Hechos 13:2 - Nuevo Testamento Uwotjüja

² Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

TÄ̧DO Ä̧CUÄ̧ I̧HUȨNȨ

² Ttu̧cuȩ a̧do̧chö̧ Diosrö ucuocuinätödo. Espíritu Santo jahuätörö pä'inödo: —'Quȩ'ȩpö̧ ȩmä̧tu̧cui̧ Bernabérö'inä, Saulorö'inä. Jahuätörö täcö pätetö hue'äjisä ttadita pä'ö.

Hechos 13:2 ပူးပေါင်းရင်းမြစ်များ

San Mateo 17:21

Ja̧'wa̧nü̧ ja̧'a̧nä̧ epíritu su̧ro̧pa̧mä̧, suró ttu̧kuȩ a̧do̧chü̧ Dio-rü ukuokuäkuäwänä̧tä̧ rä'opächü.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 9:38

Ja̧'wa̧nü̧ ja̧'a̧ttü̧ u̧wä̧ju̧ jo̧mȩnü̧ jü̧ u̧ru̧wa̧rü̧ jä'epätukui, ka̧ka̧kuä̧ isotürü ttü̧ka̧ka̧ta̧ pä'ü weäkua'anü̧.

San Lucas 10:1

Jua̧u̧ jä̧ji̧ o'ka'a, Tu̧ru̧wa̧mä̧ kkorotü setenta-nü̧ wotürü pojopü we'inü̧, chutä i̧'chä̧kuo̧mȩ pünä̧mä̧ o'kajuiyünä̧, ä'kanä̧ ta̧ju̧pü̧nä̧ tti̧'chi̧ya̧rü̧ pä'ü.

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

Hechos 10:19

Ja̧'wa̧nü̧ ja̧'a̧, Peduru-mä̧ ji̧nä̧ toäji jä̧jí̧ amükuäda'anä̧, Epíritu Sa̧tu̧mä̧ päinä̧ku̧: «Topittü̧, wä̧mȩtukuä ttusäkujä̧.

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

Hechos 13:3

Ja̧'wa̧nü̧ ja̧'a̧ttü̧, Dio-rü ttukuokuäji'i̧nä̧, ttu̧kuȩ tta̧do̧chä̧ji̧'i̧nä̧ kä'ädäkuäumä̧; ttu̧mü̧ mȩ'ü̧ Dio-rü ukuoku we'ü tti̧kui̧nä̧u̧.

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 14:26

Juorü rä'opächümä̧ woi'kanä̧ kkäu 'chi̧nä̧tü̧, Antioquía ütawiyära̧'a̧ku̧, Siria rȩjȩra̧'a̧ku̧. Ä̧kuo̧mȩnä̧ Dio re ü̧jü̧ wȩnȩ jittäwa pä'ü ttü̧ja̧kuä̧mi̧no̧mȩku.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Hechos 22:21

Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

Hechos 6:4

Ujutumä̧ Dio-rü yabonü̧ ukuokuätüjä̧ ja̧'wa̧ta̧nü̧ Dio i̧wȩnȩ ji'äwätüjä̧.

Hechos 8:29

Ja̧'wa̧nü̧ ja̧'a̧ Epíritumä̧ Felipe-rü pä'inü̧: «Jikäja karukä tü'küku pä'i'i.»

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

Romanos 10:15

¿Ja̧'wa̧ta̧nü̧ toku jittäwäkua'a̧jä̧ttü̧, we'ätü toa'anä̧mä̧? wȩyu̧kuä̧ wȩnȩ pä'a: ¡Juiyo adiwa'a adiwä juei jareü wȩnȩ i'kächätürümä̧!

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

1 Corintios 12:11

Ja̧'wa̧nü̧ ja̧'a̧ttü̧, pi̧yȩmä̧ o'kajuiyünä̧tä̧ Epíritu, ya̧tȩtä̧ yotüku pünä̧rü̧ iyä'chü jȩpü̧, Churutä pä̧wä̧rü̧jo̧mȩnä̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.

2 Corintios 6:5

kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Efesios 3:7

Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.

Colosenses 4:17

Arquipo-rü'i̧nä̧ ji'äwätukui: Tu̧ru̧wa̧ weinü̧ aditäwä adiwomȩnä̧ aditäkua'anü̧.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

2 Timoteo 4:11

Ya̧tȩtä̧ Ruka-tä ja̧'a̧ ttüku kki̧'i̧nü̧mä̧. Maruku-rümä̧ ukutäku icha o'ipächü ichirü, isopäi'ünä̧ jua̧u̧mä̧ chaditäwä aditü rü̧ä̧nä̧ ppädü'anü̧ wa̧sä̧.

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

Hebreos 5:4

Ya̧tȩ'i̧nä̧ pi̧yȩ ukuo jäwä a̧mü̧nä̧ pa̧ja̧tü̧, ttütä jäwä pä'ü amükuäda pä'ümä̧ juiya'a. Jua'amä̧, suro Dio woäkutä ji̧na̧'a̧, Aaro̧-rü̧ ji̧nü̧ta'anü̧.