Gálatas 5:1 - Nuevo Testamento Uwotjüja

¹ Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

TÄ̧DO Ä̧CUÄ̧ I̧HUȨNȨ

¹ Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

Gálatas 5:1 ပူးပေါင်းရင်းမြစ်များ

San Mateo 23:4

Jitütämä̧ weäwä wȩnȩmä̧ ji̧'ki̧cha̧nü̧tä̧'i̧nä̧ ttukuotoka'anä̧, kkorotürümä̧ jȩttü̧ juiyünä̧ jü̧'i̧nä̧ ttukuotiyatü pä'ü we'ätü.

San Lucas 5:38

Ja̧'wa̧nü̧ jü̧ ja̧'a̧ttü̧ vino isoya jareoyamä̧ ji̧yȩta̧'a̧kuä̧ odres isäba jareäbanä̧ 'karü kku̧nä̧wä̧ ja̧'a̧.

Hechos 15:10

Ja̧'wa̧nü̧ ja̧'a̧ttü̧mä̧ ¿ukutumä̧ tta̧'a̧nü̧ pä'ü, Dio jȩü̧mä̧ to'ija̧'a̧ku̧ kuamükuädätukua'ajä̧ttü̧, pitü Jesucrito-rü esetätürü, ujutu'i̧nä̧, tü̧tä̧mü̧ mi̧nä̧'i̧nä̧, jȩttü̧ juiyünä̧ ji̧nü̧ kä'epü wȩnü̧mä̧?

Romanos 6:14

Ja̧'wa̧nü̧ jo̧mȩnä̧ ukutunä̧mä̧ ukuotäkuäwokü surojümä̧ wȩo̧ko̧u̧ kuäkuotüjä̧, täkü weäwä wȩnȩnä̧mä̧ kka̧kuo̧ko̧tü̧jä̧, jitämä̧ Dio re ü̧ji̧nü̧nä̧ kka̧kuä̧tü̧jä̧.

Romanos 6:18

Surojü 'chu̧ä̧ri̧nü̧ttü̧ rä'epü ikuinü̧ o̧'ko̧u̧mä̧, adiwomȩnä̧ jȩpü̧ kkä̧kuä̧wä̧nä̧ ku̧ja̧kuä̧tu̧kua̧ pä'ü dodepinä̧tü̧jä̧.

Romanos 7:3

Ja̧'wa̧nü̧ ja̧'a̧ttü̧, ji̧nä̧ kkirekuo a̧'kua̧ra̧'a̧nä̧ kka̧ra̧ku̧ ppäjächi'omȩnä̧mä̧ adulterio pättünä̧ kkä̧ju̧; ja̧'wa̧nü̧ ja̧'a̧nä̧ kkirekuo 'korujuoächomȩnä̧mä̧, weäwä wȩnȩttü̧mä̧ 'chu̧ä̧ro̧ko̧kua̧, kka̧ra̧ irekua päji'a pä'ümä̧.

Romanos 7:6

Ja̧'wa̧nü̧ ja̧'a̧nä̧, jitämä̧ weäwä wȩnȩmä̧ wȩo̧ko̧u̧jä̧, jua̧u̧ttü̧mä̧ wa'ü ikuinä̧tü̧jä̧, pärokuä jareünä̧ kkä̧kuä̧wä̧, Epíritu jäwänä̧ Dio-rü ukuotü tü̧ja̧kua̧ pä'ü.

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

1 Corintios 7:22

Isopäi'ünä̧, esclavo jü̧nä̧ ttu̧mü̧wä̧ya̧ wa̧rü̧ Tu̧ru̧wa̧ woinä̧ku̧ jü̧ttü̧mä̧, Tu̧ru̧wa̧tä̧ rä'epü ikuinä̧ku̧ ja̧'a̧; ja̧'wa̧nü̧ jü̧ta̧'a̧nü̧, u̧ru̧wa̧ to̧'a̧ esclavo pättäku wokürü woinä̧ku̧ jü̧ttü̧mä̧, jitämä̧ Crito-tä ja̧'a̧ esclavo jü̧nä̧ u̧ru̧wa̧mä̧.

2 Corintios 11:20

Ukutumä̧ ja̧'a̧tä̧ topätüjä̧ esclavo jü̧nä̧ wetta'anä̧'i̧nä̧, kkoro juei 'chottipa'anä̧'i̧nä̧, ttüyaparewa'anä̧'i̧nä̧, ttüjü'koka'anä̧'i̧nä̧, kui'ätukunä̧ kuättaja pä'ü'i̧nä̧.

2 Corintios 3:17

Jua'amä̧, Tu̧ru̧wa̧mä̧ Epíritu jü̧nä̧tä̧ wa̧ ja̧'a̧ttü̧; isopäi'ünä̧ Tu̧ru̧wa̧ i̧sa̧ Epíritu ü̧jo̧mȩmä̧, wȩnȩ juiyünä̧ kkä̧kuä̧wä̧ kka̧'a̧.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

Gálatas 3:25

Ja̧'wa̧nü̧ ja̧'a̧nä̧, ta̧'kua̧ tu̧wȩnä̧rä̧ku̧ Crito ichinü̧ o'ka'amä̧, täkü rekuä rü̧jo̧ko̧u̧jä̧ weäwä wȩnȩ wo̧juȩtä̧rü̧ oipatü pä'ümä̧.

Gálatas 4:26

Ja̧'wa̧nü̧ ja̧'a̧nä̧, Sara-rümä̧ wȩnȩkuä̧cha̧'a̧ jareünä̧ esekuäkuäwä wȩnȩ, ja̧'wa̧nü̧ jo̧mȩttü̧ mo̧ro̧jä̧ra̧'a̧ Jerusarȩ́ ütawiyä isotüjä̧, ttu̧wo̧juȩtä̧u̧ wokotü ttidepiyu jo̧mȩ,

Gálatas 4:31

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, esclava jü̧nä̧ ttu̧mü̧wäyajumä̧, kki̧tti̧mü̧mä̧kü̧jä̧, ttu̧mü̧wäyaju wokojutä kki̧tti̧mü̧jä̧.

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

Efesios 6:14

Ja̧'wa̧ta̧nü̧ 'kiyünä̧, kuäkätukunä̧mä̧ jueü wȩnȩ'i̧nä̧, adiwomȩnä̧ jȩä̧kuä̧wä̧'i̧nä̧ 'chu̧ä̧rü̧nä̧ 'ka̧tä̧wi̧'ü̧ kka̧kuä̧tu̧kui̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

1 Tesalonicenses 3:8

Ja̧'wa̧nü̧ Tu̧ru̧wa̧rü̧ kua̧'kua̧ ku̧wȩnä̧rä̧tu̧ tä̧ju̧kuo̧mȩnä̧mä̧, pä'äjita'anü̧ tesewä̧rü̧nä̧ jä̧u̧jä̧.

2 Tesalonicenses 2:15

Ja̧'wa̧nü̧ ja̧'a̧ttü̧, chi̧jä̧wa̧tü̧, yabokutä Dio-rü kua̧'kua̧ wȩnä̧rü̧ tätukui ja̧'wa̧ta̧nü̧ ku̧ni̧chi'ätukuä ukuturutä tu̧wo̧juȩti̧nü̧mä̧ ja̧'wa̧ta̧nü̧ wȩyu̧kuojänä̧ wȩyu̧tu̧ wetinümä̧.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

1 Pedro 2:16

Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.

Apocalipsis 2:25

Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.