Hechos 3:1 - Nuevo Testamento Uwotjüja

¹ Ya'utenä̧ Peduru-mä̧, Ju̧a̧-ku̧ ni̧pä̧ro̧mȩ las tres-nä̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧. Juätü judío-mä̧ ttukuokuä'ijü hora ji̧na̧'a̧.

TÄ̧DO Ä̧CUÄ̧ I̧HUȨNȨ

¹ Koro mo̧ro̧ Pedrocu, Juancu ni̧pä̧ro̧mȩcu̧ päi'a'a, Diosrö ucuocuäcuähuodera̧'a̧ 'chä̧nö̧ 'cha'chepinätödo. Judíos ttö̧ja̧ ttihueye ni̧pä̧ro̧mȩcu̧ Diosrö ucuocuinätödo.

Hechos 3:1 ပူးပေါင်းရင်းမြစ်များ

San Mateo 17:1

Jesú-mä̧ kko̧ro̧mü̧ttü̧nü̧ ya'ute mo̧ro̧ o'ka'a, Peduru-rü'i̧nä̧, Sa̧ti̧a̧ku̧rü̧'i̧nä̧ ja̧'wa̧ta̧nü̧ i̧jä̧wa̧ Ju̧a̧-rü̧'i̧nä̧ mü̧ä̧'ka ju'toju jä'kara̧'a̧ i̧mi̧ku̧nä̧ o'ipächü 'chi̧nü̧.

San Mateo 26:37

Ja̧'wa̧nü̧ pä'ipü Peduru-kutä ja̧'wa̧ta̧nü̧ Zebedeo i̧tti̧mü̧ ta̧ju̧ku̧tä̧ o'ipächü 'chä̧ji̧'ka̧, jua'attü rü̧ȩnä̧ a̧'kua̧ tta̧'ȩkui̧pü̧,

San Mateo 27:45

Kkä̧wa̧ jueü kkü̧rü̧, pi̧jä̧ o'kajuiyünä̧ yo̧ä̧i̧ja̧'a̧mä̧, ni̧pä̧ro̧mȩ las tres-bü päi'ünä̧, yo̧i̧na̧'a̧.

San Lucas 1:10

Ja̧'wa̧nü̧ incienso pättü ujuwa'anä̧mä̧, o'katoi'ünä̧ ttü̧ja̧mä̧ u̧mi̧nä̧ Dio-rü ukuoku kka̧kui̧nä̧tü̧.

San Lucas 18:10

U̧mä̧tü̧ ta̧ju̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧: ya̧tȩmä̧ fariseo wotü i̧sa̧ ji̧na̧'a̧, kka̧ra̧tä̧ Roma-ra̧'a̧ weäwä pärätä ka̧ka̧kuä̧ i̧sa̧ ji̧na̧'a̧.

San Lucas 22:8

Jesú-mä̧ Peduru-rü'i̧nä̧, Ju̧a̧-rü̧'i̧nä̧ we'ü pä'inü̧: —Pacua jäwä, ni̧pä̧ro̧mȩ tu̧kuä̧kuȩ aditü kku̧nä̧jä̧tu̧kui̧.

San Lucas 24:53

Ja̧'wa̧nü̧ ji̧na̧'a̧ttü̧, 'kuäopünä̧tä̧ Dio-rü ukuokuäkuäwodenä̧, Dio-rü eseu kue'ächinä̧tü̧. Amȩ́.

San Juan 21:7

Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

Hechos 10:3

Ji̧yȩtȩ mo̧ro̧, ttu̧'kuo̧ti̧nä̧ jä̧'i̧nü̧'a̧nü̧, las tres-nä̧ ni̧pä̧ro̧mȩku̧, topinü̧ ya̧tȩ Dio wȩ'ä̧wa̧ á̧gȩ do'ächi'ü pä'a: «¡Cornelio!»

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

Hechos 3:3

Ja̧'wa̧nü̧ ja̧'a̧, jua̧u̧mä̧ Peduru-rü, Ju̧a̧-ku̧, Dio-rü ukuokuäkuäwodenä̧ dodetta'a topü jäepä̧ri̧nä̧u̧, pärätä ttiyarü pä'ü.

Hechos 3:4

Ja̧'wa̧nü̧ ja̧'a̧ Peduru-mä̧, Ju̧a̧-ku̧ topü päinä̧ku̧: —Poku ujuturu topi.

Hechos 4:13

Ja̧'wa̧nü̧ ja̧'a̧, Peduru'i̧nä̧, Ju̧a̧'i̧nä̧ kuyärumä̧ ttu̧wo̧jui̧'o̧ka̧'a̧ ji̧na̧'a̧nä̧, wo̧juȩku̧nä̧ yeäwä juiyünä̧ ttu̧kuo̧kui̧yä̧u̧, to̧o̧ to̧pä̧rü̧ kkä̧nü̧ isopäi'ünä̧ pitümä̧ Jesú-ku kue'ächinä̧tü̧ ja̧'a̧ pä'ü ttu̧wo̧jui̧nä̧u̧.

Hechos 5:25

Ja̧'wa̧nü̧ ja̧'a̧, ya̧tȩ ichi'opo'ü jiäwinä̧u̧: —Ukutu kärenä̧ kutäjätukuä̧u̧mä̧, Dio-rü ukuokuäkuäwodettü ttü̧ja̧rü̧ wo̧juȩtü̧ kka̧kuä̧jä̧tü̧.

Hechos 8:14

Ja̧'wa̧nü̧ ja̧'a̧, apótore-mä̧ Jerusarȩ́-nä̧ ttü̧ja̧kua̧'a̧ ja̧'a̧, Samaria ttü̧ja̧'i̧nä̧ Dio i̧wȩnȩ esetäjätüdo pätta'a ä̧ju̧ku̧, Peduru-rü'i̧nä̧, Ju̧a̧-rü̧'i̧nä̧ jua'a we'inä̧tü̧;

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.