Hechos 1:4 - Nuevo Testamento Uwotjüja

⁴ Ja̧'wa̧ta̧nü̧ umüwäyotü apótore-ku pä̧mä̧dä̧ji̧'ka̧ päinä̧u̧: Jerusarȩ́-ttü̧mä̧ dükuekuächätukuä, Chä'o iya päinü̧ iyätukuaku, —Ttü jidäwa'a kuä̧ju̧kui̧nä̧tu̧ku̧ta̧'a̧nü̧ 'kuäopäkua'a;

TÄ̧DO Ä̧CUÄ̧ I̧HUȨNȨ

⁴ Jesúsmä chutä hueinä̧u̧cu̧ kä̧nö̧ hue'inödo: —Jerusalén ötahuiyättömä räcuhuo'ächätucuä'. Tta̧'ä̧rä̧tu̧cui̧ Chä'o iya päinö. Ja̧u̧ päinömä jidähuinö ä̧ju̧cui̧nä̧tö̧jä̧.

Hechos 1:4 ပူးပေါင်းရင်းမြစ်များ

San Mateo 10:20

Isopäi'ünä̧, ukutumä̧ ukuokuokotü kuäkuotüjä̧, Dio i̧sa̧ Epíritu jä̧kua̧'a̧ ukutunä̧ ukuokuäkua̧mä̧.

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Lucas 12:12

Ja̧'wa̧nü̧ jo̧mȩnä̧mä̧, Epíritu Sa̧tu̧ u̧wo̧juȩtä̧kuä̧u̧jä̧ kukuokuätukua pä'ümä̧.

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 20:22

Ja̧'wa̧ta̧nü̧, a̧mi̧yuppa ppü'ü juätürü pä'inü̧: —Epíritu Sa̧tu̧rü̧ ȩmä̧tu̧kui̧, ja̧já̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

Hechos 10:41

O'katoi'ünä̧rü̧mä̧ i̧jȩkuo̧ka̧'a̧nä̧, ujuturu ä'kojitä päi'ünä̧ tota pä'ü Dio pojopü ȩmi̧nä̧u̧ru̧tä̧ i̧jȩkui̧nü̧. Ujututä ji̧na̧'a̧ ttoächäji o'ka'a, chutäku kuä̧nü̧'i̧nä̧, au'i̧nä̧ jȩa̧'a̧ topinä̧tü̧mä̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.