Gálatas 2:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, ukuo isotü päi'ünä̧ kka̧kuä̧tü̧mä̧ (ä'kanä̧ kkoro tturuwo ttu̧ju̧nä̧ri̧na̧ja̧ pä'ü'i̧nä̧, jua̧u̧mä̧ ttürümä̧ jo̧ka̧'a̧; Dio-mä̧ ttü̧ja̧rü̧mä̧ 'kȩ'chä̧wo̧kü̧ ja̧'a̧ttü̧), ja̧'wa̧nü̧ ja̧'a̧nä̧, ttürümä̧, ukuo isotü wotümä̧, kkoro jareü wȩnȩmä̧ jittäwokoku pinü̧sä̧.

TÄ̧DO Ä̧CUÄ̧ I̧HUȨNȨ

⁶ Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Gálatas 2:6 ပူးပေါင်းရင်းမြစ်များ

San Mateo 22:16

Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Marcos 12:14

Juätümä̧, ichi'opo'ü pättinä̧ku̧: —Wo̧juȩkuä̧ i̧sa̧, isopäi'ünä̧ ukurumä̧ jueünä̧tä̧ ukuoku pä'ü wo̧juä̧tü̧jä̧ ja̧'wa̧nü̧ ja̧'a̧ttü̧ ttü̧ja̧ pätta'akumä̧ jȩpo̧kü̧jä̧, juätürü to̧pä̧rü̧mä̧ pärokuänä̧ Dio u̧mä̧nä̧ jueünä̧tä̧ wo̧juȩtü̧jä̧. Ja̧'wa̧nü̧ ja̧'a̧ttü̧ ¿Roma ru̧wa̧rü̧ impuesto ti̧mi̧ta'amä̧ adiwa'a tä̧jí̧, suroja'a tä̧jí̧? ¿Tiyü'anü̧ tä̧jí̧, tiyü juiyü'anü̧ tä̧jí̧?

San Lucas 20:21

Juätü wȩttä̧jä̧u̧mä̧ Jesú-ru pä'inä̧tü̧: —Chu̧ru̧wa̧, ukurumä̧ wo̧juä̧tü̧jä̧, isopäi'ünä̧ jueü wȩnȩtä̧ ukuoku wo̧juȩtü̧ pä'ümä̧. Ja̧'wa̧ta̧nü̧ ttü̧ja̧rü̧ pä̧wä̧rü̧jü̧ ku̧wo̧juȩto̧ka̧'a̧, Dio u̧mä̧nä̧mä̧ jueünä̧tä̧ ku̧wo̧juȩta̧'a̧ttü̧.

Hechos 10:34

Ja̧'wa̧nü̧ ukuokuiyäku, Peduru-mä̧ pä'inü̧: —Jitämä̧ isopäi'ünä̧ wo̧jui̧'ü̧sä̧, Dio-mä̧ yotüterütämä̧ esewokü pä'ü,

Hechos 5:36

Ja̧'wa̧ta̧nü̧ amükuädätukui, ya̧tȩ Teudas pä'ü mi̧kua̧ rä'opinü̧, ukuo i̧sa̧sä̧ pä'ü ja̧'wa̧nü̧ jȩo̧mȩnä̧ cuatrocientos-nü̧ rekuätü eseku jua̧u̧ku̧ 'chi̧nä̧tü̧. Ja̧'wa̧nü̧ ja̧'a̧nä̧, kuä'ü ttikuinä̧ku̧. Ja̧'wa̧nü̧ päi'omȩnä̧ jua̧u̧ru̧ esetäjätümä̧, ttipperekuächomȩnä̧, be'ipächinä̧tü̧.

Romanos 2:11

Isopäi'ünä̧ Dio-mä̧ yoräteunä̧tä̧ ȩmü̧ ja̧'a̧ttü̧.

2 Corintios 11:5

Ja̧'wa̧nü̧ ja̧'a̧nä̧ ttü'i̧nä̧, juätü apótore ukuo te'äkuäwätü, o'ka'anä̧ ichinä̧tü̧ tti̧dȩa̧'a̧nä̧mä̧ woküsä.

2 Corintios 12:11

Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 5:16

Ja̧'wa̧nü̧ ja̧'a̧ttü̧, porü yabokumä̧ ttü̧ja̧rü̧mä̧ ya̧tȩrü̧'i̧nä̧ pi̧jä̧ ttü̧ja̧ tta̧mü̧kuäda'akumä̧ amükuädokotüjä̧; ja̧'wa̧ta̧nü̧ Crito-rü'i̧nä̧ pi̧jä̧ ttü̧ja̧ ttu̧wo̧juö̧'a̧nü̧mä̧ wo̧juo̧ko̧tü̧jä̧.

Gálatas 2:2

Jua'amä̧ 'chi̧nü̧sä̧, chi̧'cha̧ pä'ü Dio i̧jȩpä̧jä̧ku̧. Ja̧'wa̧ta̧nü̧ jua'attümä̧ chaditä'ijü'i̧nä̧, chaditä̧kuȩ'i̧nä̧ ji̧ya̧'a̧kuä̧ra̧'a̧ aditü jui'ü, chu̧wo̧jua̧ pä'ü, ukuo isotüku i̧mi̧ku̧nä̧ ka̧ka̧kui̧pü̧ ukuokuinü̧sä̧, judío pokotürü chaditä'ijü jareü wȩnȩ tü'kü.

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Hebreos 13:7

Amükuädätukui kuruwotü pató-tü̧, Dio i̧wȩnȩ jittäwinü̧mä̧; jȩpü̧ ttü̧jo̧mȩnä̧ tti̧rȩbȩwi̧na̧'a̧ttü̧ topü, tta̧'kua̧ ttu̧wȩnä̧ri̧nü̧'a̧kuä̧ ukutu'i̧nä̧ kua̧'kua̧ wȩnä̧rü̧ jȩpä̧tu̧kui̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.