Hechos 1:10 - Nuevo Testamento Uwotjüja

¹⁰ Ja̧'wa̧nü̧ käekuächi̧yä̧u̧, mo̧ro̧jä̧ra̧'a̧ to̧ttä̧ro̧mȩ 'kä̧tȩnä̧, ttü̧ja̧ ta̧ju̧, teü o̧ta̧ 'ka̧tä̧wä̧tü̧ kka̧kuä̧mü̧,

TÄ̧DO Ä̧CUÄ̧ I̧HUȨNȨ

¹⁰ Jesús hue'ähuotö to̧pä̧rö̧ ka̧cui̧nä̧tö̧do mo̧ro̧jä̧ra̧'a̧ cäecuächa'a. Ja̧'hua̧ ja̧'a̧ u̧mä̧tö̧ ta̧ju̧, ttö̧'ca̧tä̧huä̧ti̧yu̧ teö 'ca̧tä̧huä̧tö̧, jahuätö ttippeyänä ka̧cuä̧mi̧nä̧tö̧do.

Hechos 1:10 ပူးပေါင်းရင်းမြစ်များ

San Mateo 17:2

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

San Mateo 28:3

Á̧gȩ-mä̧ ku'upä ürowa'a 'kua̧rü̧nä̧ kkä̧dȩpi̧nü̧ ja̧'wa̧ta̧nü̧ ü̧'ka̧tä̧wä̧ta̧mä̧ diyawa'a isoppa jä̧'i̧nü̧'a̧nü̧ teina̧'a̧.

San Marcos 16:5

Ja̧'wa̧nü̧ ja̧'a̧, wa'are idoränä̧ dottächi'omȩnä̧, mü̧ä̧ya̧ ü̧'ka̧tä̧wä̧ta̧ tȩä̧ta̧ otoünä̧ 'ka̧tä̧u̧ru̧, wa'are pä̧jä̧mȩ u̧wo̧jua̧'a̧ku̧nä̧ ü̧'a̧'a̧ topinä̧tü̧. Ja̧'wa̧nü̧ ü̧'a̧'a̧ topü, nä̧tü̧mä̧ rü̧ȩnä̧ ye'inä̧tü̧.

San Lucas 24:4

Ja̧'wa̧nü̧ ji̧yä̧u̧ ¡to̧o̧! to̧ttä̧ra̧'a̧nä̧, ttipeyänä̧ u̧mä̧tü̧ ta̧ju̧ kka̧kuä̧mi̧nä̧tü̧, ttü̧'ka̧tä̧wä̧ti̧yu̧ kkȩdȩpä̧u̧.

San Juan 20:12

Á̧gȩrȩ ta̧ju̧ru̧ topinä̧ju̧ ttü̧'ka̧tä̧wä̧ti̧yu̧ te'ätürü, Jesú o'ko jäwä ttütäjomȩ ttü̧'ȩja̧'a̧; ya̧tȩmä̧ U jä̧ja̧'a̧ku̧nä̧ ja̧'wa̧ta̧nü̧ kka̧ra̧mä̧ ü̧jä̧pi̧yä̧ jä̧ja̧'a̧ku̧nä̧, jü̧nä̧.

Hechos 10:3

Ji̧yȩtȩ mo̧ro̧, ttu̧'kuo̧ti̧nä̧ jä̧'i̧nü̧'a̧nü̧, las tres-nä̧ ni̧pä̧ro̧mȩku̧, topinü̧ ya̧tȩ Dio wȩ'ä̧wa̧ á̧gȩ do'ächi'ü pä'a: «¡Cornelio!»

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

Apocalipsis 3:4

Ja̧'wa̧nü̧ ja̧'a̧nä̧, juȩnȩ Sadinä̧ ttü̧'ka̧tä̧wä̧ti̧yu̧ iditäkuäwokotürü kku̧nä̧rü̧jä̧; ja̧'wa̧nü̧ ja̧'a̧ttü̧ juätümä̧ ttüku ttü̧'ka̧tä̧wä̧ti̧yu̧ teünä̧ 'ka̧tä̧wi̧'ü̧ kuettächäkuotü, juätümä̧ isó juo'epinä̧tü̧ ja̧'a̧ttü̧.

Apocalipsis 7:14

Päku aditinü̧sä̧: Chu̧ru̧wa̧, ukutäjä̧ wo̧jua̧mä̧. Pädomȩnä̧, päinä̧ku̧sä̧: Jitüjamä̧ rü̧ȩnä̧ usurä ȩmä̧kuä̧wa̧'a̧ttü̧ ichinä̧tü̧, ttü̧'ka̧tä̧wä̧ti̧yu̧ oweja mü̧ä̧ya̧ wa̧ ukuojattü teünä̧ tükäu ikuinä̧tü̧ ja̧'a̧.