Hechos 10:2 - Nuevo Testamento Uwotjüja

² Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

TÄ̧DO Ä̧CUÄ̧ I̧HUȨNȨ

² Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Hechos 10:2 ပူးပေါင်းရင်းမြစ်များ

San Mateo 25:17

Jua̧u̧ jä̧ji̧ta̧'a̧nü̧ dos mil-nü̧ jo̧mȩnä̧ ȩmi̧nü̧ päjimä̧, kkoro yabonä̧nü̧ dos mil jo̧mȩnä̧ ȩmi̧nü̧.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Lucas 2:25

Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 10:31

Jua̧u̧mä̧ päjäkusä: Cornelio, Dio-rü kukuokuä'ijümä̧ ä̧ju̧kuä̧jä̧ku̧jä̧ ja̧'wa̧ta̧nü̧ usurä isotürü ppäkuädä'ijü'i̧nä̧ amükuädäjäkujä̧, jü̧nä̧.

Hechos 10:35

Isopäi'ünä̧ kko̧ro̧jä̧ ttü̧ja̧rü̧'i̧nä̧ Churutä ukuotü esetätürümä̧, Dio-mä̧ repe'ü eseuti̧ pä'ü.

Hechos 10:4

Päku, to̧pä̧rü̧ kkä̧nü̧, ye'ünä̧nü̧ jä'epinü̧: ¿Däjéjä̧ttü̧ chu̧ru̧wa̧? jäepäku, á̧gȩ-mä̧ pä'inü̧: Dio-mä̧ topäji, Churutä jä'epü kukuokuä'ijümä̧ ja̧'wa̧ta̧nü̧ usurä isotürü ppäkuädä'ijü'i̧nä̧.

Hechos 10:7

Ja̧'wa̧nü̧ ja̧'a̧, jua̧u̧ á̧gȩ i̧wi̧'ä̧ji̧ o'ka'a umüwäyotüttü ta̧ju̧ru̧ wopo'ü ja̧'wa̧ta̧nü̧ u̧mü̧wä̧ya̧ su̧ro̧do̧u̧ i̧sa̧ rü̧ȩnä̧ ukuotä'ijürü wopo'ü.

Hechos 11:14

Jua̧u̧tä̧ ja̧'a̧ ukuru ji̧ä̧wä̧kua̧mä̧ kuawaruwä'i̧nä̧ o'katoi'ünä̧ ukutä'i̧nä̧ surojüttü ku̧ji̧pä̧tu̧kua̧ pä'ü.

Hechos 13:16

Pättiyäku, Pauru ä̧rä̧mi̧'ü̧, ttü'koruchi'a pä'ü u̧mü̧nä̧ jȩpü̧nü̧, pä'inü̧: —Ä̧ju̧kuä̧tu̧kui̧ Irae ttü̧ja̧'i̧nä̧ ja̧'wa̧ta̧nü̧ kkorotü Dio-rü ukuotü esetätümä̧:

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

Hechos 18:8

Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

Hechos 2:5

Juȩnȩ Jerusarȩ́-nä̧mä̧, judío kka̧kui̧nä̧tü̧ kkara'a rȩjȩra̧'a̧ttü̧ ichäjätü, Dio-rü rü̧ȩnä̧ ukuotätü.

Hechos 22:12

Juȩnȩmä̧ kki̧nü̧, ya̧tȩ Ananía pättäku, Dio-rü rü̧ȩnä̧ ukuotü kkä̧nü̧, Moisé weäwä wȩnȩ'i̧nä̧ ukuotü kkü̧; jua̧u̧ ütü'kümä̧ adiutä ukuokuinä̧tü̧, judío juȩnȩ Damasco-nä̧ kka̧kuä̧tü̧ o'katoi'ünä̧.

Hechos 8:2

Yotüte Dio-rü esetätü, Esteba̧-rü̧ ȩmi̧pü̧ wa'are rejunä̧ rütinä̧tü̧ ja̧'wa̧nü̧ jȩpü̧ ajuäkuäwinä̧tü̧.

Hechos 9:11

Tu̧ru̧wa̧mä̧ päinä̧ku̧: «ä̧rä̧mi̧'ü̧ täi, Ttu̧wo̧jua̧'a̧ku̧nä̧ pä'ü mikuämä̧nä̧, jua'attü Juda ojusodenä̧ do'ächi'ü kusajä̧, ya̧tȩ Taso ttü̧ja̧sa̧, Sauro pä'ü mi̧kua̧rü̧; Jua̧u̧mä̧ Dio-rü ukuoku.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Hechos 9:36

Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.

1 Tesalonicenses 5:17

'Kuäopünä̧ Dio-rü ukuokuätukui.

Santiago 1:5

Ja̧'wa̧ta̧nü̧ ukututtü ya̧tȩ wo̧juä̧wä̧ wȩnȩ juiüttümä̧, Dio-rü jä'epätukui, jua̧u̧tä̧ ja̧'a̧ o'katoi'ünä̧rü̧ rü̧ä̧nä̧ iyümä̧; ja̧'wa̧ta̧nü̧ yawokuoka'atä iyü.

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»