Hechos 15:3 - Nuevo Testamento Uwotjüja

³ Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 15:3 ပူးပေါင်းရင်းမြစ်များ

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Hechos 13:52

Ja̧'wa̧nü̧ ja̧'a̧nä̧ Jesucrito-rü esetätümä̧ jo̧mȩnü̧ eseäkuäwinä̧tü̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ winä̧tü̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Hechos 15:1

Ja̧'wa̧nü̧ ja̧'a̧ Judea rȩjȩttü̧ Antioquía ütawiyära̧'a̧ 'chä̧jä̧tü̧mä̧, Jesucrito-rü esetäjätürü wo̧juȩti̧nä̧tü̧: Moisé weinüta'anü̧ circuncisión jȩ'kuä̧kuä̧wä̧tu̧ku̧ juiyüttümä̧, surojüttümä̧ kki̧'o̧ko̧tü̧jä̧ pä'ü.

Hechos 15:12

Ja̧'wa̧nü̧ ukuokuomȩnä̧ o'katoi'ünä̧tä̧ 'koruchi'äjä'kotü ä̧ju̧kuä̧ri̧nä̧tü̧. Ja̧'wa̧ta̧nü̧ Pauru-mä̧, Bernawé-ku ukuokuinä̧tü̧ judío pokotü ttü̧'kä̧tȩttü̧ Dio jȩi̧nü̧ wȩnȩ, juätürü.

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

Hechos 15:32

Ja̧'wa̧ta̧nü̧ Juda-mä̧, Sira-ku, profetas wotü ja̧'a̧, Jesucrito-rü esetätürü rü̧ȩnä̧ ji'äwinä̧tü̧ tteseäkuäwünä̧.

Hechos 15:4

Ja̧'wa̧nü̧ ja̧'a̧ Pauru-mä̧, Bernawé-ku Jerusarȩ́-nä̧ tti̧rȩbȩä̧kuä̧wi̧'ä̧ja̧'a̧, igresia wotümä̧, apótore'i̧nä̧, a̧ci̧a̧nu̧tu̧'i̧nä̧ dottädinä̧u̧. Ja̧'wa̧nü̧ ja̧'a̧ ji'äwinä̧tü̧, jitünä̧tä̧ Dio jȩä̧ji̧mä̧ o'kajuiyünä̧tä̧.

Hechos 17:15

Ja̧'wa̧nü̧ ja̧'a̧ Pauru-rü o'ipäjätümä̧, chutäku 'chi̧nä̧tü̧ Atenas ütawiyäbü. Ja̧'wa̧nü̧ jä̧ja̧'a̧ juätürütä Pauru-mä̧ we'inü̧, kka̧kui̧pä̧jä̧tü̧mä̧ Sira'i̧nä̧, Timoteo'i̧nä̧ jurunä̧nü̧ juȩnȩtä̧ ttü̧ka̧ka̧kui̧'a̧ pä'ü.

Hechos 20:38

Rü̧ȩnä̧ tta̧'kua̧ tta̧'ȩkui̧nä̧tü̧, jua'amä̧ täkü to'kuätukuokokusä päjiyä̧u̧. Woi'kabü päi'ünä̧ jui'ädü tti̧wi̧nä̧ku̧.

Hechos 21:5

Ja̧'wa̧nü̧ ja̧'a̧, jua̧u̧ mo̧ro̧ 'kuäopäji o'ka'a, jua̧u̧ ütawiyättü rä'opinä̧tü̧jä̧ o'katoi'ünä̧, ppo̧'ä̧tü̧'i̧nä̧, nä̧tü̧'i̧nä̧, jü̧nä̧. Ja̧'wa̧nü̧ jä̧ja̧'a̧ rȩba̧ttü̧ tiwe'kiyunä̧ kkä̧mä̧dü̧ Dio-rü ukuokuinä̧tü̧jä̧.

Hechos 28:15

Roma ütawiyä isotü tawaruwä tü̧jä̧wa̧tü̧mä̧ ticha'a ukuowa'a ttäju̧kuä̧ja̧'a̧ttü̧ topü tti̧chi̧nä̧u̧jä̧ Foro de Apio pättomȩbü ja̧'wa̧ta̧nü̧ Tres Tabernas mi̧kuomȩbü. Juätürü topü, Pauru-mä̧ Dio-rü eseunu̧ a̧'kua̧ adiwächi'inä̧ku̧.

Hechos 8:14

Ja̧'wa̧nü̧ ja̧'a̧, apótore-mä̧ Jerusarȩ́-nä̧ ttü̧ja̧kua̧'a̧ ja̧'a̧, Samaria ttü̧ja̧'i̧nä̧ Dio i̧wȩnȩ esetäjätüdo pätta'a ä̧ju̧ku̧, Peduru-rü'i̧nä̧, Ju̧a̧-rü̧'i̧nä̧ jua'a we'inä̧tü̧;

Romanos 15:24

Epaña-ra̧'a̧ chi̧'cho̧mȩnä̧, ukuturu'i̧nä̧ do'ächi'ü 'kuädopa pä'üsä juiyo rekuomä̧ chü̧jo̧ka̧'a̧nä̧. Ukutuku cheseu o'ka'a, jua'a yaboku ppäkuädätukua'anä̧ chi̧'chä̧kua̧'a̧nü̧.

1 Corintios 16:11

Ja̧'wa̧nü̧ ja̧'a̧ttü̧ ja̧'a̧tä̧mä̧ to'kuätukuärü, adiutä wȩnȩ juiyünä̧ ppä'ädätukuirü, ttürü topü icha'amä̧, pa̧nä̧ttü̧mä̧ chawaruwä chi̧jä̧wa̧tu̧ku̧ tta̧tä̧rä̧ku̧.

1 Corintios 16:6

Ukututäku'i̧nä̧ chü̧ji̧pä̧kua̧sä̧ 'kua̧ra̧'a̧, a̧'ȩmä̧ juȩnȩtä̧ 'kuädopa pä'ü; ja̧'wa̧nü̧ jü̧ttü̧mä̧ adiwäkua'a chi̧'cha̧'a̧ ppäkuädätukuattü pä'ü.

2 Corintios 1:16

juorü kkä̧nü̧mä̧, Macedonia rȩjȩra̧'a̧ i̧wo̧po̧'ü̧ i̧wi̧pü̧'ka̧, ukutu ku̧jä̧tu̧kuo̧mȩnä̧ pä'äjita'anü̧ 'kuädopa pä'ü, Judea rȩjȩra̧'a̧ chi̧'cho̧mȩmä̧ ukututä ppäkuädätukuattü pä'ü.

Tito 3:13

O'kajuiyünä̧ jȩ'ku̧'a̧nü̧ jü̧mä̧ abogado Zena-rü̧'i̧nä̧, Apororü'i̧nä̧ ppä'ädi, tti̧'cho̧mȩnä̧ rekuä rü̧jü̧ juiyäkua'anü̧, juätürü rekuä rü̧jü̧ iyü ppä'ädi.