Hebreos 2:9 - Nuevo Testamento Uwotjüja

⁹ Ja̧'wa̧nü̧ ji̧na̧'a̧nä̧ topätüjä̧ chu Jesú-ru, ya'utenä̧mä̧ á̧gȩrȩ-tü̧ttü̧'i̧nä̧ tti̧dȩa̧'a̧nä̧ jurunä̧tä̧ jȩi̧nä̧ku̧ru̧ ja̧'a̧nä̧, jitämä̧ uruwo iyü kkä̧nü̧ ukuo'i̧nä̧ iyinä̧ku̧ wa'ü ikuino̧mȩttü̧, Dio re ü̧jü̧nä̧ o'katoi'ünä̧rü̧ ppäda pä'ü.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧nä̧ Jesúsrutä, a̧'u̧cua̧'a̧tä̧ ángelesttö'inä abonänö ijuiyuhua'a Dios jȩi̧nä̧cu̧ru̧, topätöjä. Dios o'ca toi'önärö öjö'ca'attö, pä̧huä̧ rö̧ji̧nä̧cu̧do Jesús 'corupäi'a pä'ö, o'ca toi'önä ttire'tehuächö juiya pä'ö. Ubara ttu'u 'corupä'i'inö'ca̧, Dios eseunu hueinäcudo o'ca toi'önä ttucuotarö pä'ö.

Hebreos 2:9 ပူးပေါင်းရင်းမြစ်များ

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

Romanos 5:18

Ja̧'wa̧nü̧ ji̧na̧'a̧ttü̧, Adá̧ suronä̧ jȩi̧na̧'a̧mä̧ ro̧ȩkuä̧kuȩra̧'a̧tä̧ pätekuächina̧'a̧ o'katoi'ünä̧rü̧tä̧, ja̧'wa̧nü̧ ji̧nü̧ta'anü̧ päi'ina̧'a̧ o'katoi'ünä̧rü̧ Jesucrito aditü iku tta̧'kua̧rü̧ iyina̧'a̧mä̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

2 Corintios 5:15

Ja̧'wa̧nü̧ ja̧'a̧ttü̧ Crito-mä̧ o'katoi'ünä̧rü̧ ja̧'a̧tȩ'ü̧ 'korujuo'ächinü̧; a̧'kua̧rä̧tü̧mä̧, jitürütä pä̧wä̧rü̧jo̧mȩnä̧ ttü̧ja̧ku̧ juiya pä'ü, Churutä pä̧wä̧rü̧jo̧mȩnä̧ ttü̧ja̧kua̧ pä'ü.

Hebreos 10:5

Ja̧'wa̧nü̧ ja̧'a̧ttü̧ Crito-mä̧, pi̧jä̧ra̧'a̧ ichinü̧, Dio-rü päinü̧mä̧ pä'a: Sacrificio jü̧nä̧, ofrenda jü̧nä̧, jȩttü̧mä̧ kkü'kü jui'ü, ttü chidepä kkü̧nä̧ iyinü̧jä̧.

Romanos 5:8

Ja̧'wa̧nü̧ ja̧'a̧nä̧, Dio-mä̧ rü̧ȩnä̧ ujuturu repeü i̧jȩpi̧nä̧u̧jä̧, surojü jȩpä̧tü̧ ta'anä̧, Crito-mä̧ ujutu jäwänä̧ 'korujuo'ächinü̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 12:32

Ja̧'wa̧nü̧ ja̧'a̧nä̧, pi̧jä̧ rȩjȩttü̧ ttodächi'omȩnä̧, o'katoi'ünä̧rü̧ ttüku ttichünä̧ jȩchä̧kua̧sä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

Hebreos 8:3

O'katoi'ünä̧ pi̧jä̧ttü̧ sacerdote-tü̧ tturuwotü päi'ünä̧ kku̧nä̧wo̧tü̧mä̧ eseu ttiya pä'ü ja̧'wa̧ta̧nü̧ ttü̧ja̧ suronä̧ jȩtta̧'a̧ mikuäwächü sacrificio'i̧nä̧ jȩpi̧nä̧tü̧ ja̧'wa̧nü̧ ji̧na̧'a̧ttü̧ Jesucrito'i̧nä̧ ji̧yȩtȩ Dio-rü iya pä'ü ja̧'a̧.

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

Romanos 8:32

Dio-mä̧, ja̧'wa̧nü̧ jo̧ka̧'a̧ Chutä I̧tti̧rü̧'i̧nä̧ repeoka'a ujutu o'katoi'ünä̧ jäwänä̧ wa'ü ikunä̧ iyina̧'a̧mä̧ ¿Toku pä'ü kkorojuei o'kajuiyünä̧, chutäku yo̧mȩtȩnä̧ i̧yo̧ko̧u̧ täkua'ajä̧ttü̧?

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

San Juan 10:17

Ja̧'wa̧nü̧ ja̧'a̧ttü̧ Chä'omä̧ repeäkusä, cha̧'kua̧rü̧ chiyäwa'attü, pä'äji jä̧ji̧ta̧'a̧nü̧ chȩma̧ pä'ü.

San Juan 8:52

Judío-mä̧ ttädätinä̧ku̧: —Jitämä̧, isopäi'ünä̧ epíritu su̧ro̧pa̧ ü̧jä̧ku̧ pä'ü wo̧juä̧tü̧jä̧. Abraha̧'i̧nä̧, profeta-tü̧'i̧nä̧ wa'ü ttikuina̧'a̧nä̧, ukumä̧, ttü chi̧wȩnȩ ukuotätümä̧ wa'ü ikuokotü ttäkuotü päkua'attü̧.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

Apocalipsis 19:12

Ü'äriyämä̧ okurä jä̧'i̧nü̧'a̧nü̧ kuo'inü̧, Unä̧tä̧ rü̧ȩnä̧ corona pättü u'uttäwä wȩnä̧ri̧nü̧ ja̧'wa̧ta̧nü̧ ji̧yȩtȩ i̧mi̧ chutätä u̧wo̧juö̧ wȩyu̧kua̧'a̧ rü̧tä̧ri̧nü̧.

Hebreos 2:7

á̧gȩrȩ-tü̧'i̧nä̧ yoräteunä̧ päi'ünä̧ jȩ'kui̧nä̧u̧jä̧, turuwo'i̧nä̧ iyü kkä̧nü̧, tukuo'i̧nä̧ kuiyinä̧u̧jä̧;

San Lucas 9:27

Ja̧'wa̧nü̧ ja̧'a̧nä̧ isopäi'ünä̧ pä'üsä, jitä pȩnȩ́ kka̧kuä̧tü̧ttü̧ ya̧ku̧nä̧mä̧, wa'aremä̧ ttüjü'kokäkuotü, ru̧wa̧ Dio weü tottomȩbü päi'ünä̧.

San Marcos 9:1

Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pȩnȩ́ kka̧kuä̧tü̧ yotukunä̧mä̧ wa'ü ttikua pä'ü pättokäkuotü, ru̧wa̧ Dio weümä̧ ujuruku icha'a tottomȩbü päi'ünä̧.

San Mateo 6:28

Ja̧'wa̧ta̧nü̧ ku̧'ka̧tä̧wä̧ti̧yu̧tu̧ku̧'i̧nä̧, ¿tta̧'a̧nü̧ pä'ü kua̧'kua̧ rokuekuätukua'ajä̧ttü̧? amükuädü topätukui: pättiyunä̧ kka̧ku̧ lirios pättü büó juoa'a: aditü'i̧nä̧ aditokü ja̧'a̧nä̧, pü̧jä̧ appiyä'i̧nä̧ 'kuä̧o̧kü̧ ja̧'a̧nä̧.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

Hebreos 1:9

«Adiwomȩnä̧ jȩä̧kuä̧wä̧tä̧ esewinü̧jä̧, surojümä̧ kkü'kokü pinü̧jä̧; ja̧'wa̧nü̧ jo̧mȩnä̧ Dio-mä̧, pojopü ȩmi̧nä̧ku̧jä̧, kuä'o Dio jü̧nä̧, eseäkuäwä iyinä̧ku̧jä̧, kuawaruwättü'i̧nä̧ abonä̧nü̧.»

Hebreos 11:5

A̧'kua̧ u̧wȩnä̧ro̧mȩttü̧, Henoc-mä̧ wa'ü iku juiyünä̧tä̧ kkä̧kuä̧wä̧nä̧ pärowächinü̧ ja̧'wa̧nü̧ ja̧'a̧ttü̧ ttü̧'o̧kui̧'o̧ko̧ku̧ pinü̧, Dio-tä ȩmo̧po̧'ä̧chä̧ja̧'a̧ttü̧. Ja̧'wa̧ta̧nü̧ wȩyu̧kuä̧ wȩnȩnä̧mä̧ pä'a, Henoc-mä̧ Dio-rü pä̧wä̧rü̧jo̧mȩnä̧ kki̧nü̧, jü̧nä̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.