Hechos 21:3 - Nuevo Testamento Uwotjüja

³ 'Kuätopomȩnä̧, Chipre kkä'ko i̧sä̧sa̧mä̧ tieruwa'akunä̧ kki̧'a̧'a̧nä̧, Siria rȩjȩra̧'a̧ku̧ 'chi̧nä̧tü̧jä̧. Ja̧'wa̧nü̧ ja̧'a̧nä̧, woi'kamä̧ Tiro ütawiyä ttawaränä̧ rä̧mä̧di̧na̧'a̧, juȩnȩ ttiäre wȩnä̧dü̧ ttikua pä'ü.

TÄ̧DO Ä̧CUÄ̧ I̧HUȨNȨ

³ Chipre kä'co i̧sä̧sa̧ uhuähuomettömä, tö'ohuenä ja̧'a̧nä̧ 'cuä'opö 'chi̧nä̧tö̧jä̧ Siria rȩjȩra̧'a̧. Tiro ötahuiyänä järe ttu̧huä̧nä̧da̧'a̧nä̧ rä̧mä̧di̧nä̧tö̧jä̧.

Hechos 21:3 ပူးပေါင်းရင်းမြစ်များ

San Mateo 11:21

¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧.

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Lucas 10:13

¡Isottü̧, ukutu Corazín ütawiyä ttü̧ja̧we! ¡Isottü̧ ukutu Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧, jȩtto̧kü̧ juei jäwä Tiro ütawiyä ttü̧ja̧rü̧'i̧nä̧, Sidón ütawiyä ttü̧ja̧rü̧'i̧nä̧ ttä'kattü ji̧nü̧ttü̧mä̧, juätümä̧ ttü̧'ka̧tä̧wä̧ti̧yu̧ surojü o'pi 'ka̧tä̧wi̧'ü̧, okurä i̧sa̧ppȩttü̧ jiwäwi'ü surojü jȩttä̧'i̧jü̧ttü̧mä̧ kä'ädäkuäu Dio-ku ppa̧'a̧cha̧ja̧tü̧.

San Lucas 2:2

Pi̧yȩ ä̧kuo̧mȩnä̧ tti̧mi̧ tti̧wȩyu̧ku̧mä̧, Siria rȩjȩttü̧ Quirinio ru̧wa̧ gobernador jü̧nä̧ weü pä̧nä̧ kkä̧mä̧dü̧ jȩpi̧nä̧tü̧.

Hechos 11:19

Esteba̧-rü̧ kuä'ü ttikuinü̧ o'ka'a, Jesucrito-rü esetätürümä̧ ya'äu suronä̧ jȩtti̧nä̧u̧. Ja̧'wa̧nü̧ jä̧u̧ rekuätü tü'ipü i̧wi̧nä̧tü̧ Fenicia-ra̧'a̧'i̧nä̧, Chipre kkä'ko i̧sä̧sa̧ra̧'a̧'i̧nä̧, Antioquía ttawaränä̧'i̧nä̧, jü̧nä̧. Juätü tü'ipätümä̧, kkorotürümä̧ jittäwoka'anä̧, judío-rütä ji'äwinä̧tü̧ Dio i̧wȩnȩmä̧.

Hechos 12:20

Ja̧'wa̧nü̧ ja̧'a̧ Herode-mä̧ Tiro ttü̧ja̧rü̧'i̧nä̧, Sidón ttü̧ja̧rü̧'i̧nä̧ a̧mi̧surinä̧ku̧; ja̧'wa̧nü̧ ja̧'a̧nä̧ jua̧u̧ ütawiyä ttü̧ja̧mä̧, ru̧wa̧ Herode u̧mü̧wä̧ya̧ tta̧wä̧rä̧kuä̧wä̧ i̧sa̧ Blasto-rü mitü esekuinä̧tü̧, wȩnȩ juiyünä̧ ttü̧ja̧ pä'ü, jua'amä̧ tti̧rȩjä̧mä̧ jua̧u̧tä̧ ukuäje'ä'i̧jä̧u̧ ja̧'a̧ttü̧.

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 15:23

Ujutu apótore-mä̧, igresia-ttü a̧ci̧a̧nu̧ wotüku, ji̧nä̧ ji̧yȩtȩnä̧ wotümä̧, ukutu judío pokotü ttü̧'kä̧tȩnä̧, Antioquía-nä̧'i̧nä̧, Siria-nä̧'i̧nä̧, Ciricia-nä̧'i̧nä̧ kka̧kuä̧tü̧rü̧: Te'äwätüjä̧.

Hechos 15:39

Ja̧'wa̧nü̧ ja̧'a̧mä̧, rü̧ȩnä̧ pä'äkuäwinä̧tü̧, juorütä 'kȩttȩkuä̧chü̧nä̧; Bernawé-mä̧ Maruku-rütä o'ipächü Chipre-ra̧'a̧ 'chi̧nü̧.

Hechos 15:41

Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.

Hechos 18:18

Pauru-mä̧ Corinto ütawiyänä̧mä̧ rekuó mo̧ro̧ kkä̧ji̧'ka̧, awärüwä ü̧jä̧wa̧tü̧rü̧ te'äwi'ipü, Priscira-ku ja̧'wa̧ta̧nü̧ Aquira-ku yo̧mȩtȩnä̧ Siria rȩjȩra̧'a̧ woi'kanä̧ 'chi̧nü̧. Cencrea ütawiyättümä̧, räopäkua'a ä'kanä̧ u kiräu ikuinü̧, Dio-rü jȩchä̧kua̧sä̧ pä'a jä̧ku̧.

Hechos 21:16

Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.

Hechos 21:2

Ja̧'wa̧nü̧ jä̧ja̧'a̧ juorümä̧ Fenicia rȩjȩra̧'a̧ 'chä̧'ka woi'kanä̧ pȩjä̧mi̧nä̧tü̧jä̧.

Hechos 21:7

Ja̧'wa̧nü̧tä̧ ji̧na̧'a̧ ajenä̧ kuetächäjimä̧. Tiro-ttü pȩjä̧mü̧ i̧wä̧jä̧tü̧mä̧ rü̧jä̧mi̧nä̧tü̧jä̧ Tolemaida ütawiyänä̧. Ja̧'wa̧nü̧ ja̧'a̧, juorümä̧ tawaruwä tü̧jä̧wa̧tü̧rü̧ te'äwäjä'kotü, juätütäku ya'ute mo̧ro̧ kki̧'i̧'o̧po̧'i̧nä̧tü̧jä̧.

Hechos 27:4

Ja̧'wa̧nü̧ ja̧'a̧ juorü rä'opächümä̧, kkä̧rü̧'koppa to'ija̧'a̧ku̧ kkä̧rü̧'ko̧wi̧yä̧u̧, Chipre kkä'ko i̧sä̧sa̧ jä̧yä̧sa̧nä̧ 'kuä'opinä̧tü̧jä̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).