Gálatas 4:14 - Nuevo Testamento Uwotjüja

¹⁴ Jua̧u̧ na̧dä̧cha̧'a̧mä̧ ukuturumä̧ wȩnȩ ja̧'a̧nä̧, ttürü suronä̧ jȩpü̧ ya'okuokotü pinä̧tü̧jä̧. Yattokuajü jueimä̧, Dio i̧sa̧ á̧gȩ 'kua̧rü̧nä̧tä̧, ¡chutä Crito Jesú-ru jȩtta̧'a̧ jä̧'i̧ja̧'a̧nü̧tä̧ jȩ'kui̧nä̧tu̧kuä̧ku̧sä̧!

TÄ̧DO Ä̧CUÄ̧ I̧HUȨNȨ

¹⁴ Ja̧u̧ märichei ttörömä ka̧cuä̧mö̧ tocharö pä'ö jȩtta̧'a̧ jä̧'i̧nö̧'a̧nö̧tä̧ ji̧nä̧cu̧sä̧. Ja̧'hua̧nö̧ ja̧'a̧nä̧ ja̧'hua̧nö̧ na̧dä̧cho̧mȩnä̧, ya̧'ä̧u̧ ya'opö cuicuätucuococu pi̧nö̧sä̧. Ja̧'hua̧nö̧ jȩttä̧'i̧nö̧ juäimä Dios huȩ'ä̧hua̧ ángel a̧'cua̧rö̧nä̧ cuesehuinätucuäcusä. Chutä Jesucristorö cuesehuätucuaji'a̧nö̧ esehuinätöjä ttörö.

Gálatas 4:14 ပူးပေါင်းရင်းမြစ်များ

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

Hebreos 13:2

Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

Gálatas 4:13

Ukutumä̧ wo̧juä̧tü̧jä̧, na̧dä̧chi̧pä̧jo̧mȩttü̧ ä̧kuo̧mȩnä̧ jareü wȩnȩ jidäwina̧'a̧mä̧.

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

1 Corintios 1:28

Ja̧'wa̧ta̧nü̧ pi̧jä̧ttü̧ usurä isotürü ja̧'wa̧ta̧nü̧ ttü̧jü̧'ko̧ko̧u̧ru̧ Dio-mä̧ pojopü ȩmi̧nü̧, ja̧'wa̧nü̧ wotüjä̧ pättü jȩpü̧ ikua pä'ümä̧.

San Juan 13:20

Isopäi'ünä̧ pädäu̧jä̧: Ttü wedäkuru do'ädümä̧, Ttürü do'ädü; ja̧'wa̧ta̧nü̧ Ttürü do'ädümä̧, Ttürü we'inü̧rü̧ do'ädü.

San Lucas 10:16

«Ukuturu ä̧ju̧kuä̧tü̧mä̧, ttürü'i̧nä̧ ä̧ju̧kuä̧tü̧; ja̧'wa̧ta̧nü̧ ukuturu kkü'kokotümä̧, ttürü'i̧nä̧ kkü'kokotü; ja̧'wa̧ta̧nü̧ ttürü kkü'kokotümä̧, ttürü we'inü̧rü̧'i̧nä̧, kkü'kokotü.»

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Gálatas 4:15

¿Tta̧'a̧nü̧ päi'inä̧tu̧kuä̧ku̧ttü̧, ji̧yȩnü̧ kueseäkuäwinä̧tu̧ku̧mä̧? ukuturumä̧ wo̧jua̧sä̧, jȩ'kuä̧tu̧ku̧'a̧nü̧ jü̧ttü̧mä̧, kui'äretuku'i̧nä̧ baroku iyina̧ja̧tü̧jä̧ ttürümä̧.