Hechos 2:32 - Nuevo Testamento Uwotjüja

³² Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧.

TÄ̧DO Ä̧CUÄ̧ I̧HUȨNȨ

³² Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.

Hechos 2:32 ပူးပေါင်းရင်းမြစ်များ

San Juan 15:27

Ja̧'wa̧ta̧nü̧ ukutu'i̧nä̧ ttü chütü'kü jikuäwäkuotüjä̧, ä̧kuo̧mȩnä̧tä̧ päi'ünä̧ ttüku ku̧ja̧kuä̧'i̧tu̧kua̧'a̧ttü̧.

Hechos 1:22

Tu̧ru̧wa̧rü̧ Ju̧a̧ bautizo jȩi̧no̧mȩttü̧ kkä̧mä̧dü̧, mo̧ro̧jä̧ra̧'a̧ i̧wi̧no̧mȩbü päi'ünä̧, ujutuku kue'ächä'ijätüttü, ya̧tȩrü̧ tȩma̧ pä'ü ja̧'a̧; Jesú ttoächinü̧ wȩnȩ ujutuku ji̧ä̧wä̧kua̧rü̧.»

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 13:30

Ja̧'wa̧nü̧ jȩttä̧ja̧'a̧nä̧'i̧nä̧ Dio-mä̧ wa'ü ikuinä̧tü̧ ttü̧'kä̧tȩttü̧ ttoädinä̧ku̧.

Hechos 13:33

jua̧u̧ ji̧nü̧mä̧, ujutu tti̧tti̧mü̧ o'kotürü iyinü̧. Ja̧'wa̧nü̧ jȩpü̧mä̧, Jesú-ru tto'ädinü̧, salmo-ttü̧ capíturu 2-nä̧ pa̧'a̧nü̧ pä'ijü'akuä: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.»

Hechos 17:31

Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.

Hechos 2:24

Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧.

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

Hechos 4:10

Pi̧yȩmä̧ o'katoi'ünä̧ kuä̧ju̧kuä̧tu̧kua̧ pä'ü ja̧'a̧ ukuturumä̧ ja̧'wa̧ta̧nü̧ Irae ttü̧ja̧'i̧nä̧, pide kuä'katuku jo̧mȩnü̧ adiwächäji̧'ka̧ ü̧ja̧'a̧mä̧, ukutu ü̧jo̧kä̧ jäinä̧ kuä'ü kuikuinä̧tu̧kuä̧ku̧, wa'arettü Dio ttoädinä̧ku̧ Jesucrito i̧mi̧nä̧ adiwächäji.

Hechos 4:33

Apótore-mä̧, rü̧ȩnä̧ ujuru kkü̧nä̧ ji'äwinä̧tü̧ Jesú wa'arettü ttoächinü̧ wȩnȩmä̧. Ja̧'wa̧nü̧ jo̧mȩnä̧ o'katoi'ünä̧ tteseäkuäu kki̧na̧'a̧.

Hechos 5:30

Tü̧tä̧mü̧ mi̧nä̧ ttü̧ä̧nä̧wa̧ Dio-mä̧, Jesú-ru wa'arettü tto'ädinü̧, ukutu daunä̧ ü̧jü̧nä̧ kuä'ü kuikuinä̧tu̧kuä̧ku̧rü̧mä̧.

1 Corintios 15:15

Ja̧'wa̧nü̧ wa'arettü ttoächäkuäwä juiyüttümä̧, ujutumä̧ yapareu jitäwä'ija'atä ja̧'a̧ Dio ütü'kü jitäwä'ija'amä̧, Dio-mä̧ Crito-rü tto'ädinü̧ pä'ü jitäwa'attü̧.

1 Corintios 6:14

Ja̧'wa̧ta̧nü̧ Dio-mä̧ Tu̧ru̧wa̧ Jesucrito-rü ttoädinü̧ta̧'a̧nü̧, ujuturu'i̧nä̧ ujurunä̧tä̧ ttoädäkuä̧u̧jä̧.

2 Corintios 4:14

ja̧'wa̧ta̧nü̧ Tu̧ru̧wa̧ Jesú-ru tto'ädinü̧mä̧, ujuturu'i̧nä̧ Jesú-ku ttoädäkuä̧u̧jä̧ pä'ü wo̧juö̧ kkä̧nü̧, ukututäku yo̧mȩtȩnä̧ i̧jȩpä̧kuä̧u̧jä̧ pä'ü'i̧nä̧ wo̧juä̧tü̧jä̧.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

Efesios 1:20

Jua̧u̧ ujurutä ji̧na̧'a̧ Crito-rü wa'arettü tto'ädü kku̧nu̧, u̧wo̧jua̧'a̧ku̧nä̧ mo̧ro̧jä̧ra̧'a̧ttü̧ rütinümä̧;

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.