Hechos 9:3 - Nuevo Testamento Uwotjüja

³ Ja̧'wa̧nü̧ jä̧ja̧'a̧, Damasco ütawiyä ütü'küwächi'omȩnä̧, u̧ni̧chä̧ra̧'a̧nä̧ jä̧ttä̧pä̧ya̧rü̧ mo̧ro̧jä̧ra̧'a̧ttü̧ tȩya̧u̧ kkȩdȩ'a̧'a̧ttü̧;

TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ Saulo i̧'cho̧mȩnä̧ Damasco ötahuiyä ötö'cöhuächi'a'a, yotäcu mo̧ro̧jä̧ra̧'a̧ttö̧ tȩa̧u̧ kä̧dȩ'i̧nä̧cu̧do chutä ö̧jo̧mȩ.

Hechos 9:3 ပူးပေါင်းရင်းမြစ်များ

Hechos 22:6

Ja̧'wa̧nü̧ amükuädü kkä̧nü̧, Damasco ütawiyära̧'a̧ tü'künä̧nü̧ pädi'omȩnä̧, kkä̧wa̧ jueü kkü̧rü̧ päi'ä'ijü juei isomȩ kkü̧rü̧, chu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ tȩya̧u̧ kkȩdȩ'i̧nä̧ku̧sä̧, jakuätä pädi'ünä̧.

Hechos 9:17

Ja̧'wa̧nü̧ weäjäku, Ananía-mä̧, isodenä̧ do'ächi'ü, jua̧u̧ru̧ u̧mü̧ mȩ'ü̧ pä'inü̧: —Cha̧wa̧ru̧wa̧ chi̧jä̧wa̧ Sauro, uku mä̧nä̧nä̧ kuichomȩnä̧ i̧jȩkuä̧ji̧, Tu̧ru̧wa̧ Jesú weäjäkusä kui'äre pä'äjita'anü̧ to'kua pä'ü'i̧nä̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ päkui'a pä'ü'i̧nä̧, jü̧nä̧.

Hechos 9:27

Ja̧'wa̧nü̧ ji̧yä̧ku̧, Bernawé-mä̧ apótore ttü̧ja̧'a̧ku̧ o'ipächü i̧jȩpü̧, ji'äwinü̧: Sauro-mä̧ mä̧nä̧ttü̧ Tu̧ru̧wa̧rü̧ topäji pä'ü ja̧'wa̧ta̧nü̧ Damasco-ttü ujuruku Jesucrito ütü'kü jiäwäja'a'i̧nä̧ jiäwiyinä̧u̧.

1 Corintios 15:8

Rüjinä̧mä̧, ttürü'i̧nä̧ i̧jȩkui̧nü̧, kkä'konä̧ uwäpächü ji̧'ki̧cha̧wa̧ 'kua̧rü̧nä̧ jä̧'i̧nü̧'a̧nü̧.

1 Corintios 9:1

¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

Apocalipsis 21:23

Ütawiyämä̧ mo̧ro̧ kkä̧wa̧'i̧nä̧, yodó kkä̧wa̧'i̧nä̧, itejäda pä'ümä̧ rekuä rü̧jo̧ka̧'a̧ ji̧na̧'a̧, jua'amä̧ Dio i̧tȩya̧u̧tä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧ i̧tȩya̧u̧tä̧ ja̧'a̧ttü̧.

Apocalipsis 22:5

Juȩnȩmä̧ yodo'i̧nä̧ juiyäkua'a ja̧'wa̧ta̧nü̧ juȩnȩ kka̧kuä̧tü̧mä̧ ra̧pa̧ra̧ i̧tȩya̧u̧'i̧nä̧ mo̧ro̧ kkä̧wa̧ i̧tȩya̧u̧'i̧nä̧ rekuämä̧ rü̧jo̧ko̧u̧ ttäkuotü, jua'amä̧ ttu̧ru̧wa̧ Dio-tä itejäda'attü ja̧'wa̧ta̧nü̧ jua̧u̧tä̧ 'kuäopünä̧tä̧ ruwomä̧ wȩä̧kua̧.