Hechos 11:16 - Nuevo Testamento Uwotjüja

¹⁶ Ja̧'wa̧nü̧ ji̧yä̧ku̧ amükuädi'inü̧sä̧, Tu̧ru̧wa̧ päinü̧: Isopäi'ünä̧ Ju̧a̧-mä̧ ajiyanä̧ bautizo jȩpä̧'i̧jü̧ ja̧'wa̧nü̧ ja̧'a̧nä̧ ukutumä̧ Epíritu Sa̧tu̧nä̧ bautizo jȩä̧kuä̧u̧jä̧ pä'inü̧, ji̧nü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ 'cuäopomenä, amöcuädi'inösä Tu̧ru̧hua̧ päinömä: “Juan ajiyanä bautizando jȩpi̧nö̧. Ja̧'hua̧nö̧ ja̧'a̧nä̧ ucutu bautizado päcuhui'äcuotöjä Espíritu Santonä.”

Hechos 11:16 ပူးပေါင်းရင်းမြစ်များ

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Mateo 3:6

juätümä̧, suronä̧ jȩttä̧'i̧jü̧ ji'äu ttikua'anä̧, Ju̧a̧-mä̧, Jordán ajettü bautizo jȩi̧nä̧u̧.

San Marcos 1:8

Ttümä̧, ajiyanä̧tä̧ bautizo jȩchä̧'i̧jä̧u̧jä̧; ja̧'wa̧nü̧ ja̧'a̧nä̧, Jua̧u̧mä̧, Epíritu Sa̧tu̧nä̧ bautizo jȩä̧kuä̧u̧jä̧.

San Lucas 24:8

Ja̧'wa̧nü̧ pä̧tti̧yä̧u̧, juätü nä̧tü̧mä̧, Jesú ukuokua'a ttä̧ju̧kui̧nü̧ ji̧nü̧, amükuädi'inä̧tü̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Juan 1:26

Pättäku Ju̧a̧-mä̧ ädätinä̧u̧: —Ttümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ku̧'kä̧tȩtu̧ku̧nä̧ kkü̧ kuieruwätukuäku.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 16:4

Pi̧yȩmä̧ ji̧dä̧wä̧u̧jä̧, jua̧u̧nü̧ mo̧ro̧ rȩbȩä̧kuä̧wo̧mȩnä̧, täkü jiäwinä̧u̧jä̧ pä'ü kuamükuädätukuäkua'anü̧, Ä̧kuo̧mȩnä̧mä̧, pi̧yȩmä̧ jidäwo̧ko̧u̧ pinä̧tü̧jä̧, ji̧nä̧ ukututäku chü̧ja̧'a̧ttü̧.

Hechos 1:5

Isopäi'ünä̧ Ju̧a̧-mä̧ ajiyanä̧tä̧ bautizo jȩpi̧nü̧, ja̧'wa̧nü̧ ja̧'a̧nä̧ a̧'u̧kua̧'a̧tä̧ mo̧ro̧ o'ka'a ukutumä̧ Epíritu Sa̧tu̧nä̧ bautizo jȩä̧kuä̧u̧jä̧.

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.