Hechos 5:2 - Nuevo Testamento Uwotjüja

² Ja̧'wa̧nü̧ ja̧'a̧ pidemä̧ irekuaku ukuokuäkuäu, jua̧u̧ mikuä ju'tomä̧ jitütä ȩmü̧, kkoro ju'totä apótore-rü iyinä̧tü̧.

TÄ̧DO Ä̧CUÄ̧ I̧HUȨNȨ

² Ju'to 'quȩ'ȩpö̧ ku̧ni̧nö̧do chutä öäre päi'önä. Irecua'inä huo̧jui̧nä̧ju̧do ja̧'hua̧nö̧ jȩa̧'a̧. Ju'tometä Jesús hue'ähuotörö i'cächö iyinödo, korotörö ttiya pä'ö.

Hechos 5:2 ပူးပေါင်းရင်းမြစ်များ

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Juan 12:6

Ja̧'wa̧nü̧ ja̧'a̧nä̧, Juda pa̧'a̧nü̧ pä'amä̧, isopäi'ünä̧ usurä isotürü ppäda pä'ümä̧ pä'okü pinü̧; ü̧nä̧u̧kuä̧rä̧'i̧ja̧'a̧, pärätä ttenä̧yu 'chu̧'ä̧rü̧ ȩmo̧pä̧rä̧'i̧jü̧'ka̧ pä'inü̧.

Hechos 2:44

O'katoi'ünä̧ Jesú-ru esetätümä̧ ji̧nä̧ ji̧yȩtȩnä̧ kka̧kui̧nä̧tü̧ ja̧'wa̧ta̧nü̧ rekuä rü̧jü̧'i̧nä̧ ji̧nä̧ ji̧yȩtȩnä̧tä̧ ppä'ädäkuäwinä̧tü̧.

Hechos 4:37

Pidemä̧ i'ätta kku̧nä̧rü̧ ja̧'a̧, juätta iyü ikuäji̧'ka̧ mikuämä̧ apótore-rü i'kächü iyinü̧, ttiyä'cha pä'ü.

Hechos 5:1

Ja̧'wa̧ta̧nü̧, ya̧tȩ Ananía pä'ü mi̧kua̧ irekua Safira-ku i'ätta iyü ikuinü̧.

Hechos 5:3

Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

Hechos 5:8

Ja̧'wa̧nü̧ ja̧'a̧, Peduru-mä̧ jä'epü ä̧ju̧kui̧nä̧kua̧: —Ji'äwittü, ¿Juȩnȩnä̧ jo̧mȩnä̧tä̧ mikuä pä'ü iyü ikuäjätüjä̧? Juajumä̧ ädätinä̧ju̧: —A̧, juȩnȩtä̧ pä'ü iyü ikuäjätüjä̧.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

1 Timoteo 6:10

Ja̧'wa̧ta̧nü̧ pärätä kkü'kekunä̧ toäkuäwämä̧ surojü kkada'ka ja̧'a̧; kkorotü kka̧kuä̧tü̧ pärätä rü̧ȩnä̧ kku̧nä̧rü̧ Dio-rü unichi'inä̧tü̧, juätümä̧ rü̧ȩnä̧ ubara ttu'u usurä ȩmä̧wä̧tü̧.