧ji̧pü̧nä̧ ppä̧dä̧kua̧!

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Juan 10:35

Dio i̧wȩnȩ rȩbȩwi̧nä̧u̧ru̧, ttü̧ä̧nä̧wa̧tü̧jä̧ päinü̧ttü̧mä̧ (wȩyu̧kuä̧ wȩnȩmä̧ jueünä̧ pä'akutä ja̧'a̧).

San Juan 17:18

Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 19:7

Judío tturuwotümä̧ ädätinä̧tü̧: —Ujutumä̧, weäwä wȩnȩ kku̧nä̧rä̧tü̧jä̧, jua̧u̧ pä'aku 'korujuoächa pä'ütä ja̧'a̧, Dio I̧tti̧ jü̧nä̧, a̧mü̧nä̧ päkuäwäja̧'a̧ttü̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

San Juan 5:30

Ttümä̧, cha̧mü̧nä̧ pa̧ja̧tü̧ pä̧wä̧rü̧ja̧'a̧ku̧ jȩcha̧ pä'ümä̧ jui̧'a̧sä̧. Adiu ja̧ pä'ü'i̧nä̧, surojü ja̧ pä'ü'i̧nä̧ Chä'o pä'akutä pä'üsä ja̧'wa̧nü̧ ja̧'a̧ttü̧ ttü pädümä̧ jueünä̧tä̧ ja̧'a̧; isopäi'ünä̧ ttürü pä̧wä̧rü̧jü̧mä̧ jȩcho̧ka̧'a̧ttü̧, ttürü we'inü̧rü̧, Chä'orü pä̧wä̧rü̧jo̧mȩnä̧ jȩcha̧'a̧ttü̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Juan 6:38

Isopäi'ünä̧ ttümä̧, mo̧ro̧jä̧ra̧'a̧ttü̧mä̧ mȩyȩwo̧kü̧ pinü̧sä̧ ttürü pä̧wä̧rü̧jü̧ jȩcha̧ pä'ümä̧, suro Chä'orü, ttürü we'inü̧rü̧ pä̧wä̧rü̧jü̧tä̧ jȩpü̧ ichinü̧sä̧.

San Juan 6:57

Chä'o ttürü we'inü̧mä̧, a̧'kua̧rä̧kuä̧wä̧ kku̧nä̧rü̧ ja̧'wa̧nü̧ ja̧'a̧ttü̧ ttümä̧ jua̧u̧nä̧ a̧'kua̧rü̧sä̧ ja̧'wa̧nü̧ jü̧ta̧'a̧nü̧ chidepä kumä̧, ttünä̧tä̧ a̧'kua̧rä̧kua̧.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,