Hechos 10:11 - Nuevo Testamento Uwotjüja

¹¹ Topinü̧, mo̧ro̧jä̧ bawekuächa'attü, sawana'kua i̧sä̧ta̧ ju'ta'au pa̧ja̧kuä̧nü̧ jo̧mȩnä̧ ti̧ä̧dä̧kuä̧wä̧ta̧ mȩyȩwi̧na̧'a̧ pi̧jä̧ra̧'a̧ku̧.

TÄ̧DO Ä̧CUÄ̧ I̧HUȨNȨ

¹¹ Mo̧ro̧jä̧ bahuecuächa'a topinödo. Pi̧jä̧ra̧'a̧ mȩyȩhua̧'a̧ sabana'cua rö̧ä'cua jä̧'i̧nö̧'a̧nö̧ kara'anä'inä pätecu ti̧ä̧dä̧cuä̧hua̧'a̧ topinödo.

Hechos 10:11 ပူးပေါင်းရင်းမြစ်များ

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

San Juan 1:51

Ja̧'wa̧ta̧nü̧ Jesú-mä̧ päinä̧ku̧: —Isopäi'ünä̧ ukuturu pä'üsä: Porütä kkä̧mä̧dü̧ mo̧ro̧jä̧ bawekuächa'a to'kuäkuotüjä̧ ja̧'wa̧ta̧nü̧ mo̧ro̧jä̧nä̧ kka̧kuä̧tü̧ á̧gȩrȩ Dio umüwäyotü ubo I̧tti̧ ü̧jo̧mȩku̧ tti̧mȩyȩwa̧'a̧'i̧nä̧ ja̧'wa̧ta̧nü̧ 'chattächa'a'i̧nä̧, jü̧nä̧.

Apocalipsis 19:11

Ja̧'wa̧ta̧nü̧ mo̧ro̧jä̧ bawekua'a topinü̧sä̧; juȩnȩ cabayu tȩ'a̧rü̧ ü̧ja̧'a̧ topinü̧sä̧, jua̧u̧ u̧wä̧mȩ wü̧mä̧ mikuinü̧, päümä̧ jȩpü̧ ja̧'wa̧ta̧nü̧ jueü wȩnȩtä̧ wa̧, isopäi'ünä̧ jueünä̧tä̧ we'ü, kurä ürowäwa'attü.

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 4:1

Pi̧yȩ 'kuäopäji o'ka'a topinü̧sä̧, mo̧ro̧jä̧ äpate bawekuä̧nü̧ kka̧'a̧; i̧wȩnȩmä̧ ä̧kuo̧mȩnä̧ chä̧ju̧kuä̧ji̧tä̧, trompeta rä̧mi̧pa̧'a̧ 'kua̧rü̧nä̧, päinä̧ku̧sä̧: «Poku 'cha'ächi'i, pi̧yȩ o'komȩ päi'omȩ 'kuäopä̧kuȩ chi̧jȩpa̧ku̧.»

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Efesios 1:10

Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Gálatas 2:15

Ujutumä̧ judío-jä̧ tuwäpächinü̧tä̧ päi'ünä̧, ja̧'wa̧nü̧ ja̧'a̧ttü̧ surojümä̧ jȩpo̧ko̧tü̧jä̧ judío pokotü jȩttü̧'a̧nü̧mä̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Hechos 7:56

Ja̧'wa̧nü̧ topü pä'inü̧: —Mo̧ro̧jä̧ bawekuächa'a topüsä ja̧'wa̧ta̧nü̧ ubo I̧tti̧rü̧'i̧nä̧ Dio u̧wo̧jua̧'a̧ku̧nä̧ ü̧ja̧'a̧.

San Juan 12:32

Ja̧'wa̧nü̧ ja̧'a̧nä̧, pi̧jä̧ rȩjȩttü̧ ttodächi'omȩnä̧, o'katoi'ünä̧rü̧ ttüku ttichünä̧ jȩchä̧kua̧sä̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Lucas 3:21

O'katoi'ünä̧ bautizo jȩpä̧kuä̧u̧ kättäda'anä̧, Jesú'i̧nä̧ bautizo jȩi̧nä̧ku̧; Dio-rü ukuokua'a jakuänä̧ mo̧ro̧jä̧ bawekuächa'attü,

San Mateo 8:11

Ja̧'wa̧nü̧ ji̧yä̧ku̧ pädäu̧jä̧, rekuätü kkä̧wa̧ räopa'akuttü'i̧nä̧, kkä̧wa̧ ma̧ä̧cha̧'a̧ku̧ttü̧'i̧nä̧ ichü, Dio weomȩ Abraha̧-ku̧, Isaa-ku, Jacoku ttu̧kuȩ kuä̧nü̧ ttu̧'ȩjä̧mä̧kuo̧tü̧.

Hechos 10:12

Juä̧ta̧ jakuämä̧ ȩji̧nä̧tü̧, rȩjȩnä̧ kue'ächätüttü'i̧nä̧, rȩjȩnä̧ do'äwätüttü'i̧nä̧ ja̧'wa̧ta̧nü̧ ju'tojunä̧ ko̧'ä̧rä̧tü̧ttü̧'i̧nä̧, jü̧nä̧.

Hechos 11:5

Jope ütawiyättü Dio-rü chukuokuomȩnä̧, 'kuo̧ti̧nä̧ 'kua̧rü̧nä̧ i̧jȩkuä̧cha̧'a̧ topinü̧sä̧; sa̧wa̧na̧'kua i̧sä̧ta̧, pa̧ja̧kuä̧nü̧ jo̧mȩnä̧ ti̧ä̧dä̧kuä̧wa̧'a̧, ttü chü̧jo̧mȩku̧ mo̧ro̧jä̧ra̧'a̧ttü̧ mȩyȩwi̧'i̧na̧'a̧.