Hechos 2:1 - Nuevo Testamento Uwotjüja

¹ Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧,

TÄ̧DO Ä̧CUÄ̧ I̧HUȨNȨ

¹ Pentecostés mo̧ro̧ päi'omenä, o'ca toi'önä Jesucristorö esetätömä ji̧nä̧ yo̧mȩtȩ ca̧ca̧cui̧pi̧nä̧tö̧do.

Hechos 2:1 ပူးပေါင်းရင်းမြစ်များ

Hechos 1:5

Isopäi'ünä̧ Ju̧a̧-mä̧ ajiyanä̧tä̧ bautizo jȩpi̧nü̧, ja̧'wa̧nü̧ ja̧'a̧nä̧ a̧'u̧kua̧'a̧tä̧ mo̧ro̧ o'ka'a ukutumä̧ Epíritu Sa̧tu̧nä̧ bautizo jȩä̧kuä̧u̧jä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

Hechos 20:16

Ja̧'wa̧nü̧ 'chi̧nä̧tü̧jä̧, Pauru-mä̧ Jerusarȩ́-nä̧ Pentecostés pä'käri kka̧'a̧ i̧'chi̧'a̧ pä'ü amükuäda ja̧'a̧, Éfeso-mä̧ 'kuä'o'ütä, Asia rȩjȩttü̧ rekuo päi'ü'anü̧ ji̧yä̧ku̧.

Hechos 4:24

Ja̧'wa̧nü̧ ja̧'a̧ jua̧u̧ ä̧ju̧kuo̧po̧'ü̧mä̧ o'katoi'ünä̧ yo̧mȩtȩnä̧ Dio-rü ukuokuinä̧tü̧, pa̧'a̧nü̧: Tü̧ä̧nä̧wa̧ Dio u̧wä̧mȩnä̧ wa̧jä̧, mo̧ro̧jä̧'i̧nä̧ pi̧jä̧'i̧nä̧, rü̧ä̧ dubora'i̧nä̧ jua̧u̧nä̧ kka̧ku̧'i̧nä̧ o'kajuiyünä̧ aditinü̧jä̧;

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 4:32

Jesucrito-rü esetätü rekuätü o'katoi'ünä̧ ji̧yȩtȩnä̧tä̧ amükuädinä̧tü̧ ja̧'wa̧ta̧nü̧ ji̧yȩtȩnä̧tä̧ a̧'kua̧ri̧nä̧tü̧. Yotüte ttu̧ju̧nä̧rü̧, ttütä chiäre pättümä̧ juiyina̧'a̧, o'katoi'ünä̧ ttiäre jü̧nä̧tä̧ ji̧na̧'a̧.

Hechos 5:12

Apótore-mä̧ rü̧ȩnä̧ ttü̧ja̧ jȩtto̧kü̧ ja̧jü̧ juei jȩpi̧nä̧tü̧ ttü̧ja̧ ttü̧ja̧kuo̧mȩttü̧; o'katoi'ünä̧ Saromón aditino̧mȩ äpatenä̧ ka̧ka̧kui̧nä̧tü̧.

Romanos 15:6

ja̧'wa̧nü̧ jo̧mȩnä̧ o'katoi'ünä̧tä̧, ji̧nä̧ ji̧yȩtȩ kui̧wȩnȩnä̧tä̧ Dio-rü kueseäkuäwätukunä̧, Tu̧ru̧wa̧ Jesucrito jä'orü.

1 Corintios 16:8

Ja̧'wa̧nü̧ ja̧'a̧nä̧ Éfeso ütawiyänä̧tä̧ chü̧jä̧kua̧sä̧ pentecostés mo̧ro̧bü päi'ünä̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Filipenses 2:2

Cheseunä̧ kka̧kuä̧tu̧kui̧, o'katoi'ünä̧ ji̧yȩtȩnä̧tä̧ repe'äkuäu'i̧nä̧, eseäkuäu'i̧nä̧, ji̧nä̧ ji̧yȩtȩnä̧tä̧ amükuädü jȩpä̧tu̧kui̧. Ja̧'wa̧nü̧ jȩ'kuä̧tu̧kua̧'a̧ topü chesewä̧kua̧sä̧. Rekuä rü̧jü̧mä̧ ji̧nä̧ ji̧yȩtȩnä̧tä̧ ppä'ädäkuäu kka̧kuä̧tu̧kui̧.