Hechos 4:12 - Nuevo Testamento Uwotjüja

¹² Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

TÄ̧DO Ä̧CUÄ̧ I̧HUȨNȨ

¹² Ka̧ra̧mä̧ toa'a suronä jȩtö̧ jȩpö̧ icumä. Pi̧jä̧ ttö̧ja̧rö̧ iyocö pi̧nö̧ ka̧ra̧ i̧mi̧nä̧, suronä jȩttö̧ jȩpö̧ icua pä'ö, —pä'inödo Pedro.

Hechos 4:12 ပူးပေါင်းရင်းမြစ်များ

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

Hechos 2:5

Juȩnȩ Jerusarȩ́-nä̧mä̧, judío kka̧kui̧nä̧tü̧ kkara'a rȩjȩra̧'a̧ttü̧ ichäjätü, Dio-rü rü̧ȩnä̧ ukuotätü.

1 Corintios 3:11

Ja̧'wa̧nü̧ täkü yo̧mȩtȩ kka̧'a̧ttü̧, ya̧tȩ'i̧nä̧ kkoromȩ i̧mi̧ku̧nä̧ jo̧mȩ 'chu̧ä̧ro̧mȩ, adita pä'ümä̧ juiya'a, juȩnȩ 'chu̧ä̧ro̧mȩmä̧ Jesucrito-tä ja̧'a̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.