Gálatas 6:4 - Nuevo Testamento Uwotjüja

⁴ Ya̧ku̧nä̧ jȩpü̧ ku̧ja̧kuä̧tu̧ku̧mä̧, kua̧mü̧nä̧ pa̧ja̧tü̧tä̧ kka̧mü̧nä̧ topäkuäwätukui.

TÄ̧DO Ä̧CUÄ̧ I̧HUȨNȨ

⁴ O'ca toi'önä ka̧cuä̧mö̧ tottäcuäu'a̧nö̧ ja̧'a̧ jitötä ttamönä jȩttö̧. Ja̧'hua̧nö̧ jo̧mȩnä̧ adiu jȩpö̧sä̧ päöttömä, chutä amönätä ucuotäcuäu korotörö ucuotäcuähuä juiyönä.

Gálatas 6:4 ပူးပေါင်းရင်းမြစ်များ

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

1 Corintios 11:28

Ja̧'wa̧nü̧ ja̧'a̧ttü̧, yotukunä̧ kua̧mü̧nä̧tu̧ku̧tä̧ kka̧kuä̧mä̧kuä̧u̧ topäkuäwätukui ja̧'wa̧nü̧ jȩpi̧'ü̧'kotütä trigo i̧ri̧si̧'i̧nä̧, i̧so̧'ta̧nä̧ akuoya'i̧nä̧ awätukui.

1 Corintios 3:14

Ja̧'wa̧ta̧nü̧ ya̧tȩ, aditinü̧ jä̧jí̧ 'kiyo kka̧ku̧ jü̧ttü̧mä̧, jua̧u̧ mikuämä̧ ȩmä̧kua̧;

1 Corintios 3:8

Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

Gálatas 6:13

Juätü circuncisión pättü jȩpä̧kuä̧wo̧tü̧'i̧nä̧ o'kajuiyünä̧ weäwä wȩnȩ päü'a̧nü̧mä̧ jȩpo̧ko̧tü̧. Ja̧'wa̧nü̧ ja̧'a̧nä̧ ukuturutä circuncisión jȩ'kui̧yä̧tu̧kua̧tü̧ pä'ätü, wȩti̧nä̧u̧ pä'ü topü tteseäkuäwa pä'ü.

Filipenses 1:26

Ja̧'wa̧nü̧ ja̧'a̧ttü̧, pä'äjita'anü̧ jua'a ku̧jä̧tu̧kua̧'a̧ chichomȩnä̧mä̧, Jesucrito-rü rü̧ȩnä̧tä̧ kuesewätukuäkuotüjä̧, ttü jäwänä̧.