Hechos 12:3 - Nuevo Testamento Uwotjüja

³ Ja̧'wa̧nü̧ jȩä̧ja̧'a̧ judío ttesewiyäku, Peduru-rü'i̧nä̧ kärenä̧ 'chuttäda pä'ü we'inü̧. Pi̧yȩmä̧ 'kuäopina̧'a̧, pan levadura juiyünä̧ ttüku pä'käri mo̧ro̧.

TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ jȩo̧mȩnä̧ judíos ttö̧ja̧ ttesehua'a topö, ru̧hua̧ Herodes juhua'a yabo suronä jȩpi̧nö̧do. Pedrorö'inä 'chuttäda pä'ö hue'inödo. Ja̧'hua̧nö̧ jȩpi̧nö̧do pascua fiesta jȩtti̧nö̧ mo̧ro̧, pan ppö̧ä̧mö̧ juiyönä ttucuinö mo̧ro̧ päi'omenä.

Hechos 12:3 ပူးပေါင်းရင်းမြစ်များ

San Mateo 26:17

Levadura juiyünä̧ trigo ire ttukuä'ijü pä'käri, ä̧kuo̧mȩnä̧ mo̧ro̧ päi'äja'a, u̧wo̧juȩtä̧u̧mä̧ Jesú-ru ichi'ü pä'inä̧tü̧: —¿Torü jȩpü̧ tujuni̧ya̧ku̧ päkua'ajä̧ttü̧, ni̧pä̧ro̧mȩku̧ Pacua kukua pä'ümä̧?

San Juan 12:43

Jua'amä̧ Dio ujuru jäwä ttüjü'koka'a, pi̧jä̧ ttü̧ja̧ jäwätä ttesewa'attü̧.

San Juan 19:11

Päiyäku, Jesú-mä̧ ädätinü̧: —Kuruwomä̧ jui'ajüjä̧ ttü chu̧wä̧mȩnä̧mä̧, Dio iyü juiyüttümä̧; ja̧'wa̧nü̧ ja̧'a̧ttü̧ ukuttu'i̧nä̧ abonä̧nü̧ surojü kku̧nä̧rü̧mä̧, ttürü, ukuru iyü ikuäjitä ja̧'a̧.

San Juan 21:18

Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

Hechos 12:4

Herode-mä̧ Peduru-rü 'chuttädünä̧ su̧ro̧do̧u̧ru̧ we'äji̧'ka̧ pa̧ja̧kuä̧nü̧ osa pünä̧ tta̧ttä̧rü̧nä̧ we'ü ütinä̧ku̧. Pacua o'ka'a päi'omȩ ttü̧ja̧ ttä'ka jo̧mȩ i̧jȩpa̧ pä'ü amükuädü jȩpi̧nü̧.

Hechos 2:14

Ja̧'wa̧nü̧ ja̧'a̧ Peduru-mä̧, kkorotü apótore o̧cȩnü̧ wotüku ä̧rä̧mi̧'ü̧ pä̧i̧ku̧nä̧ pä'inü̧: ukutu Judío'i̧nä̧ ja̧'wa̧ta̧nü̧ Jerusarȩ́-nä̧ kka̧kuä̧tü̧ o'katoi'ünä̧ pi̧yȩ pädü, adiu ä̧ju̧kuä̧tu̧kui̧:

Hechos 20:6

Ujutu Pauru-kumä̧, levadura juiyünä̧ kuäkuäwä pan pä'käri jȩttü̧ mo̧ro̧ 'kuä'opäjä'kotü, Filipo ütawiyä ttawarättü woi'kanä̧ rä'opäjä'kotü ji̧mü̧tȩ mo̧ro̧ päi'omȩnä̧ Tróade ütawiyänä̧ rȩbȩwi̧pi̧nä̧tü̧jä̧, ä'kanä̧ 'chä̧jätü̧ ttü̧ja̧kuo̧mȩ, juȩnȩmä̧ kko̧ro̧mü̧ttü̧ todäre mo̧ro̧ jo̧mȩnä̧ kka̧kui̧nä̧tü̧jä̧.

Hechos 24:27

Ja̧'wa̧nü̧ ja̧'a̧tä̧mä̧ todäre años 'kuäopäji o'ka'a, Felíx-mä̧ uruwo iyipinü̧ Porcio Feto pä'ü mi̧kua̧rü̧. Ja̧'wa̧nü̧ ja̧'a̧nä̧ Felíx-mä̧ judío ttesewarü pä'ü, Pauru-rümä̧ kärenä̧ rütipinü̧.

Hechos 25:9

Ja̧'wa̧nü̧ ja̧'a̧nä̧ Feto-mä̧, judío-rü tteseunä̧ ü̧ji̧pa̧ pä'ü, Pauru-rü jä'epü ä̧ju̧kui̧nü̧: —¿Jerusarȩ́ ütawiyära̧'a̧ kui̧'cha̧ pä'üjä̧, jua'attü pi̧yȩ tü'kü, jo̧mȩnü̧ adiwomȩnä̧ pätäkua'anü̧, chä'ka jo̧mȩttü̧?

Hechos 4:13

Ja̧'wa̧nü̧ ja̧'a̧, Peduru'i̧nä̧, Ju̧a̧'i̧nä̧ kuyärumä̧ ttu̧wo̧jui̧'o̧ka̧'a̧ ji̧na̧'a̧nä̧, wo̧juȩku̧nä̧ yeäwä juiyünä̧ ttu̧kuo̧kui̧yä̧u̧, to̧o̧ to̧pä̧rü̧ kkä̧nü̧ isopäi'ünä̧ pitümä̧ Jesú-ku kue'ächinä̧tü̧ ja̧'a̧ pä'ü ttu̧wo̧jui̧nä̧u̧.

Gálatas 1:10

Ja̧'wa̧nü̧ ja̧'a̧ttü̧ ttü̧ja̧rü̧ pä̧wä̧rü̧jü̧ jȩcha̧ pä'ümä̧ usoküsä, Dio-rü pä̧wä̧rü̧jü̧tä̧ jȩcha̧ pä'ü wa̧sä̧. Ja̧'wa̧nü̧ ttü̧ja̧rü̧ pä̧wä̧rü̧jü̧ jȩchü̧ttü̧mä̧, Crito-mä̧ u̧mü̧wä̧ya̧mä̧ poküsä.

1 Tesalonicenses 2:4

Pärokua'aku Dio-mä̧ jȩtü̧'a̧nü̧ ji̧yä̧ku̧ jareü wȩnȩmä̧ jitäwa pä'ü weinä̧u̧jä̧, ja̧'wa̧nü̧ ja̧'a̧ttü̧ ja̧'wa̧nü̧tä̧ ukuokuätüjä̧. Jua'amä̧ ttü̧ja̧ ttesewatü pä'ümä̧kü̧, Dio-tä esewätü pä'ü ja̧'a̧, tami'iso'ki kka̧kuä̧mü̧ topü ja̧'a̧ttü̧.