Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hechos 15:9 - Nuevo Testamento Uwotjüja

9 ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

အခန်းကိုကြည့်ပါ။ ကော်ပီ

TÄ̧DO Ä̧CUÄ̧ I̧HUȨNȨ

9 Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

အခန်းကိုကြည့်ပါ။ ကော်ပီ




Hechos 15:9
24 ပူးပေါင်းရင်းမြစ်များ  

Pä'äjita'anü̧ rä̧mi̧pi̧nä̧ku̧: «Dio tükü ikuinü̧mä̧, ukumä̧ surojü pä'ümä̧ okuä,» jü̧nä̧.


Juätürü Peduru-mä̧ pä'inü̧: —Ukutumä̧ wo̧juä̧tü̧jä̧ judío wa̧, judío pokotüku esekua pä'ümä̧, weäwi'o̧ko̧u̧ pä'ü. Ja̧'wa̧nü̧ ja̧'a̧nä̧ Dio-mä̧ i̧jȩpä̧jä̧ku̧sä̧, ttü̧ja̧sa̧rü̧mä̧ ya̧tȩrü̧'i̧nä̧, su̧ro̧pa̧ pä'ümä̧ okuä pä'ü.


Ja̧'wa̧nü̧ ukuokuiyäku, Peduru-mä̧ pä'inü̧: —Jitämä̧ isopäi'ünä̧ wo̧jui̧'ü̧sä̧, Dio-mä̧ yotüterütämä̧ esewokü pä'ü,


Ja̧'wa̧nü̧ ja̧'a̧ Epíritu Sa̧tu̧mä̧, kuarodoka'a juätütäku täi päinä̧ku̧sä̧. Ja̧'wa̧ta̧nü̧, pitü kko̧ro̧mü̧ttü̧nü̧ ya̧tȩ wotü esetätuku 'chä̧ji̧'ka̧, ya̧tȩ ojusodenä̧ dodepinä̧tü̧jä̧,


Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.


Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.


O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,


¿Ja̧'wa̧nü̧ ja̧'a̧ttü̧, ujutu judío-mä̧ juätüttü'i̧nä̧ abonä̧nü̧ adiwä isotü jü̧nä̧ wotüjä̧ tä̧jí̧? ja̧'wa̧nü̧mä̧ wokotüjä̧, täkü ji'äwäjätüjä̧ judío'i̧nä̧, judío pokotü'i̧nä̧, o'katoi'ünä̧ surojü kkȩdä̧rä̧u̧jä̧ pä'ü.


Ja̧'wa̧nü̧ ja̧'a̧ttü̧ woinä̧u̧jä̧ Dio-mä̧ suro, judío ttütämä̧kü̧ ja̧'wa̧ta̧nü̧ judío pokotürü'i̧nä̧, jü̧nä̧.


¿Ya̧tȩ, circuncisión pättü jȩpä̧kuä̧wa̧rü̧ Dio woina̧'a̧ jü̧ttü̧mä̧? Circuncisión jȩpä̧kuä̧wa̧tä̧ kkä̧wi̧. ¿Ja̧'wa̧ta̧nü̧ circuncisión jȩpä̧kuä̧wo̧kü̧rü̧ woina̧'a̧ jü̧ttü̧mä̧? Circuncisión pättü jȩ'kuä̧kuä̧wo̧ka̧'a̧tä̧ kkä̧wi̧.


Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.


Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.


Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.


Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.


Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ