San Juan 1:18 - Nuevo Testamento Uwotjüja

¹⁸ Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

TÄ̧DO Ä̧CUÄ̧ I̧HUȨNȨ

¹⁸ Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.

San Juan 1:18 ပူးပေါင်းရင်းမြစ်များ

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 12:41

Isaía-mä̧ Jesú ütü'kü ukuokuinü̧, jua̧u̧ ukuo jäwä topü.

San Juan 13:23

Ja̧'wa̧nü̧ ja̧'a̧, u̧wo̧juȩtä̧u̧ttü̧ ya̧tȩ Jesú rü̧ȩnä̧ repeä'ijäku, ippeyä jo̧mȩ kuä'ipäji̧'ka̧ pi̧nü̧,

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 17:26

Ukú kui̧mi̧ ttu̧wo̧juö̧nä̧ chiyinä̧u̧, jua'a yabonü̧'i̧nä̧ chi̧yä̧kuä̧u̧, ttürü kuiyinü̧ eseu repeäkuäwä juätünä̧ kkä̧kua̧'a̧nü̧, ttü'i̧nä̧ juätünä̧ chu̧ju̧nä̧.

San Juan 17:6

Pi̧jä̧ttü̧, ttürü pojopü kuiyinä̧u̧ru̧mä̧, uku kutü'kü ttu̧wo̧jui̧pü̧nä̧ jȩpi̧nü̧sä̧. Uku kuȩmi̧nä̧u̧ ja̧'a̧ttü̧, ttürü'i̧nä̧ iyinü̧jä̧ ja̧'wa̧nü̧ ja̧'a̧ttü̧ kui̧wȩnȩ wekumä̧ esetinä̧tü̧.

San Juan 3:11

Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧.

San Juan 6:46

Jua'amä̧, ya̧tȩ'i̧nä̧ Jä'orü topinä̧tü̧mä̧ toa'a; suro ya̧tȩtä̧ ja̧'a̧ Dio-ttü ichinü̧tä̧ topinü̧mä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Colosenses 1:15

Jua̧u̧ Crito-mä̧ Dio uwäpokü a̧'kua̧juä̧ ja̧'a̧, kkoro pi̧jä̧nä̧ttü̧ aditinü̧ttü̧'i̧nä̧ ä̧kuo̧mȩnä̧ i̧sa̧ ja̧'a̧.

1 Timoteo 1:17

¡'Kuäopünä̧tä̧ kkü̧ Ru̧wa̧rü̧, topäkuäwokü ya̧tȩtä̧ Dio-rü ukuotü tesewätukua! Amȩ́.

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

1 Juan 4:9

Dio, ujuturu eseu repeümä̧, I̧tti̧ chu̧'ä̧kua̧ Jesucrito-rü pi̧jä̧ra̧'a̧ we'inü̧. Jua'amä̧ o'katoi'ünä̧, jua̧u̧nä̧tä̧ kkä̧kuä̧wä̧ i'ko tu̧ju̧nä̧ri̧ya̧rü̧ pä'ü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.