Hechos 17:2 - Nuevo Testamento Uwotjüja

² Pauru-mä̧ aditä'ijü'a̧kuä̧, wäbodäkuä sawaru mo̧ro̧ jo̧mȩnä̧, juätü ttiäre sinagoga isodenä̧ 'chä̧nü̧ ukuokuinü̧ Dio i̧wȩnȩ wȩyu̧kuä̧mä̧.

TÄ̧DO Ä̧CUÄ̧ I̧HUȨNȨ

² Pablo judíos ttu̧huo̧jui̧'i̧nodenä doächä'ijö ta'anö, juhuorö'inä do'ächinödo. Huäbodäcuä mo̧ro̧ ttö̧ja̧ 'cuättächi'ö mo̧ro̧ Dios i̧huȩnȩ Huȩyu̧cuä̧ Huȩnȩttö̧ rä'epö ucuocuinödo jahuätörö.

Hechos 17:2 ပူးပေါင်းရင်းမြစ်များ

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

San Lucas 4:16

Ja̧'wa̧nü̧ jä̧ji̧ o'ka'a Jesú-mä̧ büó juoinomȩ Nazare ütawiyäku ichinü̧. Kko̧ro̧nü̧ jä̧'i̧jü̧ta̧'a̧nü̧ sawaru mo̧ro̧ päi'omȩnä̧ sinagoga isodenä̧ do'ächi'äji̧'ka̧ wȩyu̧kuä̧ wȩnȩ ukuokua pä'ü ä̧rä̧mi̧'i̧nü̧.

San Juan 18:20

Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

Hechos 13:14

Ja̧'wa̧nü̧ ja̧'a̧nä̧, Perge-ttü 'kuä'o'ü Antioquía ütawiyänä̧ pisidia rȩjȩnä̧ rȩbȩä̧kuä̧wi̧nä̧tü̧; ja̧'wa̧nü̧ jä̧ja̧'a̧mä̧, sawaru mo̧ro̧ sinagoga isodenä̧ dodepipü pȩjä̧mi̧nä̧tü̧.

Hechos 13:5

Salamina ütawiyä ttawaränä̧ rȩbȩä̧kuä̧wi̧'ü̧, judío ttiäre sinagogas odewiyättü Dio i̧wȩnȩ ji'äwinä̧tü̧. Ja̧'wa̧ta̧nü̧ Ju̧a̧-rü̧mä̧ ppä̧dä̧ra̧ pä'ütä ottipinä̧ku̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

Hechos 17:17

Ja̧'wa̧nü̧ ji̧yä̧ku̧ judío-ku'i̧nä̧, Dio-rü esetätuku'i̧nä̧ sinagoga-ttü ukuokuinü̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ka̧ka̧kuä̧tü̧rü̧ mo̧ro̧ ji̧nü̧'a̧kuä̧ ukuokuinü̧.

Hechos 18:4

Ja̧'wa̧nü̧ ja̧'a̧, sawaru mo̧ro̧ jü̧ta̧'a̧nü̧ Pauru-mä̧ sinagoga isodenä̧ ji'äwinü̧, judío'i̧nä̧, griegos'i̧nä̧ esetä'chü ttikunä̧.

Hechos 19:8

Ja̧'wa̧nü̧ ja̧'a̧, juorümä̧ sinagoga-nä̧ do'ächärü, yekuäkuäwä juiyünä̧, kkä̧wa̧tü̧ wä̧mȩtukuä jo̧mȩnä̧ ji'äwinü̧, esetü ttikuä'chünä̧, ru̧wa̧ Dio weü wȩnȩ.

Hechos 24:25

Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 8:35

Ja̧'wa̧nü̧ ja̧'a̧ Felipe-mä̧, juȩnȩ wȩyu̧kua̧'a̧ ukuokuäjämȩttü̧tä̧ kkä̧mä̧dü̧, Jesú jäwä jareünä̧ wȩnȩ jiäwinä̧ku̧.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;