Gálatas 6:1 - Nuevo Testamento Uwotjüja

¹ Chawaruwä chi̧jä̧wa̧tü̧, ya̧tȩ surojü jȩä̧ja̧'a̧ ttü̧'o̧kui̧'ü̧ttü̧mä̧, ukutu Epíritu jäwänä̧ kka̧kuä̧tü̧tä̧ ro̧'ȩpä̧tu̧kui̧ diyawäyänä̧. Ukututä'i̧nä̧ tta̧'ä̧rä̧kuä̧u̧ kka̧kuä̧tu̧kui̧, kua̧mi̧ 'kuä'ü ma̧kuä̧chä̧tu̧ku̧ a̧'kua̧ra̧'a̧.

TÄ̧DO Ä̧CUÄ̧ I̧HUȨNȨ

¹ Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

Gálatas 6:1 ပူးပေါင်းရင်းမြစ်များ

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

San Mateo 26:69

Ja̧'wa̧nü̧ jȩtta̧'a̧nä̧ Peduru-mä̧ u̧mi̧ isaränä̧ pi̧nü̧. Ja̧'wa̧nü̧ ü̧'a̧'a̧, yajute ttu̧mü̧wäyaju ichi'ü päjinä̧ku̧: —Uku'i̧nä̧ Jesú Galirea i̧sa̧ku̧ kue'ächä'ijü̧jä̧.

San Mateo 26:75

Ja̧'wa̧nü̧ ä̧ju̧ku̧, Peduru-mä̧ Jesú pä'inü̧ ji̧nü̧ amükuädi'inü̧: «Äkärä woäkua'a ä'kanä̧, wäbodäkuänä̧ jo̧mȩnä̧ ttü chütü'kü kuä̧ppü̧tä̧rä̧kua̧jä̧», jü̧nä̧. Ja̧'wa̧nü̧ jä̧ku̧ Peduru-mä̧ juorü rä'opächü rü̧ȩnä̧ ajuäu ikuinü̧.

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

Romanos 14:1

Tta̧'kua̧ wȩnä̧rä̧kuä̧wä̧ jiyüpätürü dodetta we'ätukui jawätukumä̧ päkuä'chäkuäwätukuä.

Romanos 15:1

Ja̧'wa̧nü̧ ja̧'a̧ttü̧, ujutu ta̧'kua̧ wȩnä̧rä̧kuä̧wä̧nä̧ tujuru kku̧nä̧rä̧tü̧mä̧, kkorotü jiyupätürü ppätädü'anü̧ ja̧'a̧, ujutu jäwätämä̧ tta̧mü̧kuädoka'a.

Romanos 8:6

Isopäi'ünä̧ ttidepä wea'anä̧ ttü̧jo̧mȩnä̧mä̧ wa'aretä ja̧'a̧ ja̧'wa̧nü̧ ja̧'a̧nä̧ Epíritu jäwänä̧ ttü̧ja̧kuo̧mȩnä̧mä̧ wȩnȩ juiyünä̧, a̧'kua̧rü̧ kkä̧kuä̧wä̧ ja̧'a̧.

1 Corintios 10:12

Ja̧'wa̧nü̧ ja̧'a̧ttü̧, ttümä̧ 'kiyünä̧ kkü̧sä̧ pä'ü amükuädümä̧, ma̧kuä̧chü̧ juiya pä'ütä amükuädü kkä̧wi̧.

1 Corintios 14:37

Ja̧'wa̧ta̧nü̧ ya̧tȩ profeta-sä päüttümä̧ ja̧'wa̧ta̧nü̧ Epíritu ukuokuäkusä päüttümä̧, pi̧yȩ chi̧wȩyu̧tu̧mä̧, Tu̧ru̧wa̧ weinü̧ ja̧'a̧ pä'ü wo̧jua̧.

1 Corintios 2:15

Ja̧'wa̧nü̧ ja̧'a̧nä̧, Dio i̧sa̧ Epíritu-ru kku̧nä̧rä̧tü̧mä̧, o'kajuiyünä̧tä̧ adiwomȩnä̧ pä'ätü; pärokua'aku juätürümä̧, kkorotümä̧ pättü juiyünä̧ ja̧'a̧.

1 Corintios 3:1

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ttümä̧ epíritu jäwänä̧ kka̧kuä̧tü̧ jü̧nä̧mä̧ chukuokuoko̧u̧ pinä̧tü̧jä̧, ja̧'wa̧nü̧ jo̧ka̧'a̧ ttidepä weünä̧ kka̧kuä̧tü̧ jü̧nä̧tä̧, Crito jäwänä̧mä̧ ppo̧'ä̧tü̧ jü̧nä̧tä̧ chukuokuinä̧u̧jä̧.

1 Corintios 4:21

¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 2:7

Ja̧'wa̧nü̧ ja̧'a̧ttü̧, eseku ikutä ppä'ädätukuirü, jua'a yabo a̧'kua̧ tta̧'ȩku̧ surojuoeku juiyäkua'anü̧.

2 Corintios 2:8

Ja̧'wa̧nü̧ ji̧yä̧ku̧, jua̧u̧ru̧ repe'ü kuesewätuku kui̧jȩpä̧tu̧kua̧rü̧ pä'üsä.

Gálatas 5:23

ukuo te'äwokü, a̧mü̧nä̧ pa̧ja̧tü̧ 'chu'ädäkuäu; pi̧yȩ kko̧mȩnä̧mä̧ weäwä wȩnȩmä̧ juiya'a.

Gálatas 6:18

Chawaruwä chi̧jä̧wa̧tü̧, Tu̧ru̧wa̧ Jesucrito ppädümä̧ o'katoi'ünä̧rü̧ kua̧'kua̧rä̧tu̧ku̧nä̧ kkä̧tu̧kua̧ku̧ pä'üsä. Amȩ́.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

2 Tesalonicenses 3:15

Ja̧'wa̧nü̧ ja̧'a̧nä̧ kua̧bo̧i̧ya̧ jü̧nä̧mä̧ ku̧ju̧nä̧rä̧tu̧kuä̧rü̧, ja̧'wa̧nü̧ ja̧jü̧ jueimä̧ kui̧jä̧wa̧ jü̧nä̧tä̧ ji'äu ro̧'ȩpi̧rü̧.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Hebreos 12:13

ja̧'wa̧ta̧nü̧ mä̧ni̧yä̧ jueü o̧mä̧nä̧ jopätukui, kui̧jä̧pü̧ ppi̧sä̧ ppi̧sä̧ jo̧mȩ jue'ekuächünä̧.

Hebreos 13:3

Ja̧'wa̧ta̧nü̧ kärenä̧ pȩjä̧tü̧rü̧ amükuädätukui, ukutu'i̧nä̧ juätütäku ttü̧'ȩja̧'a̧ 'kua̧rü̧nä̧. Ja̧'wa̧ta̧nü̧ suronä̧ jȩttä̧'i̧jä̧u̧rü'i̧nä̧ amükuädätukui, ukutu'i̧nä̧ juätütäku ku̧jä̧tu̧kua̧'a̧ 'kua̧rü̧nä̧.

Santiago 3:13

Ukututtü ya̧tȩ wo̧juȩku̧nä̧ amükuädü ja̧'wa̧ta̧nü̧ wo̧jui̧pä̧rü̧ ü̧jü̧ttü̧mä̧, ukuo teäkuäwoka'a adiu jȩpü̧ kkä̧nü̧ i̧jȩpü̧'a̧nü̧ ja̧'a̧ u̧wo̧juö̧ wȩnȩ iyäwi'inü̧mä̧.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

1 Juan 5:16

Ya̧tȩ ta̧wa̧ru̧wa̧ ti̧jä̧wa̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧mä̧, jua̧u̧ru̧ Dio-rü ukuokui, jua̧u̧ru̧ Dio kkä̧kuä̧wä̧ iyarü, jua'a'i̧nä̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧tä̧. Ja̧'wa̧nü̧ ja̧'a̧nä̧ kkoro surojü kka̧'a̧ Dio-ttü jo̧mȩnü̧ 'kȩ'ȩpü̧ iku, jua̧u̧ jȩü̧ttü̧mä̧, Dio-rümä̧ jättepa pä'oküsä.