Filipenses 4:3 - Nuevo Testamento Uwotjüja

³ Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

TÄ̧DO Ä̧CUÄ̧ I̧HUȨNȨ

³ Ucuru'inä chu̧mö̧huä̧ya̧ adiu jȩpi̧nö̧rö̧, ji'äusä jahuätörö, tö̧jä̧hua̧tö̧rö̧, ppäcuhuäda pä'ö. Jahuätö adiu aditinätö ttöcu, ttö̧ja̧ suronä jȩttö̧ jȩpö̧ icu huȩnȩ ji'äu. Ja̧'hua̧ta̧nö̧ Clementecu, korotöcu ji̧nä̧ yo̧mȩtȩ aditinätöjä. Jahuätö tti̧mi̧mä̧ huȩyu̧cua̧'a̧ ka̧'a̧ kä̧cuä̧huä̧ i'co cuyäru'tänä.

Filipenses 4:3 ပူးပေါင်းရင်းမြစ်များ

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

Romanos 12:1

Ja̧'wa̧nü̧ ja̧'a̧ttü̧, chawaruwä chü̧jä̧wa̧tü̧ ukuturu jä'epüsä Dio rȩrü̧jü̧ toinü̧nä̧tä̧, kua̧mü̧nä̧ pa̧ja̧tü̧ yotukunä̧mä̧ ku̧jä̧tu̧ku̧mä̧ ofrenda jü̧nä̧tä̧, surojü juiyünä̧tä̧, Dio eseunä̧tä̧, Chutä Dio-rü kuiyäwätukua pä'ü.

Romanos 16:12

Trifena-rü̧'i̧nä̧, Trifosa-rü'i̧nä̧ tu̧ru̧wa̧ weäwä aditä'ijätürü te'äwiyätukuittü; tawaruwaju tüjäwaju Pésida-rü'i̧nä̧, Tu̧ru̧wa̧ aditäwä rü̧ä̧nä̧ aditä'ijürü'i̧nä̧, jü̧nä̧.

Romanos 16:9

Te'äwiyätukuittü Urbano-rü̧, Crito weinü̧nä̧ taditomȩnä̧ ppä'ädä̧rä̧'i̧jü̧rü̧ ja̧'wa̧ta̧nü̧ repedäku Estaqui-rü'i̧nä̧.

Filipenses 1:12

Chawaruwä chi̧jä̧wa̧tü̧, ku̧wo̧juätu̧kua̧ pä'üsä, isopäi'ünä̧ ttürü 'kuäopinü̧mä̧ jareü wȩnȩ rü̧ä̧chü̧nä̧ 'kuäopina̧'a̧.

Filipenses 1:16

Ja̧'wa̧nü̧ ji'äwätümä̧ eseu ji'äwätü; jua̧u̧mä̧ pojopü ȩmi̧nä̧ku̧ jareü wȩnȩ aboiyotürü suronä̧ jȩttü̧ juiyünä̧ tta̧wa̧rä̧kuä̧wä̧ i̧sa̧ pä'ü ttürü ttu̧wo̧jua̧'a̧ttü̧;

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Filipenses 1:5

jua'amä̧ jareü wȩnȩ jidäwomȩnä̧ ppä̧kuä̧dä̧rä̧tu̧kua̧'a̧ttü̧, ä̧kuo̧mȩnä̧ kuä̧ju̧kui̧nä̧tu̧kuo̧mȩttü̧ kkä̧mä̧dü̧ jitä mo̧ro̧bü päi'ünä̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Filipenses 4:2

Evodia-rü'i̧nä̧, Síntique-rü'i̧nä̧ jä'epüsä, Tu̧ru̧wa̧rü̧ kuesetinä̧tu̧kua̧'a̧ttü̧, eseku ku̧ja̧kuä̧tu̧kua̧ pä'ü.

Colosenses 1:7

Pi̧yȩmä̧ ta̧wa̧ru̧wa̧ Epafra u̧wo̧juȩti̧nä̧u̧jä̧, ujututäku aditä'ijü, Tu̧ru̧wa̧ weinü̧ ukuotü adikuä i̧sa̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.