Hechos 8:1 - Nuevo Testamento Uwotjüja

¹ Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

TÄ̧DO Ä̧CUÄ̧ I̧HUȨNȨ

¹ Saulo eseunu topinö, Estebanrö cuä'ö tticuomenä. Ja̧u̧nu̧tä̧ mo̧ro̧ Jesucristorö esetätömä Jerusalén ötahuiyänä ka̧cuä̧tö̧mä̧ usurä isotö juo'inätödo, ttö̧ja̧ suronä jȩtto̧mȩnä̧. Jesucristorö esetätörö o'ca toi'önä ya'opö tticuomenä, dö'ecuächinätödo Judea rȩjȩra̧'a̧'i̧nä̧, Samaria rȩjȩra̧'a̧'i̧nä̧. Ja̧'hua̧nö̧ ja̧'a̧nä̧ Jesús hue'ähuotötä Jerusalén ötahuiyänä ka̧cui̧pi̧nä̧tö̧do.

Hechos 8:1 ပူးပေါင်းရင်းမြစ်များ

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

San Mateo 23:34

Ja̧'wa̧nü̧ ja̧'a̧ttü̧ profetas wotürü'i̧nä̧, amükuädäkuäwä wo̧juä̧tü̧rü̧'i̧nä̧, wo̧juȩkuä̧ isotürü'i̧nä̧ wȩdä̧kuä̧u̧jä̧. Ja̧'wa̧nü̧ ja̧'a̧nä̧ wȩdä̧u̧ru̧mä̧, ütawiyä jü̧'a̧kuä̧ ku̧sä̧rä̧kuo̧tü̧jä̧, sinagogas odewiyättü'i̧nä̧ kuäkuä'kuotüjä̧ juätürümä̧, ü̧jo̧kä̧nü̧ kku̧nä̧'chü̧'i̧nä̧, yotukunä̧rü̧mä̧ kuä'äu kuikuäkuotüjä̧.

San Mateo 5:13

Ukutumä̧ pi̧jä̧nä̧ttü̧ 'käruwäbü wotüjä̧. Ja̧'wa̧nü̧ ja̧'a̧nä̧ 'käruwäbü ü̧sa̧di̧ toepächomȩnä̧mä̧ ¿Tta̧'a̧nü̧ jȩpü̧tä̧ ü̧nü̧ä̧mä̧ ppa̧kuä̧dä̧kua̧'a̧ttü̧? Täkü jȩä̧kuä̧wä̧mä̧ juiyü ja̧'wa̧nü̧ ja̧'a̧ttü̧ mä̧nä̧ra̧'a̧tä̧ do'opü ttikuomȩnä̧ ttü̧ja̧ 'kuȩ'ku̧tä̧ ttiku.

San Juan 15:20

Pi̧yȩ pädinü̧ amükuädätukui: Ya̧tȩ ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'a̧. Ttürü suronä̧ pä'ü ttusinü̧ta'anü̧, ukuturu'i̧nä̧, suronä̧ pä'ü ttusäkuotü; ttü chi̧wȩnȩ ma̧i̧pü̧ juiyünä̧ ukuoku jȩttä̧'i̧jü̧mä̧, ukuturu'i̧nä̧ ja̧'wa̧ta̧nü̧ jȩttä̧kuo̧tü̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 13:36

Isopäi'ünä̧ Dawi-mä̧, Dio-rü pä̧wä̧rü̧jo̧mȩnä̧ ukuojattü awaruwärü ppä'ädinü̧ ja̧'wa̧nü̧ ja̧'a̧ 'korujuoächomȩnä̧mä̧, idepä pparuwächinä̧ku̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 22:20

Ja̧'wa̧ta̧nü̧ uku kui̧wȩnȩ jiäkuäwä i̧sa̧ Esteba̧-rü̧ kuä'ü ttikuomȩ'i̧nä̧, kki̧nü̧sä̧, kuä'ü ttikua'a ppä̧'ä̧dä̧rü̧ ja̧'wa̧ta̧nü̧ kuä'ü ikuätü ttiärȩti̧yu̧'i̧nä̧ tta̧'ä̧ri̧nü̧sä̧.

Hechos 26:10

Ja̧'wa̧nü̧ ja̧'a̧ttü̧ Jerusarȩ́-ttü̧mä̧, sacerdote-tü̧, a̧ pättäku, Jesú-ru esetätürümä̧ kärenä̧ rütä'chinü̧sä̧; juätürü kuä'ü ttikua pä'ü'i̧nä̧, ppä'ädinü̧sä̧.

Hechos 5:18

Ja̧'wa̧nü̧ ja̧'a̧ apótore-rü 'chu'ädü kärenä̧ rütinä̧tü̧.

Hechos 5:20

«Tätukui, Dio-rü ukuokuäkuäwodettü ä̧rä̧mi̧'ü̧ pi̧yȩ kkä̧kuä̧wä̧ wȩnȩ ttü̧ja̧rü̧ jikuäwätukua.»

Hechos 5:33

Ja̧'wa̧nü̧ pätta'a ä̧ju̧ku̧, tta̧mi̧ su̧rä̧chi̧'ä̧u̧, kuä'ü ttikua pättinä̧u̧.

Hechos 5:40

Ja̧'wa̧nü̧ jua̧u̧ku̧ esekuäjä'kotü; apótore-rü wopo'ü, kuäkuättünä̧ we'äjä'kotü, Jesú i̧mi̧nä̧ ttukuoku juiyünä̧tä̧ ye'epe'ipü, rä'epü tti̧kui̧nä̧u̧.

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

Hechos 7:54

Pi̧yȩ pä'a ä̧ju̧ku̧ ukuo isotümä̧, Esteba̧-rü̧ rü̧ȩnä̧ tta̧mi̧surächi'ina̧'a̧, ttaku'i̧nä̧ ttünorünä̧tä̧ päi'ünä̧.

Hechos 7:58

Ja̧'wa̧nü̧ jȩpü̧ ütawiyättü rä'epächü, ido'kiyänä̧ ikuäu ttikuinä̧ku̧; ja̧'wa̧nü̧ ja̧'a̧ yapareu ji'äu jua̧u̧ru̧ iyü ikuäjätümä̧ tti̧ä̧rȩti̧yu̧ kko̧sä̧u̧ rütinä̧tü̧, mü̧ä̧ya̧ Sauro ü̧jä̧pi̧yä̧ kkada'ka.

Hechos 8:14

Ja̧'wa̧nü̧ ja̧'a̧, apótore-mä̧ Jerusarȩ́-nä̧ ttü̧ja̧kua̧'a̧ ja̧'a̧, Samaria ttü̧ja̧'i̧nä̧ Dio i̧wȩnȩ esetäjätüdo pätta'a ä̧ju̧ku̧, Peduru-rü'i̧nä̧, Ju̧a̧-rü̧'i̧nä̧ jua'a we'inä̧tü̧;

Hechos 8:2

Yotüte Dio-rü esetätü, Esteba̧-rü̧ ȩmi̧pü̧ wa'are rejunä̧ rütinä̧tü̧ ja̧'wa̧nü̧ jȩpü̧ ajuäkuäwinä̧tü̧.

Hechos 8:4

Ja̧'wa̧nü̧ jä̧u̧ Jerusarȩ́-ttü̧ dü'ekuätümä̧, tti̧'cho̧mȩ pünä̧mä̧ o'kajuiyünä̧tä̧ jareü wȩnȩ ji'äwinä̧tü̧.

Hechos 8:5

Ja̧'wa̧ta̧nü̧ Felipe'i̧nä̧, Samaria ütawiyära̧'a̧ku̧ mȩyȩwä̧chü̧ 'chä̧ji̧'ka̧, Jesucrito ütü'kü ji'äwinü̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Romanos 1:32

Dio, ja̧'wa̧nü̧ jȩpä̧tü̧mä̧ wa'ü ttikuäkuotü päinü̧'i̧nä̧ wo̧juä̧tü̧, suro jitütämä̧ jȩpo̧ko̧tü̧, kkorotürü'i̧nä̧ jȩtti̧ya̧tü̧ pä'ü jȩpä̧tü̧.

Filipenses 1:12

Chawaruwä chi̧jä̧wa̧tü̧, ku̧wo̧juätu̧kua̧ pä'üsä, isopäi'ünä̧ ttürü 'kuäopinü̧mä̧ jareü wȩnȩ rü̧ä̧chü̧nä̧ 'kuäopina̧'a̧.

Hebreos 11:27

A̧'kua̧ u̧wȩnä̧ra̧'a̧ttü̧, Moisé-mä̧ Egito-ttümä̧ rä'opächinü̧, ru̧wa̧ ü̧ra̧wä̧rü̧'i̧nä̧ yekuoka'a; jua'amä̧ Uwäpokürü totta'a 'kua̧rü̧nä̧ to̧pä̧rü̧ ü̧ji̧na̧'a̧ttü̧.