Hechos 2:4 - Nuevo Testamento Uwotjüja

⁴ Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

TÄ̧DO Ä̧CUÄ̧ I̧HUȨNȨ

⁴ Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Hechos 2:4 ပူးပေါင်းရင်းမြစ်များ

San Mateo 10:19

Ja̧'wa̧nü̧ ja̧'a̧nä̧, iyü ttikuomenä̧mä̧ däjé jidäwäkua'ajó, toku jidäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧, jua̧u̧nü̧ kukuokuätukuä̧kuȩmä̧ i̧yä̧wi̧'ä̧kuä̧u̧jä̧.

San Marcos 16:17

Ja̧'wa̧ta̧nü̧ esetätümä̧, pi̧yȩ tottünä̧ jȩttä̧kuo̧tü̧: Ttü chi̧mi̧nä̧mä̧ epíritu suropätürü'i̧nä̧ rä'epä'chü ttikua'anä̧, jareü wȩnȩ'i̧nä̧ ttukuokuäkuotü;

San Lucas 1:15

Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

San Lucas 1:41

Ja̧'wa̧nü̧ ja̧'a̧ Isabe-mä̧ María tejäwa'a kkä̧ju̧kuo̧mȩnä̧, kku̧kuä̧ba̧ jakuättü ji̧'chi̧cha̧wa̧mä̧ borepi'inü̧. Elísabe-mä̧ Epíritu Sa̧tu̧ jo̧mȩnü̧ winä̧ju̧.

San Lucas 1:67

Ji̧'ki̧cha̧wa̧ jä'o Zacaría-mä̧, Epíritu Sa̧tu̧ jäwä jo̧mȩnü̧ kkä̧ku̧, ukuoku pä'inü̧:

San Lucas 12:12

Ja̧'wa̧nü̧ jo̧mȩnä̧mä̧, Epíritu Sa̧tu̧ u̧wo̧juȩtä̧kuä̧u̧jä̧ kukuokuätukua pä'ümä̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Lucas 4:1

Epíritu Sa̧tu̧ jo̧mȩnü̧tä̧ wa̧, Jesú-mä̧ Jordán ajera̧'a̧ttü̧ ppa̧wä̧chi̧'a̧'a̧, Epíritumä̧ rȩbi̧yu̧ dȩ'a̧ra̧'a̧ku̧ oipi̧nä̧ku̧.

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 20:22

Ja̧'wa̧ta̧nü̧, a̧mi̧yuppa ppü'ü juätürü pä'inü̧: —Epíritu Sa̧tu̧rü̧ ȩmä̧tu̧kui̧, ja̧já̧.

Hechos 1:5

Isopäi'ünä̧ Ju̧a̧-mä̧ ajiyanä̧tä̧ bautizo jȩpi̧nü̧, ja̧'wa̧nü̧ ja̧'a̧nä̧ a̧'u̧kua̧'a̧tä̧ mo̧ro̧ o'ka'a ukutumä̧ Epíritu Sa̧tu̧nä̧ bautizo jȩä̧kuä̧u̧jä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 10:46

Ja̧'wa̧nü̧ ja̧'a̧, ttä̧ju̧kui̧nä̧u̧ kkoro wȩnȩnä̧ ttukuokua'a, Dio-rü eseu.

Hechos 10:47

Ja̧'wa̧nü̧ ji̧yä̧ku̧, Peduru-mä̧ pä'inü̧: —¿Pitürümä̧, ujutu jü̧ta̧'a̧nü̧ Epíritu Sa̧tu̧ ü̧jä̧mä̧dä̧jä̧u̧ru̧mä̧, bautizo jȩttü̧ juiyü'anü̧ tä̧jí̧?

Hechos 11:15

Ja̧'wa̧nü̧ kkä̧mä̧dü̧ chukuokua'a, Epíritu Sa̧tu̧ juätürü kkä̧mä̧di̧nü̧, ujuturu ä̧kuo̧mȩnä̧ ü̧jä̧mä̧di̧nü̧ta̧'a̧nü̧.

Hechos 11:24

Jua̧u̧ Bernawé-mä̧ adiwä jueinä̧ ü̧ja̧'a̧ttü̧, Epíritu Sa̧tu̧rü̧'i̧nä̧, tta̧'kua̧ wȩnä̧rä̧kuä̧wä̧'i̧nä̧ jo̧mȩnü̧ winü̧. Ja̧'wa̧nü̧ jo̧mȩnä̧ rekuätü, Tu̧ru̧wa̧rü̧ esetü ikuinä̧tü̧.

Hechos 13:52

Ja̧'wa̧nü̧ ja̧'a̧nä̧ Jesucrito-rü esetätümä̧ jo̧mȩnü̧ eseäkuäwinä̧tü̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ winä̧tü̧.

Hechos 13:9

Ja̧'wa̧nü̧ jȩi̧yä̧ku̧, Sauro-ja̧'a̧nä̧ Pauru-mä̧ Epíritu Sa̧tu̧ ujuru jo̧mȩnü̧ kku̧nä̧rü̧ ja̧'a̧, jua̧u̧ mä̧ri i'ärenä̧ pätetü topü,

Hechos 15:8

Ja̧'wa̧nü̧ ja̧'a̧, Dio-mä̧ tta̧mi̧ iso'ki wo̧jua̧ ja̧'a̧ttü̧ juätürü'i̧nä̧ Epíritu Sa̧tu̧rü̧ iyinä̧u̧ totünä̧, ujuturu jü̧ta̧'a̧nü̧;

Hechos 19:6

Ja̧'wa̧nü̧ ja̧'a̧ Pauru-mä̧ juätürü u̧mü̧nä̧ mȩ'ü̧ Dio-rü ukuokuomȩnä̧, Epíritu Sa̧tu̧mä̧ juätürü kkä̧mä̧di̧nü̧; ja̧'wa̧nü̧ päi'omȩnä̧ tti̧wȩnȩ jo̧kü̧nä̧ ukuokuinä̧tü̧ profetas 'kua̧rü̧nä̧.

Hechos 2:11

judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 2:3

ja̧'wa̧nü̧ päi'omȩnä̧ topäkuäwinä̧tü̧, ttu wä̧mȩ pünä̧ yotükupünä̧rü̧ okuriyä ppo̧ü̧ kka̧kuä̧ma̧'a̧,

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 4:8

Pättiyäku, Peduru-mä̧ Epíritu jäwä jo̧mȩnü̧ kkä̧ku̧ ädätinä̧u̧: —Ukutu ttü̧ja̧ tturuwotürü ja̧'wa̧ta̧nü̧ Iraettü ukuo isotürü pä'üsä:

Hechos 6:3

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ukututtütä usätukui, ttü̧jä̧pü̧ttü̧ ta̧ju̧nü̧ wotürü, ukututä ku̧wo̧juä̧tu̧kuä̧u̧ru̧, adiu wo̧juȩku̧nä̧ amükuädätürü, Epíritu Sa̧tu̧ jäwä jo̧mȩnü̧ wotürü, pi̧yȩ ttadita we'ü tu̧ju̧na̧tü̧.

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

Hechos 6:8

Ja̧'wa̧nü̧ ja̧'a̧ Esteba̧-mä̧, Dio ujuru'i̧nä̧, Dio jäwä'i̧nä̧ jo̧mȩnü̧ kkä̧ku̧, ttü̧ja̧ jȩtto̧kü̧ jue'i jȩpi̧nü̧.

Hechos 7:55

Ja̧'wa̧nü̧ ja̧'a̧nä̧, chutämä̧ Epíritu Sa̧tu̧ jäwä jo̧mȩnü̧ wa̧ ja̧'a̧, mo̧ro̧jä̧ra̧'a̧ku̧ toomȩnä̧ Dio ukuo jäwä topinü̧, Jesú-mä̧ Dio u̧wo̧jua̧'a̧ku̧nä̧ ü̧'ja̧'a̧.

Hechos 8:17

Ja̧'wa̧nü̧ ja̧'a̧ Peduru'i̧nä̧, Ju̧a̧'i̧nä̧ ttu̧mü̧nä̧ mȩ'ü̧ ttukuokuomȩnä̧, Epíritu Sa̧tu̧ ü̧jä̧mä̧dinä̧u̧.

Hechos 9:17

Ja̧'wa̧nü̧ weäjäku, Ananía-mä̧, isodenä̧ do'ächi'ü, jua̧u̧ru̧ u̧mü̧ mȩ'ü̧ pä'inü̧: —Cha̧wa̧ru̧wa̧ chi̧jä̧wa̧ Sauro, uku mä̧nä̧nä̧ kuichomȩnä̧ i̧jȩkuä̧ji̧, Tu̧ru̧wa̧ Jesú weäjäkusä kui'äre pä'äjita'anü̧ to'kua pä'ü'i̧nä̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ päkui'a pä'ü'i̧nä̧, jü̧nä̧.

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

1 Corintios 12:10

Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.

1 Corintios 13:1

Ttü̧ja̧ tti̧wȩnȩ chukuokuaja pä'ü'i̧nä̧, á̧gȩrȩ tti̧wȩnȩ chukuokuaja pä'ü'i̧nä̧, eseu repeäkuäwä juidomȩnä̧mä̧, kuoräuba rä̧mi̧pa̧'a̧ jä̧'i̧nü̧'a̧nü̧tä̧ ja̧'wa̧ta̧nü̧ campana rȩmi̧pa̧'a̧ jä̧'i̧nü̧'a̧nü̧tä̧ wa̧sä̧.

1 Corintios 13:8

Eseu repeäkuäwämä̧ yorisotä beipächokü ja̧'a̧; ja̧'wa̧nü̧ ja̧'a̧nä̧ Dio i̧mi̧nä̧ jiäkuäwämä̧ beipächä̧kuȩ ja̧'a̧, tti̧wȩnȩ pünä̧ ukuokuäkuäwä'i̧nä̧ beipächä̧kuȩ ja̧'a̧, ja̧'wa̧ta̧nü̧ ttu̧wo̧juö̧ wȩnȩ'i̧nä̧ beipächä̧kuȩ ja̧'a̧.

1 Corintios 14:18

Tttümä̧ Dio-rü eseusä, ukututtü'i̧nä̧ abonä̧nü̧ kkorotü tti̧wȩnȩ rü̧ȩnä̧ chukuokua'attü̧;

1 Corintios 14:5

Ttümä̧ pä̧wä̧rü̧jä̧ku̧sä̧ ukutu o'katoi'ünä̧, ttieruwuö wȩnȩnä̧'i̧nä̧ kukuokuätukua pä'ü; ja̧'wa̧nü̧ ja̧'a̧nä̧, ji̧nä̧somä̧ pä̧wä̧rü̧jä̧ku̧sä̧ Dio i̧mi̧nä̧ jikuäwätukua pä'ü; isopäi'ünä̧ Dio i̧mi̧nä̧ ji'äumä̧ ttieruwuö wȩnȩnä̧ ukuokuttü'i̧nä̧ abonä̧nü̧ wa̧ ja̧'a̧ttü̧, ja̧'wa̧nü̧ ja̧'a̧nä̧ jua̧u̧ jittäu rä'epü iku ji'äu ü̧jo̧mȩnä̧mä̧ adiwa'a, igresia isotürü ppäda'attü.

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

2 Pedro 1:21

Isopäi'ünä̧ profeta wotümä̧ yoriso ttü̧ja̧rü̧ pä̧wä̧rü̧ja̧'a̧ku̧mä̧ ukuokuokotü pinä̧tü̧, ja̧'wa̧nü̧ ja̧jü̧jueimä̧ Epíritu Sa̧tu̧ jiäwa'anä̧tä̧ Dio jäwämä̧ ukuokuinä̧tü̧.