Hechos 7:60 - Nuevo Testamento Uwotjüja

⁶⁰ Ja̧'wa̧nü̧ ja̧'a̧ iwe'kiyunä̧ ma̧'ä̧mü̧, pä̧i̧ku̧nä̧ wopi'inü̧; ¡Chu̧ru̧wa̧, pi̧yȩ suronä̧ jȩttü̧mä̧ mikuämä̧ jȩ'kuä̧tü̧!, pi̧yȩ pä'ipütä 'koru pä'i'inü̧.

TÄ̧DO Ä̧CUÄ̧ I̧HUȨNȨ

⁶⁰ Ja̧'hua̧ ja̧'a̧ ihue'quiyunä kä̧mä̧dö̧, pä̧i̧cu̧nä̧ huopinödo: —Chu̧ru̧hua̧, unichi'i pitö suronä jȩttö̧mä̧. Ja̧'hua̧nö̧ huopö, 'corupä'i'inödo Estebanmä.

Hechos 7:60 ပူးပေါင်းရင်းမြစ်များ

San Mateo 27:52

ja̧'wa̧ta̧nü̧ wa'are rütäwomȩ'i̧nä̧ bachächipina̧'a̧; ja̧'wa̧nü̧ ja̧'a̧ttü̧ rekuätü surojü jui'inä̧tü̧ wa'ü ikuinä̧tü̧mä̧ wa'ü ttikuinomȩttü̧ tto'ächipinä̧tü̧.

San Mateo 5:44

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

San Lucas 22:41

Ja̧'wa̧nü̧ pä'ipütä, otonä̧nü̧ ido'ki ttikuomȩnä̧ ma̧ä̧'i̧nü̧ juei isomȩ; 'chä̧wi̧'ü̧ iwe'kiyunä̧ pä̧mä̧dü̧ Dio-rü ukuoku,

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

San Lucas 6:28

Adiutä pä'ätukui, ukuturu suronä̧ pä'ätürü. Ja̧'wa̧ta̧nü̧ ukuturu wȩnȩ kkä'äbe'ätürü, Dio-rütä ukuokuätukuitü.

San Juan 11:11

Pä'ü kä'ädü, yabonü̧ pä'inü̧: Ta̧wa̧ru̧wa̧ Rázaru ä'a'a topü 'chü̧sä̧, chü'orädarü pä'ü.

Hechos 13:36

Isopäi'ünä̧ Dawi-mä̧, Dio-rü pä̧wä̧rü̧jo̧mȩnä̧ ukuojattü awaruwärü ppä'ädinü̧ ja̧'wa̧nü̧ ja̧'a̧ 'korujuoächomȩnä̧mä̧, idepä pparuwächinä̧ku̧.

Hechos 20:36

Ja̧'wa̧nü̧ pä'ü kä'ädü, Pauru-mä̧ iwe'kiyunä̧ kkä̧mä̧dü̧, juätütäku o'katoi'ünä̧ Dio-rü ukuokuinü̧.

Hechos 21:5

Ja̧'wa̧nü̧ ja̧'a̧, jua̧u̧ mo̧ro̧ 'kuäopäji o'ka'a, jua̧u̧ ütawiyättü rä'opinä̧tü̧jä̧ o'katoi'ünä̧, ppo̧'ä̧tü̧'i̧nä̧, nä̧tü̧'i̧nä̧, jü̧nä̧. Ja̧'wa̧nü̧ jä̧ja̧'a̧ rȩba̧ttü̧ tiwe'kiyunä̧ kkä̧mä̧dü̧ Dio-rü ukuokuinä̧tü̧jä̧.

Hechos 9:40

Ja̧'wa̧nü̧ ja̧'a̧, Peduru-mä̧ o'katoi'ünä̧rü̧ rättopächünä̧ we'ü ikuäji̧'ka̧, iwe'kiyunä̧ kkä̧mä̧dü̧, Dio-rü ukuoku pä'inü̧: —«¡Tabitá, ä̧rä̧mi̧'i̧!», päomȩnä̧, kki'äre ye'ädü Peduru-rü tojomȩnä̧, pä'äji ta̧'a̧nü̧ adiu pä'i'inä̧ju̧.

1 Corintios 11:30

Ja̧'wa̧nü̧ jȩtto̧mȩnä̧, ukututtü rekuätü na̧nȩpä̧tü̧ kka̧kuä̧tü̧ ja̧'wa̧ta̧nü̧ rekuätü juiyupächätü ja̧'wa̧ta̧nü̧ kkorotümä̧ 'korujuo'ächinä̧tü̧.

1 Corintios 15:18

Ja̧'wa̧nü̧ jü̧ttü̧mä̧, Crito-rü esetätü 'korujuo'ächinä̧tü̧'i̧nä̧ totte'ächina̧'a̧tä̧ ja̧'a̧.

1 Corintios 15:20

Ja̧'wa̧nü̧ jü̧'a̧nü̧ ja̧'a̧nä̧, Crito-mä̧ wa'arettü ttoächina̧'a̧tä̧ ja̧'a̧. Jua̧u̧tä̧ ji̧na̧'a̧ ä̧kuo̧mȩnä̧ i̧sa̧ jü̧nä̧ wa'arettü tto'ächinü̧mä̧.

1 Corintios 15:51

Dio jäwä kuieruwinä̧tu̧ku̧ jidäwäu̧jä̧: O'katoi'ünä̧mä̧ wa'ümä̧ tikuoka'a jä̧kua̧'a̧nä̧, o'katoi'ünä̧ tü'ärowächi'äkuotüjä̧.

1 Corintios 15:6

Jua̧u̧nü̧ o'ka'amä̧, quinientos'i̧nä̧ yabonä̧ wotü tawaruwä ti̧jä̧wa̧tü̧rü̧'i̧nä̧ i̧jȩkui̧nü̧, juätüttümä̧ ji̧nä̧ a̧'kua̧rä̧tü̧, kkorotümä̧ 'korujuottächina̧'a̧nä̧.

1 Tesalonicenses 5:10

Jesucrito-tä ji̧na̧'a̧ ujutu jäwänä̧ 'korujuo'ächinü̧mä̧, 'korujuotächaja pä'ü'i̧nä̧, ta̧'kua̧ra̧ja̧ pä'ü'i̧nä̧, chutäku tü̧ja̧kua̧ pä'ü.

2 Timoteo 4:16

Ä̧kuo̧mȩnä̧ ukuo isotü ttä'ka jo̧mȩttü̧ chukuokuomȩnä̧mä̧ ya̧tȩ päü'i̧nä̧ ppättädajueimä̧ o'katoi'ünä̧tä̧ ttikuipinä̧ku̧sä̧, ja̧'wa̧nü̧ jȩtti̧na̧'a̧nä̧ ro̧ȩpü̧ juiyatü pä'ütä Dio-rümä̧ jä'epüsä.

2 Pedro 3:4

pättäkuotü: «¿Toku ji̧na̧'a̧kuä̧ttü̧ Crito chichäkua̧sä̧ päina̧'a̧mä̧? Tä̧do̧tü̧ mi̧nä̧mä̧ täkü wa'ü ikuinä̧tü̧ ja̧'wa̧ta̧nü̧ o'kajuiyünä̧ pi̧jä̧ uwäbe'inomȩttü̧tä̧ kkä̧mä̧dü̧ yoräteunä̧tä̧ 'cha̧'a̧.»