Gálatas 4:30 - Nuevo Testamento Uwotjüja

³⁰ Ja̧'wa̧nü̧ ja̧'a̧mä̧ ¿toku pä'ajä̧ttü̧ wȩyu̧kuä̧ wȩnȩmä̧?, jua̧u̧mä̧ pä'a: «ku̧mü̧wäyajurumä̧ kki̧tti̧tä̧ku̧ rä'epü ikuiju, jua'amä̧ ku̧mü̧wäyaju kki̧tti̧mä̧ kuiäremä̧ ȩmo̧kä̧kua̧, ji̧nä̧so kui̧tti̧, libre waju kki̧tti̧ku̧mä̧.»

TÄ̧DO Ä̧CUÄ̧ I̧HUȨNȨ

³⁰ ¿Tta̧'a̧nö̧ päa'acuättö Huȩyu̧cuä̧ Huȩnȩmä̧? Ja̧u̧ Huȩyu̧cuä̧ Huȩnȩ päa'a: “Cumöhuäyajuru ki̧tti̧tä̧cu̧ ya'opö icuiju. Jahuäju cumöhuäyaju ki̧tti̧mä̧ ucu cuamönä cuirecua ki̧tti̧cu̧ ttä'o retämä ji̧nä̧ ji̧yȩtȩmä̧ ȩmo̧co̧tö̧ ttäcuotö.”

Gálatas 4:30 ပူးပေါင်းရင်းမြစ်များ

San Juan 8:35

Ya̧tȩ, yotüte ttu̧mü̧wä̧ya̧ jü̧nä̧ kkü̧mä̧, 'kuäopünä̧mä̧ isodenä̧ kko̧kü̧ ja̧'wa̧nü̧ ja̧'a̧nä̧ ji̧nä̧so i̧tti̧tä̧ ja̧'a̧ 'kuäopünä̧ juodenä̧ isodenä̧ kkü̧mä̧.

Romanos 11:2

Ä̧kuo̧mȩnä̧tä̧ päi'ünä̧, Dio-mä̧ Irae ttü̧ja̧rü̧mä̧ pojopü ȩmi̧nä̧u̧ ji̧na̧'a̧; jitä'i̧nä̧ jäyämä̧ u̧ju̧ni̧'o̧ko̧u̧ ¿ukutumä̧ kuieruwätukua'a Elía-rü 'kuäopinü̧, wȩyu̧kuä̧ wȩnȩnä̧ pä'ijomȩmä̧? Dio-rü jäepinomȩ, Irae ttü̧ja̧rü̧ pä'ünü̧:

Romanos 4:3

Ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧ pä'a: Abraha̧-mä̧ Dio-rü esetomȩnä̧mä̧, adiwä juei jȩä̧kuä̧wä̧ i̧sa̧ jü̧nä̧ toinä̧ku̧.

Gálatas 3:22

Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

Gálatas 3:8

Mo̧ täbokütä päi'ünä̧, ä'kanä̧ ukuokuina̧'a̧ Wȩyu̧kuä̧ wȩnȩmä̧, judío pokotü tta̧'kua̧ ttu̧wȩnä̧ro̧mȩnä̧ Dio ȩmä̧kuȩ wȩnȩmä̧. Ja̧'wa̧nü̧ jo̧mȩttü̧ Dio-mä̧, pa̧'a̧nü̧ jareü wȩnȩ ji'äwinü̧ Abraha̧-rü̧: «Ukunä̧tä̧ pi̧jä̧ ttü̧ja̧rü̧mä̧ o'katoi'ünä̧rü̧ ppä̧dä̧dä̧kua̧sä̧» jü̧nä̧.

Gálatas 4:22

Jua̧u̧ wȩyu̧kuä̧ wȩnȩ jiäwa'a, Abraha̧ i̧tti̧mü̧ ta̧ju̧ru̧ u̧ju̧nä̧ri̧nü̧ wȩnȩ: Ya̧tȩmä̧ umüwäyaju esclava waju pättäkuattü ji̧na̧'a̧, kka̧ra̧mä̧ irekuattü, libre waju pättäkuattü ji̧na̧'a̧.

Gálatas 4:31

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, esclava jü̧nä̧ ttu̧mü̧wäyajumä̧, kki̧tti̧mü̧mä̧kü̧jä̧, ttu̧mü̧wäyaju wokojutä kki̧tti̧mü̧jä̧.

Santiago 4:5

Ji̧yȩtȩ pätetü pä'a wȩyu̧kuä̧ wȩnȩmä̧: «Dio-mä̧ eseu repe'ünü̧ ä'kuoyäu Epíritu ujutunä̧ u̧ju̧ni̧nä̧ku̧ru̧mä̧.»