San Juan 1:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Juan 1:14 ပူးပေါင်းရင်းမြစ်များ

San Mateo 1:16

Ja̧'wa̧ta̧nü̧ Jaco i̧tti̧mä̧ María kkirekuo pinü̧, José ji̧na̧'a̧, juäjuttutä uwäpächinü̧ Crito pä'ü mi̧kua̧mä̧.

San Lucas 2:11

Jitä mo̧ro̧mä̧ Dawi idepiyuttü üwäpächäjiyä̧u̧jä̧, ya̧tȩ ppädäkuäwä i̧sa̧, jua̧u̧mä̧ Tu̧ru̧wa̧ Crito ja̧'a̧.

San Lucas 2:7

Ja̧'wa̧nü̧ jä̧kua̧, juorütä kki̧tti̧ chu̧'ä̧kua̧ uborümä̧ uwäbekuinä̧ju̧, uwäbekuä'koju pü̧jä̧ta̧ i̧sä̧'chȩnä̧ juä'opü, äjikuäkuäwotü ttukuä'ijomȩ rütinä̧ju̧, tti̧rȩbȩwode juiya'attü̧.

San Lucas 9:32

Peduru-mä̧, awaruwäkumä̧ rü̧ȩnä̧ pü̧di̧ri̧ja̧'a̧nä̧, ttä'i'oka'a to̧ttä̧ra̧'a̧ttü̧ Jesú ujuru jäwä'i̧nä̧, ja̧'wa̧ta̧nü̧ u̧mä̧tü̧ ta̧ju̧ chutäku ukuokuäjätürü'i̧nä̧ topinä̧tü̧.

San Juan 1:1

Ä̧kuo̧mȩnä̧tä̧ päi'ünä̧ kki̧na̧'a̧ i̧wȩnȩmä̧; ja̧'wa̧ta̧nü̧ i̧wȩnȩmä̧ Dio-kutä kki̧na̧'a̧ ja̧'wa̧ta̧nü̧ i̧wȩnȩmä̧ Dio ji̧na̧'a̧.

San Juan 11:40

Jesú päinäkua̧: —Täkü jidäwäkuajä̧, kuesetüttümä̧, Dio ü̧rü̧ä̧ to'kuäkuajujä̧, pä'ü.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 17:22

Ttürü chukuo jäwä kuiyinü̧mä̧, ttü'i̧nä̧ chiyinä̧u̧, ji̧nä̧ ya̧tȩ tta pä'ü, ujutu jä̧'i̧jü̧ta̧'a̧nü̧, ji̧nä̧ ya̧tȩ ttäkua'anü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 3:18

Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 8:32

Ja̧'wa̧ta̧nü̧ isopäi'ünä̧ wȩnȩ ku̧wo̧juä̧kuo̧tü̧jä̧, jua̧u̧ isopäi'ünä̧ wȩnȩtä̧ jä̧kua̧'a̧ ukuturu 'chu̧ä̧rü̧ttü̧ rä'epü i̧kuä̧kuȩmä̧.

Hechos 13:33

jua̧u̧ ji̧nü̧mä̧, ujutu tti̧tti̧mü̧ o'kotürü iyinü̧. Ja̧'wa̧nü̧ jȩpü̧mä̧, Jesú-ru tto'ädinü̧, salmo-ttü̧ capíturu 2-nä̧ pa̧'a̧nü̧ pä'ijü'akuä: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.»

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

2 Corintios 12:9

Ja̧'wa̧nü̧ jädepomȩnä̧ ädätinä̧ku̧sä̧: «Ppädäda'anä̧tä̧'i̧nä̧, jo̧mȩnü̧ ja̧'a̧, isopäi'ünä̧ ttü chujurumä̧, ttijuiyüwuönä̧ adiu juoächa'a.» Ja̧'wa̧nü̧ ja̧'a̧ttü̧, cha̧mi̧ 'kuädünä̧tä̧ rü̧ȩnä̧ eseusä, jua'amä̧, Crito ujuru ttünä̧ kka̧ pä'ü.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Colosenses 1:19

Isopäi'ünä̧ Dio-mä̧ jua̧u̧ Crito-nä̧tä̧, Chutä ujuru o'kajuiyünä̧ kka̧ pä'inü̧,

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

Colosenses 2:9

Ja̧'wa̧ta̧nü̧ o'kajuiyünä̧ Dio jäwämä̧ Crito-nä̧ kka̧kua̧'a̧ topätüjä̧,

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

Hebreos 1:5

Isopäi'ünä̧, Dio jua̧u̧ru̧ päinü̧'a̧nü̧ á̧gȩrȩ-ttü̧ päinä̧ku̧mä̧ ¿Ditä jä̧ttü̧?, Jua̧u̧ru̧mä̧ pä'inü̧: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.» Ja̧'wa̧nü̧ pä'ü kkä̧nü̧ päinä̧ku̧: «Ttümä̧, jua̧u̧mä̧ Jä'o chä̧kua̧sä̧, ja̧'wa̧ta̧nü̧ jua̧u̧mä̧ ttü chi̧tti̧ jä̧kua̧», jü̧nä̧.

Hebreos 10:5

Ja̧'wa̧nü̧ ja̧'a̧ttü̧ Crito-mä̧, pi̧jä̧ra̧'a̧ ichinü̧, Dio-rü päinü̧mä̧ pä'a: Sacrificio jü̧nä̧, ofrenda jü̧nä̧, jȩttü̧mä̧ kkü'kü jui'ü, ttü chidepä kkü̧nä̧ iyinü̧jä̧.

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

Hebreos 5:5

Ja̧'wa̧nü̧ ji̧nü̧ta'anü̧, Crito'i̧nä̧, a̧mü̧nä̧ pa̧ja̧tü̧mä̧ sacerdote-tü̧ ttu̧ru̧wa̧ päi'ünä̧mä̧ rütäwokü pinü̧, suro Chutä, Dio-tä iyinä̧ku̧, jua̧u̧ uruwomä̧, pa̧'a̧nü̧ pä'ü: «Ukumä̧ chi̧tti̧jä̧; pi̧yȩ mo̧ro̧ chuwäbe'äkujä̧.»

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

1 Juan 4:9

Dio, ujuturu eseu repeümä̧, I̧tti̧ chu̧'ä̧kua̧ Jesucrito-rü pi̧jä̧ra̧'a̧ we'inü̧. Jua'amä̧ o'katoi'ünä̧, jua̧u̧nä̧tä̧ kkä̧kuä̧wä̧ i'ko tu̧ju̧nä̧ri̧ya̧rü̧ pä'ü.

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.

Apocalipsis 19:13

Ü̧'ka̧tä̧wä̧ta̧mä̧ ttukuoja 'kukuȩkuä̧ta̧ 'ka̧tä̧wi̧nü̧ ja̧'wa̧ta̧nü̧ i̧mi̧mä̧: «Dio i̧wȩnȩ» pä'ü mikuinü̧.

Apocalipsis 21:3

Ja̧'wa̧nü̧ päi'omȩnä̧, mo̧ro̧jä̧ ruwo dȩä̧kä̧ttü̧ pä̧i̧ku̧nä̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pȩnȩ́ ja̧'a̧ Dio, ttü̧ja̧ku̧ ü̧jo̧mȩmä̧, Jua̧u̧'i̧nä̧ juätütäku ü̧jä̧kua̧; juätümä̧ umüwäyotü jü̧nä̧ ttü̧ja̧kuä̧kuo̧tü̧, Dio-mä̧ juätütä ttü̧ä̧nä̧wa̧ Dio jü̧nä̧ ü̧jä̧kua̧.