Hechos 13:6 - Nuevo Testamento Uwotjüja

⁶ Juä̧sa̧ kkä'ko i̧sä̧sa̧ jä̧ttä̧ji̧yä̧sa̧ 'kuä'o'ü Pafora̧'a̧ rȩbȩä̧kuä̧wi̧'i̧nä̧tü̧, juorü topinä̧tü̧ Barjesús pättäku, judío i̧sa̧ ja̧'a̧nä̧ märirü, ya̧pa̧rȩwa̧ profeta-rü.

TÄ̧DO Ä̧CUÄ̧ I̧HUȨNȨ

⁶ Kä'co i̧sä̧sa̧nä̧ ka̧cuä̧tö̧rö̧ ji'ähuäyotö 'cuä'opinätödo Pafos ötahuiyä jubö. Juhua'attö ya̧tȩ judíos ttö̧ja̧ i̧sa̧ Barjesús pä'ö mi̧cua̧rö̧ po̧cui̧pi̧nä̧tö̧do. Ja̧u̧mä̧ yuhuähuä märi pi̧nö̧do. Dios i̧huȩnȩ jiäcuähuä i̧sa̧sä̧ päa'anä, yapareu ucuocuinödo.

Hechos 13:6 ပူးပေါင်းရင်းမြစ်များ

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 7:15

Profeta-tü̧ 'kua̧rü̧nä̧ jȩpä̧tü̧rü̧ tta̧'a̧rä̧kuä̧wä̧tu̧kui̧, oweja-tü̧ 'kua̧rü̧nä̧ 'ka̧tä̧wi̧'ü̧ ku̧jä̧tu̧kua̧'a̧ku̧ ichätürü, juätümä̧ jakuänä̧mä̧ ä̧wi̧ri̧tü̧ pä̧i̧kuä̧tü̧tä̧ wotü.

San Marcos 10:46

Ja̧'wa̧ta̧nü̧ Jericó ütawiyära̧'a̧ ichi'inä̧tü̧. Ichi'ä'kotü Jerico-ttü Jesú u̧wo̧juȩtä̧u̧ku, ttü̧ja̧ rekuätüku räopächomȩnä̧, ya̧tȩ ä̧to̧ka̧, Timeo i̧tti̧, Bartimeo pä'ü mi̧kua̧, mä̧nä̧ jäyä jä̧'ȩpä̧rü̧ pi̧nü̧.

Hechos 13:13

Pauru-mä̧ awaruwäku Pafo-ttü pä̧mä̧dä̧jä̧'kotümä̧, Perge pä'ü mi̧kuomȩ, Panfilia rȩjȩra̧'a̧ rȩbȩä̧kuä̧wi̧'i̧nä̧tü̧; ja̧'wa̧nü̧ ja̧'a̧nä̧ Ju̧a̧-mä̧ juätü ttü̧ja̧kui̧'a̧'a̧nä̧ Jerusarȩ́-ra̧'a̧ ppa̧'ä̧chä̧chi̧nü̧.

Hechos 13:8

Ja̧'wa̧nü̧ ja̧'a̧nä̧ jua̧u̧ märimä̧, griego wȩnȩnä̧mä̧ Elima pättäku ja̧'a̧, ru̧wa̧ gobernado-rü Dio-rü esetü juiyünä̧ jȩpi̧nü̧.

2 Corintios 11:13

Isopäi'ünä̧ juätümä̧ yaparewätü, ujutumä̧ apótore-jä̧, Crito we'äwotüjä̧ pätta'anä̧; apótore 'kua̧rü̧nä̧tä̧ 'ka̧tä̧wi̧'ä̧tü̧.

2 Timoteo 3:8

Ja̧'wa̧ta̧nü̧ Janes'i̧nä̧, Jambré'i̧nä̧ Moisé-rü ttukuotoka'a jȩtti̧nü̧ta̧'a̧nü̧, juätü ttü̧ja̧mä̧ isopäi'ünä̧ wȩnȩmä̧ ukuotokotü. Juätü tta̧mü̧kuädümä̧ surojuoekuätä ja̧'a̧ttü̧ Dio-rü tta̧'kua̧ wȩnä̧rä̧kuä̧wä̧mä̧ wo̧jui̧'o̧ko̧tü̧ pinä̧tü̧.

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.