Gálatas 2:9 - Nuevo Testamento Uwotjüja

⁹ Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

Gálatas 2:9 ပူးပေါင်းရင်းမြစ်များ

San Mateo 16:18

Ukuru'i̧nä̧ pärokua'aku pä'üsä: Ukumä̧ Peduru-jä̧, jü̧nä̧, piwä i̧nä̧wänä̧ chiäre igresia-mä̧ cha̧di̧tä̧kua̧sä̧; ja̧'wa̧nü̧ ja̧'a̧ttü̧ wa'are äpatiyämä̧ kkȩdü̧ ikuokü jä̧kuȩ.

San Lucas 22:8

Jesú-mä̧ Peduru-rü'i̧nä̧, Ju̧a̧-rü̧'i̧nä̧ we'ü pä'inü̧: —Pacua jäwä, ni̧pä̧ro̧mȩ tu̧kuä̧kuȩ aditü kku̧nä̧jä̧tu̧kui̧.

San Juan 1:42

Jua̧u̧nü̧ o'ka'a, André-mä̧ ubüo Simón-rü̧, Jesú ü̧jo̧mȩku̧ o'ipü 'chi̧nü̧; i̧'chi̧'o̧mȩnä̧ Jesú-mä̧ topü päinä̧ku̧: —Ukumä̧ Simón-jä̧, Ju̧a̧ i̧tti̧ ja̧'wa̧nü̧ ja̧'a̧nä̧ jitämä̧ Cefa pä'ü kui̧mi̧kuä̧kua̧jä̧ (jua̧u̧mä̧ Peduru pä'ü päwä)

Hechos 12:17

Ja̧'wa̧nü̧ ja̧'a̧nä̧, u̧mü̧nä̧tä̧ ttü'koruchi'ünä̧ jȩpü̧nü̧, Ttu̧ru̧wa̧ rä'epü ikuäja'a ji'äunu̧, pa̧'a̧nü̧ pä'inü̧: —Ja̧'wa̧ta̧nü̧ pi̧yȩmä̧ ji'äwäjätukui, Sa̧ti̧a̧ku̧rü̧'i̧nä̧, Crito-nä̧ ti̧jä̧wa̧tü̧rü̧'i̧nä̧, jü̧nä̧. Pä'ipütä kkara'a rä'opächü 'chi̧nü̧.

Hechos 15:13

Ja̧'wa̧nü̧ ji'äu kättädomȩnä̧, Sa̧ti̧a̧ku̧ pä'inü̧: —Chawaruwä chi̧jä̧wa̧tü̧, ä̧ju̧kuä̧tu̧kui̧:

Hechos 15:7

Ja̧'wa̧nü̧ pȩjä̧mä̧jä̧'kotü, rekuätü ttukuokuäji o'ka'a, Peduru ä̧rä̧mi̧'ü̧ päinä̧u̧: Chawaruwä chi̧jä̧wa̧tü̧ ukutumä̧ wo̧juä̧tü̧jä̧, ukutu ku̧'kä̧tȩtu̧ku̧ttü̧, judío pokotürü, jareü wȩnȩ, Dio i̧wȩnȩ juätü'i̧nä̧ ttesetünä̧ jidäwiyarü pä'ü, ttürü ȩmi̧nü̧mä̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Romanos 12:3

Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.

Romanos 15:15

Ja̧'wa̧nü̧ ja̧'a̧nä̧'i̧nä̧, kkorojueittü ji̧yȩku̧nä̧ wäjuönä̧ wȩyu̧tu̧sä̧, yaboku ku̧wo̧juä̧chi̧'ä̧tu̧kua̧ pä'ü. Dio ttürü re ü̧ji̧no̧mȩttü̧tä̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

2 Corintios 11:5

Ja̧'wa̧nü̧ ja̧'a̧nä̧ ttü'i̧nä̧, juätü apótore ukuo te'äkuäwätü, o'ka'anä̧ ichinä̧tü̧ tti̧dȩa̧'a̧nä̧mä̧ woküsä.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 8:4

Jua'a'i̧nä̧, ujutuku ukuoku jättepinä̧u̧jä̧, Dio ȩmi̧nä̧u̧ru̧ ppättäda pä'ümä̧.

Gálatas 1:16

I̧tti̧'rü̧'i̧nä̧ chu̧wo̧juä̧chi̧'ü̧nä̧ i̧jȩpi̧nä̧ku̧sä̧, judío pokotürü jidäwiyarü pä'ü, ja̧'wa̧nü̧ ja̧'a̧nä̧ yotäkumä̧ ttü̧ja̧rü̧ jä̧'ȩpä̧rü̧ 'cho̧kü̧ pinü̧sä̧;

Gálatas 1:18

Ja̧'wa̧nü̧ ji̧na̧'a̧ttü̧mä̧, wäbodäkuä a̧'ȩ o'ka'a, Peduru-rü topü 'chä̧nü̧ Jerusarȩ́-ra̧'a̧ku̧ 'cha'ächinü̧sä̧, ja̧'wa̧nü̧ ja̧'a̧ jua̧u̧ku̧mä̧ ttü̧jä̧pü̧ttü̧nü̧ ji̧mü̧tȩ mo̧ro̧ jo̧mȩnä̧ kki̧nü̧sä̧;

Gálatas 2:1

Jua̧u̧nü̧ ji̧na̧'a̧ttü̧mä̧, ttü̧jä̧pü̧ttü̧ pa̧ja̧kuä̧nü̧ a̧'ȩ 'kuäopinü̧ o'ka'a, pä'äjita'anü̧ Jerusarȩ́-ra̧'a̧ Bernawé-ku 'chä̧nü̧, Tito-rü'i̧nä̧ o'ipinü̧sä̧.

Gálatas 2:2

Jua'amä̧ 'chi̧nü̧sä̧, chi̧'cha̧ pä'ü Dio i̧jȩpä̧jä̧ku̧. Ja̧'wa̧ta̧nü̧ jua'attümä̧ chaditä'ijü'i̧nä̧, chaditä̧kuȩ'i̧nä̧ ji̧ya̧'a̧kuä̧ra̧'a̧ aditü jui'ü, chu̧wo̧jua̧ pä'ü, ukuo isotüku i̧mi̧ku̧nä̧ ka̧ka̧kui̧pü̧ ukuokuinü̧sä̧, judío pokotürü chaditä'ijü jareü wȩnȩ tü'kü.

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

1 Timoteo 3:15

Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

Apocalipsis 3:12

Isó juo'epü surojü abo 'kuä'o'ürümä̧ chu̧ru̧wa̧ Dio-rü ukuokuäkuäwode 'chu̧ä̧rä̧'ka jü̧nä̧ jȩchä̧kuä̧u̧, juorümä̧ yoriso rättopü juiyünä̧tä̧; ja̧'wa̧ta̧nü̧ juätürümä̧ chü̧ä̧nä̧wa̧ Dio i̧mi̧'i̧nä̧, jareü ütawiyä Jerusarȩ́ mo̧ro̧jä̧ra̧'a̧ Dio-ttü ichü i̧mi̧'i̧nä̧, jareünä̧ chi̧mi̧'i̧nä̧ wȩyu̧tu̧ chü̧tä̧kua̧sä̧.