Hechos 17:4 - Nuevo Testamento Uwotjüja

⁴ Ja̧'wa̧nü̧ jo̧mȩnä̧, Pauru-ku, Sira-ku jittäwa'a esetü, judío'i̧nä̧ yotukunä̧ juätütäku ppä'ächi'inä̧tü̧; ja̧'wa̧ta̧nü̧ griegos'i̧nä̧, nä̧tü̧ ukuo isotü'i̧nä̧ rekuätü Jesucrito-rü esetinä̧tü̧.

TÄ̧DO Ä̧CUÄ̧ I̧HUȨNȨ

⁴ Yotöte judíos ttö̧ja̧ttö̧ Pablo jiähuäjimä esetinätödo. Pablocu, Silascu ji̧nä̧ yo̧mȩtȩ ca̧ca̧cui̧pi̧nä̧tö̧do. Recuätö judíos huocotö Diosrö amöcuädätö'inä, nä̧tö̧ ucuotäcuähuotö'inä Jesucristorö esetinätödo.

Hechos 17:4 ပူးပေါင်းရင်းမြစ်များ

San Juan 7:35

Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

Hechos 13:43

Ttü̧ja̧rü̧ we'ü ttikuäji o'ka'a, rekuätü judío'i̧nä̧, judío pokotü'i̧nä̧ Pauru-ku, Bernawé-ku 'chi̧nä̧tü̧. Ja̧'wa̧nü̧ ja̧'a̧ juätürü ro̧'ȩpi̧nä̧tü̧, 'kuättächi'oka'a Dio re ü̧jü̧ jäwä ttesetäjinä̧ tti̧'cha̧ pä'ü.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 14:4

Ja̧'wa̧nü̧ jo̧mȩnä̧, Iconio ttü̧ja̧mä̧ ttieruwünä̧ ji̧nä̧u̧, ju'totümä̧ judío-rü ttesekua'anä̧, kkorotütä Pauru-rü, Bernawé-rü esekuinä̧tü̧.

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

Hechos 15:27

Ja̧'wa̧nü̧ ja̧'a̧ttü̧ wȩtä̧u̧jä̧, Juda-rü'i̧nä̧, Sira-rü'i̧nä̧, jü̧nä̧: Juätütä jä̧kua̧'a̧, ukuturu pi̧yȩ tü'kü jittäwäkuotümä̧.

Hechos 15:32

Ja̧'wa̧ta̧nü̧ Juda-mä̧, Sira-ku, profetas wotü ja̧'a̧, Jesucrito-rü esetätürü rü̧ȩnä̧ ji'äwinä̧tü̧ tteseäkuäwünä̧.

Hechos 15:40

Ja̧'wa̧nü̧ ja̧'a̧nä̧ Pauru-mä̧, Sira-rütä o'ipü 'chi̧nü̧, Jesucrito-rü esetätü, Dio-rü ttukuokuäji o'ka'a.

Hechos 16:3

Pauru-mä̧, Timoteo-rü oipa pä'ü amükuädinü̧ ja̧'wa̧nü̧ ja̧'a̧nä̧ ä̧kuo̧mȩnä̧mä̧ circuncisión jȩtta̧rü̧ pä'ü weinä̧ku̧, juȩnȩ kka̧kuä̧tü̧ Judío suronä̧ tta̧mü̧kuädü juiya pä'ü. Jua'amä̧ Timoteo, jä'omä̧ Grecia ttü̧ja̧sa̧ pä'ü ttü̧wo̧jui̧yä̧ku̧ jȩpi̧nü̧.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

Hechos 17:12

Ja̧'wa̧nü̧ ja̧'a̧ttü̧, juätüttümä̧ rekuätü Jesucrito-rü esetinä̧tü̧, Grecia ttü̧ja̧ nä̧tü̧ ukuo isotü'i̧nä̧, u̧mä̧tü̧'i̧nä̧, jü̧nä̧.

Hechos 17:14

Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.

Hechos 17:17

Ja̧'wa̧nü̧ ji̧yä̧ku̧ judío-ku'i̧nä̧, Dio-rü esetätuku'i̧nä̧ sinagoga-ttü ukuokuinü̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ka̧ka̧kuä̧tü̧rü̧ mo̧ro̧ ji̧nü̧'a̧kuä̧ ukuokuinü̧.

Hechos 17:34

Ja̧'wa̧nü̧ ja̧'a̧nä̧, kkorotümä̧ Pauru-ku ppä'ächi'ü esetinä̧tü̧; juätükumä̧ Areópago jäwänä̧ wotü i̧sa̧ Dionisio'i̧nä̧, isaju Dámari pättäkua'i̧nä̧, kkorotü'i̧nä̧ ji̧na̧'a̧.

Hechos 18:4

Ja̧'wa̧nü̧ ja̧'a̧, sawaru mo̧ro̧ jü̧ta̧'a̧nü̧ Pauru-mä̧ sinagoga isodenä̧ ji'äwinü̧, judío'i̧nä̧, griegos'i̧nä̧ esetä'chü ttikunä̧.

Hechos 19:10

Ja̧'wa̧nü̧ ji'äwinü̧ todäre años jo̧mȩnä̧ ja̧'wa̧nü̧ ja̧'a̧ttü̧ Asia rȩjȩnä̧ kka̧kuä̧tü̧mä̧ o'katoi'ünä̧ ä̧ju̧kui̧nä̧tü̧, judío-ttü'i̧nä̧, judío pokotüttü'i̧nä̧, griego-ttü'i̧nä̧, jü̧nä̧, Tu̧ru̧wa̧ Jesú i̧wȩnȩmä̧.

Hechos 2:44

O'katoi'ünä̧ Jesú-ru esetätümä̧ ji̧nä̧ ji̧yȩtȩnä̧ kka̧kui̧nä̧tü̧ ja̧'wa̧ta̧nü̧ rekuä rü̧jü̧'i̧nä̧ ji̧nä̧ ji̧yȩtȩnä̧tä̧ ppä'ädäkuäwinä̧tü̧.

Hechos 21:28

wopinä̧tü̧: «¡Irae ttü̧ja̧, ppä'ädätukuitü! ¡pide ja̧'a̧ ujutu jäwä'i̧nä̧, weäwä wȩnȩ'i̧nä̧, ja̧'wa̧ta̧nü̧ tü̧jo̧mȩ'i̧nä̧ to'ija̧'a̧ku̧ ji'äu wo̧juȩtä̧'i̧jü̧mä̧. Ja̧'wa̧ta̧nü̧ jitämä̧ yotüte Griego-rü'i̧nä̧ do'ädäji Dio-rü ukuokuäkuäwode surojuoächünä̧!»

Hechos 28:24

Pauru jiäu wȩnȩmä̧ yotukunä̧tä̧ tteseta'anä̧, kkorotümä̧ esetokotü pinä̧tü̧.

Hechos 4:23

Ja̧'wa̧nü̧ ja̧'a̧ jua'attü rä'epü tti̧kuä̧jä̧u̧mä̧ jitütäku esetä'ijätü ttü̧ja̧kua̧'a̧ku̧ ichi'opo'ü ji'äwinä̧tü̧ sacerdote tturuwotü pättäji'i̧nä̧, ukuo isotü pättäji'i̧nä̧, jü̧nä̧.

2 Corintios 8:5

Ujutu ta̧mü̧kuädinomȩttü̧'i̧nä̧ abonä̧nü̧ iyinä̧tü̧, ä̧kuo̧mȩnä̧mä̧ Ttu̧ru̧wa̧rü̧ iyäunü̧ jȩpi̧nä̧tü̧, juȩnȩ o'komȩnä̧mä̧ ujuturu ppä'ädinä̧tü̧. Ja̧'wa̧nü̧ jȩtto̧mȩnä̧mä̧ Dio-rü pä̧wä̧rü̧jo̧mȩnä̧tä̧ jȩpi̧nä̧tü̧.