San Juan 1:10 - Nuevo Testamento Uwotjüja

¹⁰ Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧.

TÄ̧DO Ä̧CUÄ̧ I̧HUȨNȨ

¹⁰ Ja̧u̧mä̧ Dios i̧huȩnȩmä̧, pi̧jä̧nä̧ ki̧nö̧do. Ja̧'hua̧ta̧nö̧ Dios ja̧u̧ru̧ aditinödo pi̧jä̧. Ja̧u̧tä̧ pi̧jä̧ ttö̧ja̧ ttu̧huo̧juo̧co̧cu̧ pi̧nö̧do.

San Juan 1:10 ပူးပေါင်းရင်းမြစ်များ

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Juan 1:11

Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 1:3

Jua̧u̧nä̧tä̧tä̧, kka̧ku̧mä̧ o'kajuiyünä̧ aditinü̧, Jua̧u̧ toünä̧mä̧ aditokü ji̧nü̧.

San Juan 1:5

Jua̧u̧ tȩya̧u̧mä̧ yo̧mȩ kkȩdȩpa̧'a̧ ja̧'wa̧nü̧ ja̧'a̧ttü̧ yo̧ü̧mä̧ tȩya̧u̧ru̧mä̧ na̧wȩpü̧ juiyünä̧tä̧ ja̧'a̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 5:17

Ja̧'wa̧nü̧ jä̧ku̧, Jesú-mä̧ päinä̧u̧: —Ttü Chä'omä̧ jitäbü päi'ünä̧ aditü ja̧'wa̧nü̧ ja̧'a̧ttü̧ ttü'i̧nä̧ aditüsä.

Hechos 14:17

Ja̧'wa̧nü̧ ja̧'a̧nä̧'i̧nä̧, chutä üadiwämä̧ i̧jȩkui̧nü̧; mo̧ro̧jä̧ra̧'a̧ttü̧ ajiya ichünä̧ jȩpü̧'i̧nä̧, kuäwä'i̧nä̧ wȩjü̧nä̧, ttu̧kuȩ kuä̧nü̧'i̧nä̧ tteseäkuäwünä̧.

1 Corintios 1:21

Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

1 Corintios 8:6

ja̧'wa̧nü̧ ja̧'a̧nä̧, ujuturumä̧ ya̧tȩtä̧ ja̧'a̧ tü̧ä̧nä̧wa̧ Dio-mä̧, Tä'omä̧, o'kajuiyünä̧ jua̧u̧ aditäwätä ja̧'a̧ ja̧'wa̧ta̧nü̧ ujutu'i̧nä̧ jua̧u̧ru̧ pä̧wä̧rü̧jo̧mȩnä̧tä̧ kka̧kuä̧tü̧jä̧. Ja̧'wa̧ta̧nü̧ Tu̧ru̧wa̧mä̧, ya̧tȩtä̧ ja̧'a̧ Jesucrito-tä, jua̧u̧nä̧tä̧tä̧ o'kajuiyünä̧ uwäbe'inü̧, ja̧'wa̧ta̧nü̧ ujututä'i̧nä̧.

Colosenses 1:16

Isopäi'ünä̧ Dio-mä̧ Jua̧u̧nä̧tä̧ uwäbe'inü̧ o'kajuiyünä̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧, tottünä̧ jü̧'i̧nä̧, tottü juiyünä̧ jü̧'i̧nä̧ jü̧nä̧, epíritu-tu̧ pä̧ttä̧u̧ isoppa wotü ttujuru kku̧nä̧rä̧tü̧rü̧'i̧nä̧, ruwo we'ätürü'i̧nä̧, tturuwo kku̧nä̧rä̧tü̧'i̧nä̧. O'kajuiyünä̧tä̧ Jua̧u̧nä̧tä̧ uwäbe'inü̧, Chutä üäre jü̧nä̧tä̧.

Hebreos 11:3

Ta̧'kua̧ wȩnä̧rä̧tü̧jä̧, Dio-mä̧ pi̧jä̧mä̧ i̧wȩnȩnä̧tä̧ aditinü̧ pä'ü ja̧'wa̧nü̧ ja̧'a̧ttü̧ jitä totümä̧, toäkuäwokü ji̧nü̧ttü̧ adikui'inü̧do pä'ü.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.