Hechos 1:11 - Nuevo Testamento Uwotjüja

¹¹ Pättinä̧u̧: —Galirea ttü̧ja̧, ¿tta̧'a̧nü̧ pä'ü mo̧ro̧jä̧ra̧'a̧ to̧pä̧rü̧ ku̧ja̧kuä̧tu̧kua̧'a̧jä̧ttü̧? Pide Jesú, ukutu ku'kä̧tȩtu̧ku̧ttü̧ mo̧ro̧jä̧ra̧'a̧ ȩmä̧wi̧'ä̧jä̧ku̧mä̧, käekuächa'a to'kuäjätukuta'anü̧, pä'äjita'anü̧'i̧nä̧ ja̧'wa̧nü̧tä̧ i̧chä̧kua̧.

TÄ̧DO Ä̧CUÄ̧ I̧HUȨNȨ

¹¹ Jahuätö pä'inätödo: —Galilea ttö̧ja̧, ¿dä̧bö̧ mo̧ro̧jä̧ra̧'a̧ to̧pä̧rö̧ cu̧ja̧cuä̧tu̧cuä̧ttö̧? Ja̧u̧tä̧ Jesús, ucutu cu̧'quȩtȩtu̧cu̧ttu̧ mo̧ro̧jä̧ra̧'a̧ cäecuächa'a tocu'äjätucu ta'anö, pä'äji ta'anö i̧chä̧cua̧.

Hechos 1:11 ပူးပေါင်းရင်းမြစ်များ

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Mateo 24:30

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ ubo I̧tti̧ icha'a ä'kanä̧ jäwä i̧jȩkuä̧chä̧kua̧'a̧ ja̧'wa̧nü̧ päia'a topü rü̧ȩnä̧ ye'ekue'i'ü pi̧jä̧ ttü̧ja̧ o'katoi'ünä̧ ttajäkuäwäkuotü ja̧'wa̧nü̧ päi'omȩnä̧ ubo I̧tti̧ mo̧ro̧jä̧ra̧'a̧ttü̧ ajiya isoppanä̧ uruwoku, ujuruku icha'a tottäkuotü.

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

San Marcos 13:26

Ja̧'wa̧nü̧ päi'omȩnä̧, ttü ubo I̧tti̧rü̧ ajiya isoppanä̧, chujuruku, churuwoku chicha'a tottäkuotü.

San Marcos 14:70

Päja'anä̧, pä'äji jä̧ji̧ta̧'a̧nü̧ ä̧ppü̧ti̧'i̧nü̧. A̧'u̧kua̧'a̧tä̧ jä̧ji̧ o'ka'a, juȩnȩ kka̧kuä̧tü̧mä̧ pä'äji jä̧ji̧ta̧'a̧nü̧, Peduru-rü pä'inä̧tü̧: —Isopäi'ünä̧, juätütä i̧sa̧jä̧; Galirea ttü̧ja̧sa̧jä̧, kukuoku'i̧nä̧ juätü jä̧'i̧jü̧ ta̧'a̧nü̧ ukuokujä̧.

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Lucas 21:27

Ja̧'wa̧nü̧ päi'omȩnä̧, ubo I̧tti̧rü̧ ajiya isoppanä̧ uruwoku, ujuruku icha'a tottäkuotü.

San Lucas 24:5

Ja̧'wa̧nü̧ pä̧i̧'ä̧u̧ ye'i'ü rȩjȩku̧ ja̧rȩyu̧nu̧ ma̧ttä̧ma̧'a̧nä̧; juätü u̧mä̧tü̧mä̧ pättinä̧u̧: ¿Tta̧'a̧nü̧ pä'ü ukutumä̧, a̧'kua̧rü̧rü̧mä̧ wa'inä̧tü̧ ttü̧'kä̧tȩ usätüjä̧ttü̧?

San Juan 14:3

Ja̧'wa̧nü̧ ku̧jä̧tu̧kuä̧kuo̧mȩ aditü kku̧nu̧ i̧u̧ i̧wi̧pü̧'ka̧, pä'äjita'anü̧, ttütä ukuturu ȩmü̧ chi̧chä̧kua̧sä̧, ukutu'i̧nä̧ ttü chü̧jo̧mȩ ku̧ja̧kuä̧tu̧kuä̧kua̧'a̧nü̧.

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

Hechos 1:22

Tu̧ru̧wa̧rü̧ Ju̧a̧ bautizo jȩi̧no̧mȩttü̧ kkä̧mä̧dü̧, mo̧ro̧jä̧ra̧'a̧ i̧wi̧no̧mȩbü päi'ünä̧, ujutuku kue'ächä'ijätüttü, ya̧tȩrü̧ tȩma̧ pä'ü ja̧'a̧; Jesú ttoächinü̧ wȩnȩ ujutuku ji̧ä̧wä̧kua̧rü̧.»

Hechos 1:9

Pi̧yȩ pä'ü käda'a, to̧pä̧rü̧ ttü̧ja̧kua̧'a̧nä̧, Jesú-mä̧ käekuächa'attü̧, ajiya isoppa, a̧ttä̧di̧'i̧nä̧ku̧, jua'a yabomä̧ tottü juiyünä̧tä̧.

Hechos 13:31

Ja̧'wa̧nü̧ ji̧na̧'a̧mä̧, rekuo mo̧ro̧ jo̧mȩnä̧ i̧jȩkui̧nü̧ Galirea-ttü Jerusarȩ́-ra̧'a̧ku̧ chutäku 'chi̧nä̧tü̧rü̧mä̧; ja̧'wa̧nü̧ ja̧'a̧ jitämä̧ juätütä ja̧'a̧, Jesú-ru 'kuäopa'a tottinü̧ ttü̧ja̧rü̧ ji'äwätümä̧.

Hechos 2:7

Ja̧'wa̧nü̧ to̧o̧ to̧pä̧rü̧ kkä̧nü̧, pä'inä̧tü̧: —Topittü̧, ¿pitü ukuokuätümä̧ o'katoi'ünä̧, Galirea ttü̧ja̧mä̧kü̧ tä̧jí̧?

Hechos 3:12

Peduru-mä̧, ja̧'wa̧nü̧ jȩtta̧'a̧ topü ttü̧ja̧rü̧ pä'inü̧: ¿Irae ttü̧ja̧, tta̧'a̧nü̧ pä'ü, to̧o̧ to̧'kuä̧rä̧tu̧kua̧'a̧jä̧ttü̧ pi̧yȩ tü'kümä̧? ¿tta̧'a̧nü̧ pä'ü, ujuturu to̧'kuä̧rä̧tu̧kua̧'a̧jä̧ttü̧, ujutu tujurunä̧, adiu jȩpä̧tü̧ jü̧nä̧ piderü kueächünä̧ jȩtä̧ja̧'a̧ 'kua̧rü̧nä̧?

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

1 Tesalonicenses 1:10

Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.

1 Tesalonicenses 4:16

Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.