Hechos 4:13 - Nuevo Testamento Uwotjüja

¹³ Ja̧'wa̧nü̧ ja̧'a̧, Peduru'i̧nä̧, Ju̧a̧'i̧nä̧ kuyärumä̧ ttu̧wo̧jui̧'o̧ka̧'a̧ ji̧na̧'a̧nä̧, wo̧juȩku̧nä̧ yeäwä juiyünä̧ ttu̧kuo̧kui̧yä̧u̧, to̧o̧ to̧pä̧rü̧ kkä̧nü̧ isopäi'ünä̧ pitümä̧ Jesú-ku kue'ächinä̧tü̧ ja̧'a̧ pä'ü ttu̧wo̧jui̧nä̧u̧.

TÄ̧DO Ä̧CUÄ̧ I̧HUȨNȨ

¹³ Ruhuotö to̧pä̧ri̧nä̧tö̧do Pedrocu, Juancu yettoca'a ttucuocua'a ä̧ju̧cu̧, ruhuotö pocotö ja̧'a̧. Cuyäru huo̧jui̧cuä̧'i̧nä̧ ttieruhua'anä, adiu ttucuocua'a ä̧ju̧cu̧, huo̧jui̧'i̧nä̧tö̧do Jesúscu cue'ächinätö pä'ö.

Hechos 4:13 ပူးပေါင်းရင်းမြစ်များ

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 26:71

Jua̧u̧ jä̧ji̧ o'ka'a äpate'kaku räo'omȩnä̧, kkaraju topo'ü juȩnȩtä̧ kka̧kuä̧tü̧rü̧ pä'inä̧ju̧: —Chujua'i̧nä̧ Jesú nazare i̧sa̧ku̧ kkä̧'i̧jü̧.

San Mateo 26:73

A̧'u̧kua̧'a̧tä̧ jä̧ji̧ o'ka'a, juȩnȩtä̧ kka̧kuä̧tü̧ ichi'ü Peduru-rü pä'inä̧tü̧: —Isopäi'ünä̧ uku'i̧nä̧ juätütä i̧sa̧jä̧. Suro kui̧wȩnȩttü̧ ä̧ju̧ku̧tä̧'i̧nä̧ tu̧wo̧juä̧ku̧jä̧.

San Lucas 22:8

Jesú-mä̧ Peduru-rü'i̧nä̧, Ju̧a̧-rü̧'i̧nä̧ we'ü pä'inü̧: —Pacua jäwä, ni̧pä̧ro̧mȩ tu̧kuä̧kuȩ aditü kku̧nä̧jä̧tu̧kui̧.

San Juan 19:26

Ja̧'wa̧nü̧ ja̧'a̧, Jesú-mä̧ ja̧ju̧ru̧ topü ja̧'wa̧ta̧nü̧ u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ topü pä'inü̧: —Isaju, kui̧tti̧mä̧ jua̧u̧ juȩnȩtä̧ kkü̧ ja̧'a̧.

San Juan 7:15

Jua̧u̧ wo̧juȩtü̧ wo̧juȩku̧nä̧ u̧wo̧juȩti̧yä̧u̧, judío-mä̧ isoó, pä'inä̧tü̧: —¿Toku ja̧'a̧ wo̧jua̧jä̧ttü̧ chujuamä̧, kuyärumä̧ uwo̧jui̧'o̧ka̧'a̧ ji̧na̧'a̧nä̧?

San Juan 7:49

Ja̧'wa̧nü̧ ja̧'a̧nä̧, pitü ttü̧ja̧ weäwä wȩnȩ jerupätürümä̧, surojütä 'kuäopäkuä̧u̧.

Hechos 4:14

Ja̧'wa̧ta̧nü̧ umäricheittü pi̧'ä̧ji̧'i̧nä̧ juȩnȩtä̧, juätütäku ü̧ja̧'a̧ topü, to'ija̧'a̧ku̧mä̧ pättü juiyünä̧ ji̧nä̧u̧.

Hechos 4:19

Ja̧'wa̧nü̧ pä̧ttä̧u̧ Peduru-mä̧, Ju̧a̧-ku̧ ttädätinä̧u̧: —Ukututä amükuädü topätukui, Dio ä'ka jo̧mȩttü̧mä̧, ¿ä̧kuo̧mȩnä̧mä̧ ukuturu tukuota pä'ü adiwa'a tä̧jí̧, Dio-ttü'i̧nä̧ abonä̧nü̧?

Hechos 4:29

Ja̧'wa̧nü̧ ja̧'a̧ttü̧, Chu̧ru̧wa̧ jua̧u̧ yettepe'ü topi ja̧'wa̧ta̧nü̧ ku̧wo̧juȩtä̧u̧rü kui̧wȩnȩ ttujuruku jitäunä̧ iyitü.

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 9:27

Ja̧'wa̧nü̧ ji̧yä̧ku̧, Bernawé-mä̧ apótore ttü̧ja̧'a̧ku̧ o'ipächü i̧jȩpü̧, ji'äwinü̧: Sauro-mä̧ mä̧nä̧ttü̧ Tu̧ru̧wa̧rü̧ topäji pä'ü ja̧'wa̧ta̧nü̧ Damasco-ttü ujuruku Jesucrito ütü'kü jiäwäja'a'i̧nä̧ jiäwiyinä̧u̧.

Hechos 9:28

Ja̧'wa̧nü̧ jȩä̧ji̧ o'ka'amä̧, Sauro-mä̧ juätütäku Jerusarȩ́-nä̧, kkä̧nü̧ kue'ächinü̧. Tu̧ru̧wa̧ ütü'kü ujuruku ji'äu.

1 Corintios 1:27

Isopäi'ünä̧, Dio-mä̧, pi̧jä̧ttü̧ jerupätürü ȩmi̧nü̧, rü̧ȩnä̧ wo̧juä̧tü̧rü̧ dä'ä ttuepa pä'ü; ja̧'wa̧ta̧nü̧ Dio-mä̧, pi̧jä̧ttü̧ ttujuru jui'ätürü ȩmi̧nü̧, ttujuru kku̧nä̧rä̧tü̧rü̧ dä'ä ttuepa pä'ümä̧.

1 Corintios 14:25

Yä̧wä̧i̧nä̧ a̧mi̧so'kinä̧ ȩnä̧rä̧'i̧jü̧mä̧ i̧jȩkuä̧chä̧kua̧'a̧, ja̧'wa̧nü̧ jo̧mȩnä̧ Dio-rü iwe'kiyunä̧ pä̧mä̧dü̧ esewä̧kua̧, isopäi'ünä̧ Dio-mä̧ ukututä ku̧'kä̧tȩtu̧ku̧nä̧ kkü̧ ja̧'a̧ pä'ü.

2 Corintios 3:12

Ja̧'wa̧nü̧ tta̧'ä̧rü̧ tü̧ja̧kua̧'a̧ttü̧, o'kajuiyünä̧tä̧ wäjuönä̧ ukuokuätüjä̧;