Hechos 5:3 - Nuevo Testamento Uwotjüja

³ Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

Hechos 5:3 ပူးပေါင်းရင်းမြစ်များ

San Mateo 13:19

Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

San Lucas 22:3

Satanás-mä̧ Juda-nä̧ do'ächi'inü̧. Icariote pättä'ijäkunä̧, jua̧u̧mä̧ ttü̧jä̧pü̧ttü̧ ta̧ju̧nü̧ wotüttü ya̧tȩ ji̧na̧'a̧.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

San Juan 13:27

Juä̧si̧ kuä̧nü̧ kädüta'anü̧, yotäku Juda Icariote-rü Satanás-mä̧, a̧mi̧so'kinä̧ do'ächi'inü̧. —Ja̧'wa̧nü̧ ji̧yä̧ku̧ Jesú-mä̧ päinä̧ku̧: Jȩ'kua̧ päkuäjimä̧, jitätä jȩpi̧.

Hechos 5:2

Ja̧'wa̧nü̧ ja̧'a̧ pidemä̧ irekuaku ukuokuäkuäu, jua̧u̧ mikuä ju'tomä̧ jitütä ȩmü̧, kkoro ju'totä apótore-rü iyinä̧tü̧.

Hechos 5:4

¿Tta̧'a̧nü̧ pä'ü ukutä kui̧rȩjä̧ ja̧'a̧nä̧? ¿iyü kuikuäji o'ka'a'i̧nä̧ ukutä kuiäre pärätä ja̧'a̧nä̧? ¿ja̧'wa̧nü̧mä̧ jȩ'kuä̧jä̧ttü̧? Ttü̧ja̧rü̧mä̧ yaparewokü päjijä̧, Dio-rü yaparewäjijä̧.

Hechos 5:9

Peduru-mä̧ päinä̧kua̧: —¿Tta̧'a̧nü̧ pä'ü ukutumä̧ kka̧kuä̧mȩ'ü̧ tokuä'chäjätukuättü̧ Tu̧ru̧wa̧ i̧sa̧ Epíritu-rumä̧? Topi, kuirekuorü 'turu i̧wä̧jä̧tü̧mä̧ juȩnȩtä̧ ichätü, jitämä̧ ukuru'i̧nä̧ ttȩmi̧pä̧kuo̧tü̧.

Santiago 4:7

Ja̧'wa̧nü̧ ja̧'a̧ttü̧ Dio-rütä ukuotätükui. Äwettärümä̧ yaokuätukui, ja̧'wa̧nü̧ jo̧mȩnä̧tä̧ äwettämä̧ ukututtü tüipächä̧kua̧.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.