Hechos 3:22 - Nuevo Testamento Uwotjüja

²² Moisé-mä̧ tü̧tä̧mü̧ mi̧nä̧rü̧ pä'inü̧: Ku̧ä̧nä̧wa̧tu̧ku̧ Dio-mä̧, kui̧jä̧wa̧tü̧ttü̧ ya̧tȩ profeta wa̧rü̧ ä̧rä̧bȩ'ä̧kua̧, ttü jü̧ta̧'a̧nü̧. Jua̧u̧ru̧mä̧ o'kajuiyünä̧ päümä̧ kukuotätukuäkuotüjä̧.

TÄ̧DO Ä̧CUÄ̧ I̧HUȨNȨ

²² Moisés pä'inö tä̧do̧tö̧ mi̧nä̧rö̧: “Cu̧ru̧hua̧ Dios ucuturu huȩä̧cua̧ i̧huȩnȩ jiäcuähuä i̧sa̧rö̧, ucututtu ya̧tȩrö̧, ttörö hueinö ta'anö. Ja̧u̧ jiäumä o'ca juiyönä adiu esetö cuä̧ju̧cuä̧tu̧cu̧'a̧nö̧ ja̧'a̧.

Hechos 3:22 ပူးပေါင်းရင်းမြစ်များ

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Lucas 24:19

Pättäku päinä̧u̧: ¿Däjé 'kuäopäja'akuä̧ttü̧? Jesú, Nazare i̧sa̧ ütü'kü. Jua̧u̧mä̧ profeta winü̧, jȩü̧'i̧nä̧, Dio i̧wȩnȩ ukuoku'i̧nä̧, ttü̧ja̧ ttä'kattü'i̧nä̧ jü̧nä̧tä̧;

San Lucas 13:33

Ja̧'wa̧nü̧ ja̧'a̧nä̧, chi̧'cha̧ pädäja'amä̧ jitä mo̧ro̧'i̧nä̧, yo̧i̧mo̧ro̧'i̧nä̧, yo̧i̧mo̧ro̧ o'komȩ'i̧nä̧ 'chü̧sä̧; isopäi'ünä̧ ya̧tȩ profeta wa̧mä̧ Jerusarȩ́ ütawiyä u̧mi̧ttü̧ 'korujuoächa pä'ümä̧ juiya'a.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

San Mateo 21:11

Ttü̧ja̧mä̧, pä'inä̧tü̧: —Jua̧u̧mä̧ Galirea rȩjȩ, Nazare i̧sa̧ Jesú, profeta i̧sa̧ ja̧'a̧.