Hechos 13:5 - Nuevo Testamento Uwotjüja

⁵ Salamina ütawiyä ttawaränä̧ rȩbȩä̧kuä̧wi̧'ü̧, judío ttiäre sinagogas odewiyättü Dio i̧wȩnȩ ji'äwinä̧tü̧. Ja̧'wa̧ta̧nü̧ Ju̧a̧-rü̧mä̧ ppä̧dä̧ra̧ pä'ütä ottipinä̧ku̧.

TÄ̧DO Ä̧CUÄ̧ I̧HUȨNȨ

⁵ Huoi'ca huämicuome 'chä̧hui̧'ö̧, Salamina ötahuiyänä Dios i̧huȩnȩ ji'ähuinätödo judíos ttu̧huo̧jui̧'i̧nodehuiyänä. Juan'inä jahuätöcu 'chi̧nö̧do ppäda pä'ö.

Hechos 13:5 ပူးပေါင်းရင်းမြစ်များ

San Mateo 20:26

Ja̧'wa̧nü̧ ja̧'a̧nä̧, ukuturumä̧ ja̧'wa̧nü̧ jo̧ka̧'a̧ jä̧kua̧'a̧. Isopäi'ünä̧, ya̧tȩ ukuo i̧sa̧ ü̧ja̧ päüttümä̧, ku̧mü̧wä̧ya̧tu̧ku̧ jä̧kua̧.

Hechos 12:12

Ja̧'wa̧nü̧ jä̧ku̧mä̧, Peduru-mä̧, Ju̧a̧ ja̧ju̧ kkojusodera̧'a̧tä̧ 'chi̧nü̧, ja̧'a̧tä̧ i̧mi̧mä̧ Maruku pättä'ijäku, juodenä̧ rekuätü ka̧ka̧kuä̧jä̧'kotü Dio-rü ukuoku pȩji̧nä̧tü̧.

Hechos 12:25

Ja̧'wa̧nü̧ ja̧'a̧ Bernawé'i̧nä̧, Sauro'i̧nä̧ aditäjä'kotü Jerusarȩ́-ttü̧ kä'ädäkuäwipü, Antioquía-ra̧'a̧ku̧ ppa̧'ä̧chä̧chi̧nä̧tü̧. Ju̧a̧-rü̧ ȩmi̧pinä̧tü̧, Maruku pä'ü ottinä̧ku̧ru̧.

Hechos 13:14

Ja̧'wa̧nü̧ ja̧'a̧nä̧, Perge-ttü 'kuä'o'ü Antioquía ütawiyänä̧ pisidia rȩjȩnä̧ rȩbȩä̧kuä̧wi̧nä̧tü̧; ja̧'wa̧nü̧ jä̧ja̧'a̧mä̧, sawaru mo̧ro̧ sinagoga isodenä̧ dodepipü pȩjä̧mi̧nä̧tü̧.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 14:1

Ja̧'wa̧nü̧ ja̧'a̧ Iconio ütawiyättümä̧, Pauru-mä̧, Bernawé-ku ji̧nä̧ yo̧mȩtȩnä̧ dodepinä̧tü̧ judío ttiärode sinagoga isodenä̧. Ja̧'wa̧nü̧ dodepü jittäwomȩnä̧ rekuätü esetinä̧tü̧ judío'i̧nä̧ ja̧'wa̧ta̧nü̧ judío pokotü'i̧nä̧, jü̧nä̧.

Hechos 15:37

Päku, Bernawé-mä̧, Ju̧a̧ ja̧'a̧nä̧ Maruku pättäkuru oipa pä'inü̧;

Hechos 17:17

Ja̧'wa̧nü̧ ji̧yä̧ku̧ judío-ku'i̧nä̧, Dio-rü esetätuku'i̧nä̧ sinagoga-ttü ukuokuinü̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ka̧ka̧kuä̧tü̧rü̧ mo̧ro̧ ji̧nü̧'a̧kuä̧ ukuokuinü̧.

Hechos 18:4

Ja̧'wa̧nü̧ ja̧'a̧, sawaru mo̧ro̧ jü̧ta̧'a̧nü̧ Pauru-mä̧ sinagoga isodenä̧ ji'äwinü̧, judío'i̧nä̧, griegos'i̧nä̧ esetä'chü ttikunä̧.

Hechos 19:22

Ja̧'wa̧nü̧ pä'ü Macedonia rȩjȩra̧'a̧ we'inü̧, churutä ppä'ädä̧rä̧'i̧jä̧tü̧ ta̧ju̧ru̧, Timoteo-rü'i̧nä̧, Erasto-rü'i̧nä̧, jü̧nä̧, chutämä̧ ji̧nä̧ a̧'u̧ku̧nä̧ mo̧ro̧, Asia-nä̧ ü̧ji̧pa̧'a̧nä̧.

Hechos 19:29

Ja̧'wa̧nü̧ päi'omȩnä̧, ütawiyämä̧ juo'eku ra̧wä̧ri̧pi̧nä̧tü̧. Ja̧'wa̧nü̧ 'kuäopa'anä̧, kkorotümä̧ Pauru awäruwä Macedonia-ra̧'a̧ttü̧ ichäjätü, Gayo-rü'i̧nä̧, Aritarco-rü'i̧nä̧, 'chu'ädü do'inä̧tü̧ teatro pättomȩku̧.

Hechos 19:8

Ja̧'wa̧nü̧ ja̧'a̧, juorümä̧ sinagoga-nä̧ do'ächärü, yekuäkuäwä juiyünä̧, kkä̧wa̧tü̧ wä̧mȩtukuä jo̧mȩnä̧ ji'äwinü̧, esetü ttikuä'chünä̧, ru̧wa̧ Dio weü wȩnȩ.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Colosenses 4:10

Ttütäku kärenä̧ pü̧ Aritarco'i̧nä̧ teäwä̧u̧jä̧. Ja̧'wa̧ta̧nü̧ Bernawé, a̧wa̧ru̧wa̧ Maruku'i̧nä̧ teäwä̧u̧jä̧. Jua̧u̧ ütü'kümä̧ wedinä̧u̧jä̧, do'ächü ichüttümä̧ adiutä ppä'ädätukuirü.

2 Timoteo 4:11

Ya̧tȩtä̧ Ruka-tä ja̧'a̧ ttüku kki̧'i̧nü̧mä̧. Maruku-rümä̧ ukutäku icha o'ipächü ichirü, isopäi'ünä̧ jua̧u̧mä̧ chaditäwä aditü rü̧ä̧nä̧ ppädü'anü̧ wa̧sä̧.