San Juan 1:12 - Nuevo Testamento Uwotjüja

¹² Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ korotö ja̧u̧ru̧ adiu esetinätödo. Ja̧u̧ru̧ adiu esetätörö, chutä hueinä̧u̧do Dios i̧tti̧mö̧ pätti'a pä'ö.

San Juan 1:12 ပူးပေါင်းရင်းမြစ်များ

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

San Mateo 12:21

O'katoi'ünä̧ pi̧jä̧ ttü̧ja̧mä̧ Jua̧u̧ru̧tä̧ tta̧'kua̧ ttu̧wȩnä̧rä̧kuo̧tü̧.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

San Juan 1:11

Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

San Juan 1:7

Jua̧u̧mä̧, tȩya̧u̧ u̧wo̧jua̧'a̧; jua̧u̧ tȩya̧u̧ tü'kü jiäwa pä'ü ichinü̧ o'katoi'ünä̧ ttesetiyarü pä'ü.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Juan 2:23

Jesú Jerusarȩ́-ttü̧, Pacua pä'käri kka̧'a̧ ü̧jo̧mȩnä̧, jȩtto̧kü̧ juei jȩa̧'a̧ topü rekuätü ttesetinä̧ku̧.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 3:18

Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

Hechos 3:16

Ja̧'wa̧nü̧ ja̧'a̧ttü̧, jua̧u̧ Jesú-ru ta̧'kua̧ tu̧wȩnä̧ro̧mȩnä̧, pide to'kuä'ijätukuäkumä̧ na̧wä̧chä̧'i̧jü̧ttü̧ a̧'kua̧ttü̧ juoächäji ja̧'a̧.

Romanos 8:14

O'katoi'ünä̧ Dio i̧sa̧ Epíritu oipa'anä̧ 'chä̧tü̧mä̧, Dio i̧tti̧mü̧ ja̧'a̧.

Romanos 8:16

Jua̧u̧ Epíritu-tätä ja̧'a̧, ujutunä̧ kkü̧ Epíritu-ru ji'äumä̧, Dio i̧tti̧mü̧jä̧ pä'ü.

Romanos 8:19

Isopäi'ünä̧ Dio aditäwämä̧, a̧mi̧ 'ki'ächi'ü tta̧wä̧ra̧'a̧, Dio i̧tti̧mü̧ tti̧jȩkuä̧chi̧'ä̧kuȩ mo̧ro̧.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Colosenses 2:6

Ja̧'wa̧nü̧ ja̧'a̧ttü̧, Jesucrito-rü ku̧ru̧wa̧tu̧ku̧ jü̧nä̧ kuesetinä̧tu̧kua̧'a̧mä̧, churutä pä̧wä̧rü̧jo̧mȩnä̧ kka̧kuä̧tu̧kui̧.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.