Hechos 27:1 - Nuevo Testamento Uwotjüja

¹ Täkü ujuturu, Itaria rȩjȩra̧'a̧ we'ü ttikuomȩmä̧, Pauru-rü'i̧nä̧, kkorotürü'i̧nä̧ kärenä̧ pȩjä̧tü̧rü̧mä̧, su̧ro̧do̧u̧ ttu̧ru̧wa̧ Juriu pä'ü mi̧kua̧, emperador u̧mü̧wä̧ya̧ u̧mü̧nä̧ we'inä̧tü̧.

TÄ̧DO Ä̧CUÄ̧ I̧HUȨNȨ

¹ Italia rȩjȩra̧'a̧ ujuturu huetta pä'ö ttamöcuädomenä, Pablorö'inä, korotö cärenä pȩjä̧tö̧rö̧'i̧nä̧ ya̧tȩ Julio pä'ö mi̧cua̧rö̧ hue'ipinätödo. Ja̧u̧ Julio su̧ro̧da̧u̧ ttu̧ru̧hua̧ pi̧nö̧do. Jahuätö recuätö su̧ro̧da̧u̧mä̧ Augusto umöhuäyotö pi̧nä̧tö̧do.

Hechos 27:1 ပူးပေါင်းရင်းမြစ်များ

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Lucas 23:47

Ja̧'wa̧nü̧ ja̧'a̧, Roma-ttü̧ we'äwotü su̧ro̧do̧u̧ ttu̧ru̧wa̧mä̧, Dio-rü eseu pä'inü̧: —Isopäi'ünä̧, pidemä̧ surojümä̧ jȩpo̧kü̧ pinü̧.

San Lucas 7:2

Ja̧'wa̧nü̧ ja̧'a̧, juorü su̧ro̧do̧u̧ ttu̧ru̧wa̧ u̧mü̧wä̧ya̧, rü̧ȩnä̧ repeäkuru, 'korupäiü'anütä̧ päi'ünä̧ na̧'ä̧chü̧rü̧ kku̧nä̧ri̧nü̧.

Hechos 10:1

Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 16:10

Ja̧'wa̧nü̧ Pauru-rü i̧jȩkuä̧ja̧'a̧mä̧, yotäku Macedonia-ra̧'a̧ ti̧'cha̧ pä'inä̧tü̧jä̧, jua'amä̧ Dio jareü wȩnȩ jitäwiyarü pä'ü wo̧ä̧u̧jä̧ päta'attü̧.

Hechos 18:2

Juorümä̧, ya̧tȩ judío i̧sa̧ ja̧'a̧nä̧, Ponto rȩjȩttü̧ uwäpächinü̧rü̧ topinü̧, Aquira pä'ü mi̧kua̧rü̧, irekua Priscira-ku Itaria rȩjȩra̧'a̧ttü̧ i̧rȩbȩwi̧'ä̧ja̧'a̧. Jua'amä̧ Roma-ttü̧ rättopächäja'a ji̧na̧'a̧, emperador Claudio judío-rümä̧ o'katoi'ünä̧rü̧ rättopächa pä'ü weomȩttü̧. Ja̧'wa̧nü̧ ichäjätürü Pauru-mä̧ do'ächü 'chi̧nü̧.

Hechos 19:21

Pi̧yȩ 'kuäopäji o'ka'a, Pauru-mä̧ amükuädinü̧ Jerusarȩ́-ra̧'a̧ i̧'cha̧ pä'ü, jua'a 'chä̧nü̧ kkä̧nü̧mä̧, Macedonia rȩjȩnä̧'i̧nä̧, Acaya rȩjȩnä̧'i̧nä̧ 'kuäopa pä'inü̧. Ja̧'wa̧nü̧ juorü Jerusarȩ́-ttü̧ kkä̧nü̧mä̧ Roma-ra̧'a̧ i̧'cha̧ pä'ü amükuädinü̧.

Hechos 21:32

Jua̧u̧mä̧, umüwäyotü su̧ro̧do̧u̧ru̧ ȩmi̧pü̧ jua'aku topo'ü 'chi̧nü̧. Ja̧'wa̧nü̧ ja̧'a̧ ttü̧ja̧mä̧, su̧ro̧do̧u̧'i̧nä̧, ttu̧ru̧wa̧'i̧nä̧ ichi'a'a topü, Pauru-rü kuäkuättäja'amä̧ kä'ädäkuäwinä̧tü̧.

Hechos 22:26

Pä'a ä̧ju̧kuo̧'ü̧, su̧ro̧do̧u̧ ttu̧ru̧wa̧mä̧, jua'a yabo ttu̧ru̧wa̧rü̧ 'chä̧wi̧'ü̧ pä'inü̧: ¿Däjé jȩ'kuä̧kua̧jä̧ttü̧? Pidemä̧ Roma ttü̧ja̧sa̧ ja̧'a̧mä̧.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Hechos 23:17

Jua̧u̧ ä̧ju̧ku̧, Pauru-mä̧ su̧ro̧do̧u̧ tturuwotüttü ya̧tȩrü̧ wopo'ü pä'inü̧: Pide mü̧ä̧ya̧rü̧ ku̧ru̧wa̧ ü̧ja̧'a̧ o'ipi, ji̧yȩtȩ jiäwarü.

Hechos 24:23

Ja̧'wa̧ta̧nü̧ Felíx-mä̧, su̧ro̧do̧u̧ ttu̧ru̧wa̧rü̧ we'ü kku̧ni̧nü̧, Pauru-mä̧ kärenä̧mä̧ ü̧'a̧'a̧nä̧, jua'akumä̧ tta̧ttä̧ra̧'a̧nä̧, awäruwärü'i̧nä̧ do'ächü tottünä̧.

Hechos 25:12

Ja̧'wa̧nü̧ ja̧'a̧ Feto-mä̧, aditäwä isotüku ukuokuäkuäwopo'ü, pä'inü̧: —Emperador Césa ü̧ja̧'a̧, i̧'cha̧ pä'attü̧; jua̧u̧nu̧mä̧, jua'atä i̧'chä̧kua̧, pä'inü̧.

Hechos 25:25

Ja̧'wa̧nü̧ ja̧'a̧nä̧ ttü tochomȩnä̧, toe'ächa pä'ümä̧ jui̧'a̧ ja̧'a̧nä̧, chutä jäepäjomȩttü̧, tu̧ru̧wa̧ Césa-rü weda pä'ü chu̧ju̧nä̧rä̧ku̧.

Hechos 27:11

Päku, su̧ro̧do̧u̧ ttu̧ru̧wa̧mä̧ Pauru-rü esetü jui'ü, woi'ka kui̧'ȩpä̧rü̧rü̧tä̧ ja̧'wa̧ta̧nü̧ woi'ka u̧ru̧wa̧rü̧tä̧ esetinü̧.

Hechos 27:43

Ja̧'wa̧nü̧ ja̧'a̧nä̧ su̧ro̧do̧u̧ ttu̧ru̧wa̧mä̧, Pauru-rü ppäda pä'ü, ja̧'wa̧nü̧ jȩttü̧ juiyünä̧tä̧, ajenä̧ kuottü'anü̧ wotümä̧ ä'kanä̧ kuotti'iyarü pä'ütä we'inü̧, rȩjȩra̧'a̧ päti'a pä'ümä̧.

Hechos 27:6

Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧ Juriu-mä̧ juorü po̧kui̧pi̧nü̧ Alejandría woi'ka, Itaria rȩjȩra̧'a̧ 'chä̧'ka. Juä'kanä̧ tü̧'ȩjä̧mü̧nä̧ wȩä̧u̧, pȩjä̧mü̧ 'chi̧nä̧tü̧jä̧.

Hechos 28:1

O'katoi'ünä̧ tote'ächü'anü̧ ja̧'a̧nä̧ kka̧kui̧pä̧jä̧'kotümä̧, juä̧sa̧ kkä'ko i̧sä̧sa̧mä̧ Malta pä'ü mi̧kuä̧sa̧ pä'ü wo̧jui̧'i̧nä̧tü̧jä̧.

Hechos 28:16

Roma ütawiyänä̧ ti̧rȩbȩwi̧'ä̧ja̧'a̧mä̧, su̧ro̧do̧u̧ ttu̧ru̧wa̧mä̧ Pauru-rü we'inü̧, i̧mi̧ku̧nä̧ ü̧jü̧nä̧ ya̧tȩ su̧ro̧do̧u̧ i̧sa̧tä̧ tta̧wä̧ra̧'a̧nä̧.

Hebreos 13:24

O'katoi'ünä̧rü̧, kuruwotuku pató-tü̧rü̧'i̧nä̧ ja̧'wa̧ta̧nü̧ o'katoi'ünä̧ esetinä̧tü̧rü̧mä̧ te'äwiyätukuittü. Ja̧'wa̧ta̧nü̧ Itaria rȩjȩ ttü̧ja̧'i̧nä̧, pottümä̧ tettäwä̧u̧jä̧.