Hechos 9:5 - Nuevo Testamento Uwotjüja

⁵ päku ädätinä̧ku̧: ¿Chu̧ru̧wa̧, ukumä̧ dí kua'ajä̧ttü̧? jäepomȩnä̧ päinä̧ku̧: «ttümä̧ Jesú-sä, ttürü ja̧'a̧ uku suronä̧ jȩ'kua̧ pä'ü kusa'amä̧. Kua̧mü̧nä̧ pa̧ja̧tü̧ suronä̧ jȩpä̧kuä̧u̧jä̧, päkäyä aboja'aku̧nä̧ i̧sa̧rinä̧ kuättomȩnä̧, jarodü yabokutä teächäkuäwa'a jä̧'i̧nü̧'a̧nü̧.

TÄ̧DO Ä̧CUÄ̧ I̧HUȨNȨ

⁵ Saulo pä'inödo: —Chu̧ru̧hua̧, ¿di jä̧ ucumä? Ja̧'hua̧nö̧ jäepomenä ädätinödo: —Ttötäsä Jesúsmä. Suronä jȩcu̧'u̧mä̧ ttörötä suronä jȩpö̧jä̧. Ucutä cuamönätä suronä jȩpä̧cuä̧u̧jä̧, buey chuta amönä so̧a̧ri̧nä̧ teächäcuähua'a jä̧'i̧nö̧'a̧nö̧.

Hechos 9:5 ပူးပေါင်းရင်းမြစ်များ

Hechos 10:14

Ja̧'wa̧nü̧ rä̧mi̧pä̧ku̧, Peduru-mä̧ pä'inü̧: Chu̧ru̧wa̧, chuku juiyü'anü̧ ja̧'a̧; ttümä̧ ro̧'ȩkuo̧tü̧rü̧mä̧ ja̧'wa̧ta̧nü̧ suropätürümä̧, yorisotä kuokü pä'ijüsä.

Hechos 26:14

Ja̧'wa̧nü̧ päi'omȩnä̧ o'katoi'ünä̧ rȩjȩ ma̧tä̧mä̧ja̧'a̧, hebreo wȩnȩnä̧, ukuokua'a ä̧ju̧kui̧nü̧sä̧: «Sauro, Sauro, ¿ta̧'a̧nü̧ pä'ü, ru̧kuä̧rä̧ku̧sä̧ttü̧? ¡Ttüku rowäwätümä̧ tta̧mü̧kuädü jui'ätütä ja̧'a̧!»,

Hechos 26:9

Ttütä'i̧nä̧ ä'kojimä̧ amükuädinü̧sä̧, kka̧ku̧nä̧mä̧ o'kajuiyünä̧tä̧ jȩpü̧, Jesú nasaret i̧sa̧ i̧mi̧ surojuodepa pä'ü,

Hechos 5:39

Ja̧'wa̧nü̧ ja̧'a̧nä̧, Dio jäwä jü̧ttü̧mä̧ jȩpü̧mä̧ ikuokotüjä̧; Dio-ku rowäwätüjä̧ 'kua̧ra̧'a̧. Päomȩnä̧ ttesetinä̧ku̧.

Hechos 9:4

rȩjȩku̧ ma̧ä̧cha̧'a̧, ya̧tȩ i̧wȩnȩ rȩmi̧pa̧'a̧, ä̧ju̧kui̧nü̧: Sauro, Sauro ¿tta̧'a̧nü̧ pä'ü suronä̧ jȩ'kua̧ pä'ü kusäkusättü̧? [

Hechos 9:6

Päku ye'i'ü tti̧'ä̧u̧ kkä̧nü̧ pä'inü̧:] Chu̧ru̧wa̧, ¿däjé jȩchi̧ya̧ku̧ päkua'ajä̧ttü̧? jäepäku, Tu̧ru̧wa̧mä̧ päinä̧ku̧: Ä̧rä̧mi̧'ü̧ täi Damasco ütawiyämä̧ dokuächi'a, jua'attü jiäkuäwäkua'a jȩ'kuä̧kuȩmä̧.

1 Corintios 10:22

¿Jua̧u̧nu̧mä̧, Tu̧ru̧wa̧ a̧mi̧ surächi'ünä̧ jȩta̧ päta'a tä̧jí̧? ¿Ujutumä̧, jua̧u̧ttü̧'i̧nä̧ abonä̧nü̧ tujuru kku̧nä̧rä̧tü̧jä̧ tä̧jí̧?

Filipenses 3:12

Täkü o'kajuiyünä̧ po̧kui̧pi̧nü̧sä̧, surojü'i̧nä̧ jui̧'a̧sä̧ pä'ümä̧ pä'oküsä; jua'a yaboku usú usurä ȩmä̧u̧sä̧ jua̧u̧ chi̧rȩbȩwa̧ pä'ü, jua̧u̧ ja̧'a̧tȩ'ü̧ Jesucrito-mä̧ surojüttü rä'epü iku ȩmi̧nä̧ku̧ cha'attü.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.