Hechos 13:12 - Nuevo Testamento Uwotjüja

¹² Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ 'cuäopa'a topö, Chipre kä'co i̧sä̧sa̧ ru̧hua̧ Jesucristorö esetinödo, Tu̧ru̧hua̧ i̧huȩnȩ ä̧ju̧cuo̧cö̧ jä̧'i̧jö̧ ä̧ju̧cu̧'i̧nä̧, tocö jä̧'i̧jö̧ topö'inä.

Hechos 13:12 ပူးပေါင်းရင်းမြစ်များ

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Lucas 4:22

O'katoi'ünä̧tä̧ Jesú ütü'kümä̧ adiu ukuokuinä̧tü̧ ja̧'wa̧ta̧nü̧ adiwä jueitä ukuokuiyä̧u̧, isoo pä'ü amükuädinä̧tü̧. Jua̧u̧ pä'ü kkä̧nü̧ pä'inä̧tü̧: —¿Pidemä̧ José i̧tti̧ pä'ijümä̧kü̧?

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Juan 7:46

Pättomȩnä̧, su̧ro̧do̧u̧mä̧ ädätinä̧tü̧: —¡Ya̧tȩ'i̧nä̧, ja̧'wa̧nü̧ ukuokurumä̧ ä̧ju̧kuo̧ko̧tü̧ pä'ijätüjä̧!

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Hechos 13:49

Ja̧'wa̧nü̧tä̧ rü̧ä̧chi̧na̧'a̧, Tu̧ru̧wa̧ i̧wȩnȩ juä̧jä̧ rȩjȩnä̧mä̧.

Hechos 13:7

Jua̧u̧ märimä̧, ru̧wa̧ Gobernador Sergio Pauro rü̧ȩnä̧ wo̧jua̧ku̧ kki̧nü̧. Jua̧u̧ ru̧wa̧mä̧ wopinü̧ Bernawérü'i̧nä̧, Sauro-rü'i̧nä̧ Dio i̧wȩnȩ jittäwa'a ä̧ju̧kua̧ pä'ü.

Hechos 13:8

Ja̧'wa̧nü̧ ja̧'a̧nä̧ jua̧u̧ märimä̧, griego wȩnȩnä̧mä̧ Elima pättäku ja̧'a̧, ru̧wa̧ gobernado-rü Dio-rü esetü juiyünä̧ jȩpi̧nü̧.

Hechos 15:35

Ja̧'wa̧nü̧ ppa̧ttä̧cha̧'a̧nä̧, Pauru-mä̧, Bernawé-ku Antioquía-nä̧ kka̧kui̧pi̧nä̧tü̧, kkorotüku Tu̧ru̧wa̧ i̧wȩnȩ jareü wȩnȩ ji'äu.

Hechos 15:36

Rekuinü̧ o'ka'a, Pauru-mä̧ Bernawé-rü pä'inü̧: —Pä'äji ta̧'a̧nü̧ ppa̧'ä̧chü̧ dotächäja, Tu̧ru̧wa̧ i̧wȩnȩ jitäwinomȩ ütawiyä pünä̧, Jesucrito-rü esetätürü toku ttü̧ja̧kua̧ pä'ü.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 19:10

Ja̧'wa̧nü̧ ji'äwinü̧ todäre años jo̧mȩnä̧ ja̧'wa̧nü̧ ja̧'a̧ttü̧ Asia rȩjȩnä̧ kka̧kuä̧tü̧mä̧ o'katoi'ünä̧ ä̧ju̧kui̧nä̧tü̧, judío-ttü'i̧nä̧, judío pokotüttü'i̧nä̧, griego-ttü'i̧nä̧, jü̧nä̧, Tu̧ru̧wa̧ Jesú i̧wȩnȩmä̧.

Hechos 19:20

Ja̧'wa̧nü̧ ujuruku, rü̧ä̧chi̧na̧'a̧ Tu̧ru̧wa̧ i̧wȩnȩmä̧.

Hechos 19:38

Ja̧'wa̧nü̧ ja̧'a̧ttü̧ Demetrio'i̧nä̧ ja̧'wa̧ta̧nü̧ jua̧u̧tä̧ku̧ aditätü'i̧nä̧, juätuku wȩnȩ ttu̧ju̧nä̧rü̧ttü̧mä̧, kka̧kuä̧tü̧ jueces pä̧ttä̧u̧, juätuku ttukuokua pä'ü'i̧nä̧ ja̧'a̧, yotukunä̧ wȩnȩ ttu̧ju̧nä̧rü̧ pünä̧.

Hechos 19:7

Juätü o'katoi'ünä̧mä̧ ttü̧jä̧pü̧ttü̧ ta̧ju̧nü̧ jo̧mȩnä̧ ji̧na̧'a̧, u̧mä̧tü̧mä̧.

Hechos 28:7

Juȩnȩ tü'künä̧nü̧mä̧, ya̧tȩ Publio pä'ü mi̧kua̧, juä̧sa̧ kkä'ko i̧sä̧sa̧ttü̧ ukuo i̧sa̧ kki̧nü̧; i'ättiyu kku̧nä̧rü̧, jua̧u̧mä̧ wäbodäkuä mo̧ro̧ jo̧mȩnä̧ do'ädäji'ka̧ ppädinä̧u̧jä̧.

Hechos 6:10

Ja̧'wa̧nü̧ ja̧'a̧nä̧, pättü juiyünä̧ ji̧nä̧u̧, wo̧juȩku̧nä̧ ukuokuomȩttü̧ ja̧'wa̧ta̧nü̧ Epíritu Sa̧tu̧ u̧wo̧juetä̧ra̧'a̧nä̧ ukuokuomȩttü̧.

Hechos 8:25

Ja̧'wa̧nü̧ ja̧'a̧ juätümä̧, Dio i̧wȩnȩ'i̧nä̧, tottinü̧'i̧nä̧ ji'äwäjä'kotü, Jerusarȩ́-ra̧'a̧ku̧ ppa̧'ä̧chä̧chi̧nä̧tü̧ ja̧'wa̧ta̧nü̧ Samaria ttü̧ja̧ ttü̧ja̧kuo̧mȩ pünä̧ ji'äwinä̧tü̧.