Hechos 7:8 - Nuevo Testamento Uwotjüja

⁸ Ja̧'wa̧nü̧ esekumä̧, Dio-mä̧ Abraha̧-rü̧ we'inü̧ circuncisión pättü jȩa̧ pä'ü. Ja̧'wa̧nü̧ ja̧'a̧ttü̧, Abraha̧ i̧tti̧ Isaac uwäpächäji o'ka'amä̧, kko̧ro̧mü̧ttü̧nü̧ wäbodäkuä mo̧ro̧ päi'omȩnä̧, circuncisión pättü jȩtti̧ya̧rü̧ pä'ü we'inü̧; ja̧'wa̧ta̧nü̧ jȩpi̧nü̧ Isaa-mä̧, i̧tti̧ Jaco-rümä̧, jua'a yabo Jaco'inä̧ ja̧'wa̧nü̧tä̧ jȩpi̧nü̧ i̧tti̧mü̧rü̧'i̧nä̧, doce-nü̧ winä̧tü̧ Iraettü ttä̧'o̧tü̧ pinä̧tü̧rü̧mä̧.

TÄ̧DO Ä̧CUÄ̧ I̧HUȨNȨ

⁸ Juhua'a yabonö ucuocuinödo Esteban: —Dios Abrahamrö ji'ähuinödo: “Ttö̧ja̧ circuncisión jȩttö̧ttö̧mä̧, ttö ppä̧dä̧dä̧cua̧sä̧ jahuätörö, chumöhuäyotö päi'önä ttö̧ja̧ pä'ö.” Ja̧'hua̧nö̧ ja̧'a̧ttö̧ Abraham i̧tti̧ Isaac uhuäpächäji o'ca'a, Abraham ja̧u̧ru̧ circuncisión jȩpi̧nö̧, uhuäpächäja'attömä ko̧ro̧mö̧ttö̧nö̧ huäbodäcuä mo̧ro̧ päi'omenä. Ja̧'hua̧ta̧nö̧ Isaac i̧tti̧ Jacobrö circuncisión jȩpi̧nö̧. Jacob'inä i̧tti̧mö̧rö̧ ttö̧jä̧pö̧ttö̧nö̧ ta̧ju̧ru̧ circuncisión jȩpi̧nö̧do. Jacob i̧tti̧mö̧ Israel ttö̧ja̧ ttä̧do̧tö̧ mi̧nä̧ ka̧cui̧nä̧tö̧do.

Hechos 7:8 ပူးပေါင်းရင်းမြစ်များ

San Mateo 1:2

Abraha̧-mä̧ Isaac jä'o ji̧na̧'a̧, Isaa-tä Jaco jä'o ji̧na̧'a̧ ja̧'wa̧ta̧nü̧ Jaco-mä̧ Judá ü̧jä̧wa̧tu̧ku̧ ttä'o pinü̧.

San Juan 7:22

Ja̧'wa̧nü̧ ja̧'a̧nä̧, Moisé-mä̧ circuncisión jȩ'kuä̧tu̧kua̧ pä'ü weinä̧u̧jä̧ (Moisé-ttümä̧ ichokü ji̧na̧'a̧nä̧, kuä'o̧tü̧ mi̧nä̧ttü̧ ichinü̧ ja̧'a̧nä̧), ja̧'wa̧nü̧ ja̧'a̧ ukutumä̧, 'kuä'ächi'ü pä̧mä̧dä̧kuä̧wä̧ mo̧ro̧'i̧nä̧ circuncisión jȩpä̧tü̧jä̧.

Hechos 2:29

Chawaruwä chi̧jä̧wa̧tü̧, patriaca Dawi ütü'kümä̧, wäjuönä̧ pä'ätüjä̧, jua̧u̧mä̧ toe'ächina̧'a̧ 'turu ttikuinä̧ku̧; uwapäreba po̧mȩ'i̧nä̧ wo̧juä̧tü̧jä̧.

Romanos 4:10

Ja̧'wa̧nü̧ ja̧'a̧mä̧ ¿ti̧yȩnü̧ adiwä i̧sa̧ jü̧nä̧ jȩi̧nä̧ku̧jä̧ttü̧? ¿Circuncisión pättü juei jȩi̧nü̧ o'ka'a ji̧na̧'a̧, ji̧nä̧ jȩü̧ juiyäi ji̧na̧'a̧ tä̧jí̧? Isokü̧, circuncisión pättü juei jȩä̧kuä̧u̧ juiyäi ji̧na̧'a̧.

Gálatas 3:15

Chawaruwä chi̧jä̧wa̧tü̧, ttü̧ja̧ ttukuokuä'ija'aku chukuokuä̧u̧jä̧: ji̧yȩtȩ pacto pättü esekuäkuäwä'i̧nä̧, ta̧ju̧ eseku ttiku o'ka'amä̧, ya̧tȩ'i̧nä̧ rü̧ä̧da̧ pä'ümä̧, ȩmü̧ ikua pä'ü'i̧nä̧ yoriso juiya'a, ttü̧ja̧ jäwä ja̧'a̧nä̧.

Gálatas 3:17

Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

Hebreos 7:4

Ja̧'wa̧nü̧ ji̧na̧'a̧mä̧ amükuädü topätukuittü, Mequisede-mä̧ ukuo i̧sa̧ pinü̧, ujutu tä̧do̧mi̧nä̧ Abraha̧'i̧nä̧ iäre diezmo iyünä̧ päi'ünä̧, kurä rowäu ȩmä̧ji̧ttü̧.