Gálatas 4:6 - Nuevo Testamento Uwotjüja

⁶ Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

Gálatas 4:6 ပူးပေါင်းရင်းမြစ်များ

San Marcos 14:36

Ukuokumä̧ pä'inü̧: «Abbá», Chä'o ukumä̧ o'kajuiyünä̧ jȩ'ku̧tä̧ ja̧'a̧; pi̧yȩttü̧mä̧ chü̧ji̧pü̧nä̧ ppä'ädittü; ja̧'wa̧nü̧ ja̧'a̧nä̧, ttürü pä̧wä̧rü̧ja̧'a̧ku̧mä̧kü̧, ukuru pä̧wä̧rü̧jo̧mȩnä̧tä̧.

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Lucas 11:2

Jesú-mä̧ päinä̧u̧: —Dio-rü kukuokuätukuomȩnä̧mä̧ pa̧'a̧nü̧ kukuokuätukuajä̧: Ujutu Tä'o mo̧ro̧jä̧nä̧ kkü̧mä̧, ukurutä isopäi'ünä̧ Dio ja̧'a̧ pä'ü ttu̧wo̧juä̧cha̧ pä'ätüjä̧. Ja̧'wa̧nü̧ ja̧'a̧ttü̧ «Tu̧ru̧wa̧ rey jü̧nä̧ ichi.»

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 16:7

Ja̧'wa̧nü̧ ja̧'a̧nä̧, isopäi'ünä̧ pädäu̧jä̧: Ttü chi̧'cha̧ pä'ümä̧ rekuä rü̧ja̧'a̧; chi̧'chü̧juiyüttümä̧ ppädäkuäwä i̧sa̧mä̧ ichü juiyü'anü̧ ja̧'a̧; chi̧'cha̧'a̧ttü̧ ukuturu wȩdä̧kua̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

Hechos 16:7

Ja̧'wa̧nü̧ ja̧'a̧ Misia rȩjȩ beipomȩ rȩbȩä̧kuä̧wi̧'ä̧jä̧'kotü, Bitinia rȩjȩra̧'a̧ tti̧'cha̧ pätta'anä̧ Epíritu Sa̧tu̧mä̧ wȩo̧ko̧u̧ pinä̧tü̧.

Romanos 5:5

Jua̧u̧ tta̧'ä̧rü̧ kkä̧kuä̧wä̧mä̧ dä'ä ttuwepokü; isopäi'ünä̧ Dio eseu repeümä̧, Dio ta̧mi̧'iso'kinä̧ iyinü̧ ja̧'a̧ttü̧, Epíritu Sa̧tu̧nä̧, chutä iyinä̧ku̧nä̧.

Romanos 8:9

Ja̧'wa̧nü̧ ja̧'a̧nä̧, täkü ukutumä̧ kuidepä wea'anä̧mä̧ kka̧kuo̧ko̧tü̧jä̧, Epíritu-tä wea'anä̧ kka̧kuä̧tü̧jä̧, ukutunä̧ Dio i̧sa̧ Epíritu ü̧ja̧'a̧ttü̧. Ja̧'wa̧nü̧ ja̧'a̧ttü̧ Crito i̧sa̧ Epíritu-ru to'ätümä̧, Crito-kumä̧ wokotü.

1 Corintios 15:45

Wȩyu̧kuä̧ wȩnȩ pä'a: «Ä̧kuo̧mȩnä̧ ttü̧ja̧sa̧ Adá̧, a̧'kua̧rü̧ jä̧ji̧mä̧ ttü̧ja̧sa̧tä̧ pä'i'inü̧»; rüjinä̧ Adá̧-mä̧, epíritu wa̧ päjimä̧ tta̧'kua̧rü̧ iyäwä i̧sa̧ päi'ünä̧tä̧ pä'i'inü̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

2 Corintios 3:17

Jua'amä̧, Tu̧ru̧wa̧mä̧ Epíritu jü̧nä̧tä̧ wa̧ ja̧'a̧ttü̧; isopäi'ünä̧ Tu̧ru̧wa̧ i̧sa̧ Epíritu ü̧jo̧mȩmä̧, wȩnȩ juiyünä̧ kkä̧kuä̧wä̧ kka̧'a̧.

Efesios 1:13

Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Filipenses 1:19

pi̧yȩmä̧ o'kajuiyünä̧tä̧, Dio-rü kukuokuätukua'attü̧, Jesucrito a̧'kua̧ru̧wa̧ Epíritu-nä̧ ppäda'attü rädopä̧kua̧sä̧ kärenä̧ttü̧mä̧ pä'ü wo̧jua̧sä̧.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.