San Juan 1:17 - Nuevo Testamento Uwotjüja

¹⁷ Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

TÄ̧DO Ä̧CUÄ̧ I̧HUȨNȨ

¹⁷ Moisésmä hueähuä huȩnȩ iyinödo ujuturu. Ja̧'hua̧nö̧ ja̧'a̧nä̧ Jesucristotä iso päi'önä huȩnȩ'i̧nä̧, tahuaruhuärö repeäcuähuä'inä iyinödo ujuturu.

San Juan 1:17 ပူးပေါင်းရင်းမြစ်များ

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 5:45

Jä'o ä'ka jo̧mȩttü̧ suronä̧ jȩtä̧'i̧jü̧ jiäwä̧kuä̧u̧jä̧ pä'ümä̧, päkuätukuättü; ya̧tȩ ukutu kua̧'kua̧ ku̧wȩnä̧rä̧'i̧jä̧tu̧kuä̧ku̧ kkü̧, Moisé, ji̧nä̧so pä̧kua̧mä̧.

San Juan 7:19

«¿Ukuturu weäwä wȩnȩ iyinü̧mä̧, Moisé-mä̧ jo̧ka̧'a̧ ji̧na̧'a̧ tä̧jí̧? Ja̧'wa̧nü̧ ja̧'a̧nä̧ ukutumä̧ ya̧tȩ'i̧nä̧ jua̧u̧ ukuotokotüjä̧. ¿Tta̧'a̧nü̧ pä'ü kuä'ü kuikuätukua päkuätukuäkusä̧ttü̧?»

San Juan 8:32

Ja̧'wa̧ta̧nü̧ isopäi'ünä̧ wȩnȩ ku̧wo̧juä̧kuo̧tü̧jä̧, jua̧u̧ isopäi'ünä̧ wȩnȩtä̧ jä̧kua̧'a̧ ukuturu 'chu̧ä̧rü̧ttü̧ rä'epü i̧kuä̧kuȩmä̧.

San Juan 9:29

Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

Romanos 6:14

Ja̧'wa̧nü̧ jo̧mȩnä̧ ukutunä̧mä̧ ukuotäkuäwokü surojümä̧ wȩo̧ko̧u̧ kuäkuotüjä̧, täkü weäwä wȩnȩnä̧mä̧ kka̧kuo̧ko̧tü̧jä̧, jitämä̧ Dio re ü̧ji̧nü̧nä̧ kka̧kuä̧tü̧jä̧.

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

Gálatas 3:17

Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

Hebreos 9:22

Ja̧'wa̧nü̧ ja̧'a̧ttü̧ weäwä wȩnȩ päü'anü̧, o'kajuiyünä̧ päi'a pä'ümä̧ a̧'u̧ku̧nä̧tä̧ juiyünä̧ ttukuojanä̧tä̧ suronä̧ jȩttä̧'i̧jü̧mä̧ tükächi'ina̧'a̧; ja̧'wa̧nü̧ ja̧'a̧nä̧ ukuoja juiyünä̧mä̧ Dio-mä̧ suronä̧ jȩttä̧'i̧jü̧mä̧ jȩpü̧ ikuokü ji̧na̧'a̧.